انتبهوا للنقطه هذي بالنسبه لشركة اتصالات AT n T
السلام عليكم..
حصلت لي مشكله بقولكم اياها باختصار عشان ما احد يقع فيها..
انا رحت لاحد محلات الشركه المذكوره وقلت لهم ابي اطلع رقم مسبوق الدفع(شحن) ..وابي اشغل عليه خدمة البي بي+ مكالمات غير محدوده +رسائل غير محدوده(داخل امريكا طبعا)
اخذ مني 75 دولار + 25 دولار حق الشريحه
اللي صار انه كل شي اشتغل معاي تمام الا خدمة البي بي، بعد ثلاث ايام رحت للفرع الرئيسي للمدينه اللي انا فيها وقلت لهم مشكلتي، قالوا لي اصلا اي بطاقه مسبقة الدفع من عندنا ما تشغل انترنت ، ولو شغلت انترنت ما راح تشغل خدمة البي بي!
قلت لهم طيب احد فروعكم عطاني هالباقه وهو يعرف اني ابي اشغل عليها خدمة البي بي.
قالوا لي الفرع هذا مو تبعنا، هذا مجرد وكيل لشركتنا،طبعا تطاقيت معهم شوي بالانقليزي وطلعت خخخخ :o
المستفاد من الموضوع، اذا جهازك سمارت فون لا تستخدم شي مسبق الدفع تبع شركة اي تي اند تي
رد: انتبهوا للنقطه هذي بالنسبه لشركة اتصالات AT n T
اخويا انا عندي جالكسي تاب وابغى شريحة وباقة من at&t فقط انترنت ..الاقي عندهم شي زي كدة حتى لو ما كانت مسبقة الدفع ..وكم سعرها ؟
ياريت تفيدني
رد: انتبهوا للنقطه هذي بالنسبه لشركة اتصالات AT n T
ايه فيه عندهم بس فاتوره، سعرها ما ادري والله بكم لكن هم ياخذون رسوم على الشريحه ٢٥ دولار( مره وحده فقط مو كل شهر)
وياخذون مبلغ شهري مااعرف كم لكن بسالك واشوف، ونصيحه لا تشترين من الكشكات اللي في الاسواق روحي للفرع الرئيسي اضمن لك،غالبا ما يصير لك شي بس في حالة انه صارت لك مشكله ما يقولون لك انه هذا وكيل مو تبعنا زي ما صار لي
بالنسبه للسعر بسالك عنه
رد: انتبهوا للنقطه هذي بالنسبه لشركة اتصالات AT n T
مشكور اخويا ..
طيب بالنسبة للفترة لازم يكون لفترة طويلة ولا اقدر اخد مؤجل الدفع لاي مدة ابغاها حتى لو كانت بس شهر؟
رد: انتبهوا للنقطه هذي بالنسبه لشركة اتصالات AT n T
والله غالبا لو بتجلسين شهر ما تاخذين مفوتر.. وبالنسبه لاي تي اند تي هذي معلومات عن الباقات الخاصه بالنت اللي عندهم Get Started - from AT&T
فيه شركات تعطيك كمية بيانات مفتوحه للتصفح، هذولي ماعندهم
وتاكدي ان جهازك unlocked لان فيه بعض الاجهزه ما تشتغل الا على شركات معينة
رد: انتبهوا للنقطه هذي بالنسبه لشركة اتصالات AT n T
أنا اخوي استخدمت AT&T مسبقت الدفع وفيها باقت بلاك بيري ..
غيرت الشركة لأني نقلت لولاية ثانية وتغطيتهم سيئة واستخدم T-mobile وبصراحة أفضل من AT&T ..
وسابقاً وحالياً باقة 50$ شهرياً ..
بالتوفيق اخوي ..~
رد: انتبهوا للنقطه هذي بالنسبه لشركة اتصالات AT n T
T mobile مشكلتهم انهم 2G مو 3G
رد: انتبهوا للنقطه هذي بالنسبه لشركة اتصالات AT n T
يا أخوان أنا أستخدم تي موبايل وتغطيتهم سيئة في منطقتي
وبالنسبة لأي تي أند تي غاليه على غير سنع
وأنا أنصح الأخوان خصوصاً الأخت اللي فوق بشركة الكثير أعرفهم يستخدمونها وهي سيمبل موبايل تعطيك رقم مسبق الدفع واتصالات ورسائل ورسائل دولية وأنترنت بـ 40 دولار إذا بغيت فور جي بـ 50 دولار إذا بغيت بلاك بيري تزيد 10 دولار
الشركة رائعه وسمعت أنها تستخدم أبراج تي موبايل وهذا اللي ما خلاني أنتقل لها
وأنا أبحث عن شركة الأن تغطيتها ممتازه
رد: انتبهوا للنقطه هذي بالنسبه لشركة اتصالات AT n T
اخوي أنا عندي ايفون 4 بس ما احتاج النت لأني استخدم النت من الأيباد ،،، ابي أرخص باقه في امريكا وتكون شحن ،،، لا هنت يالغالي
رد: انتبهوا للنقطه هذي بالنسبه لشركة اتصالات AT n T
اقتباس:
المشاركة الأصلية كتبت بواسطة psn
اخوي أنا عندي ايفون 4 بس ما احتاج النت لأني استخدم النت من الأيباد ،،، ابي أرخص باقه في امريكا وتكون شحن ،،، لا هنت يالغالي
أنا مثلك تماماً كنت ماخذ باقة فيها أنترنت وبصراحه ما أستفيد من النت في الجامعه نت في البيت نت في المطاعم نت في الأسواق نت أجل ليش النت
وأنا أستخدم تي موبايل لقيت عندهم باقة نصحني فيها أحد الزملاء محدودة تعطيك 1500 دقيقة ونت بسيط 30 ميقا بـ 30 دولار أعتقد أنها مناسبه جداً
وبصراحه حنا في أمريكا مو في السعودية ما فيه زود إتصالات يمكن تمر أيام ما تتصل أبد