اياك اعني واسمعي يا جاره!!

يالغالي كلامك رائــع ،

لكن دوما في أي قضية أو مشكلة تخصنا دوما نوجه أصابع الاتهام للدول العربية الشقيقة !!!

بصراحة أستبعد هذا الأمر من الأخوان في مصر أو غير مصر من الدول الأخرى ،

اذا أيام الدراسة تشوف ثلاثة أرباع الطلاب قبل الاختبار باسبوع شغالين تصغير في الأوراق !

بينما بعض أبناء وطني وأغلب الأشقاء العرب اللي دارسين عندنا شغالين مذاكرة ومراجعــة ،

وعلى قولة المثل " من شب على شيء شاب عليه "

فهل تتوقع بإن اللي كان يصغر أوراق ويبرشم في كل اختبار راح يترك هذه العادة ؟

بينما اللي كان بيذاكر ويجتهد راح يترك هذا الأسلوب الصحيح ويلجأ إلى الغش ! ؟


لا أعتقد تماما ومن الممكن حدوث ذلك لكن بنسبة ضئيلة جدا تكاد تكون معدومــــة

بصراحة كثير بل اكاد اجزم ان الاغلبيه تفكيرهم مثل هذا التفكير من الدارسين على حسابهم الخاص وبعد ذلك الحقوا بعضوية البعثه اما من كان مبتعث بمجهوده الخاص فقليل منهم هكذا
فالدارس همه الوحيد ان ينجح بأي طريقه كانت سواء استعانة بشخص ليكتب له بحث بمبلغ مالي محدد او غش بالاختبارات ولا يحتاج ان اذكر كم عدد الاشخاص بمدينتي يفعلوها وبصراحه الوم الاهل اولا واحملهم المسؤوليه واسباب اخرى تأتي ثانيا لو ذكرتها لن انتهي .
اتمنى ان ارى هذا الجيل يدرس لأجل العلم ليس للوظيفه والمال فقط .

نعم هذي حركات الدراسين على حسابهم الخاص
زايده فلوسهم ووجهم مو لدراسه
الدراسين على حسابهم الخاص سرطان ينشر بين المبتعثين

^^^^^ التخصيص مو طيب ويضر أكثر مما يفيد وهو ظلم كبير ... هذا هو الواقع هناك فئة لديها المال ولديها أمكانية للدفع ... وليس الأمر محصور على العلم والجامعات

ممكن بالمال تشترى .. الضمير والشرف ...... والجاه والمنصب .... التصفيق والتهليل ..... الدكتره والحيمره .... كل مايخطر على بالك ممكن يشترى بالمال

وإذا هذا الكاتب شارك في عملية من هذا النوع .... فهو أيضاً شريك في الجرم والجريمة لأنه حتى هو باع ضميره وأمانته حين قبل بمثل هذا
ولو قلت له خذ مال وأبحث لي َ عن نساء ... لفعل ... من يبحث عن المال لمجرد المال مستعد أن يفعل أي شيء ..... نعم أي شيء يخطر ببالك

وجل القوادين " أكركم الله ...... وبائعي الكيف والهوى هم من هذه العينة أمثال هذا الكاتب ... وهم متساوين في الجرم والجريمة .... بل بالعكس أن جريمتهم أكبر من غيرهم لانهم هم أساس البلاء والجرم والأنحراف والغش والتزوير

تحياتي ,,,

لا حول ولا قوة الا بالله
الله يجيرنا من هالمصائب ويحفظنا واخواننا واخوتنا المبتعثين

ههههههههههههههههههه عارفة عددهم عد الاصابع بس شر البليه ما يضحك
شكرا على المقال الرائع و بالاخير يفضلون الطالب الي جاي من برا على حساب الي يدرس في جامعاتنا الدمار و العذاب بمعنى اصح

الله المستعان ...... ......

تعجبوني طلعوا الفضايح ههههههههههههههههههههههههههههه
اخواني انا كنت ادرس بمدينه في دوله ما بمدينه ما .... خليها مستوره

عدد الطلاب السعودين 300 طالب اكثر اذا مابالغ ثلاث ارباعهم اعرفهم واكثر من النصف اعرفهم معرفه تامه لمده 3 سنوات المهم ....

اكثر من 95% بالميه معتمدين على دهن السير الا من رحم ربي وينعدون على الاصابع واقدر احلف انهم مايفهمون شئ ينجحون على مذاكرتهم على اختبرات الاعوام السابقه ...

مالمومهم لان دراستنا غبيه وتعليمنا للاسف غير مهيئ نفسيا او علميا كلها تعتمد على مدرسك والشكوه على الله

اهم شئ انجحوا

في نظرتي الشخصيه لو يجون من النصف مليون مبتعث المخطط لها بالعشر سنين 100 عالم يكفون ويوفون
والباقين مانبي منهم شئ بس يغطون مكان الاجانب ويقدرو يطورا في مجال تخصصاتهم ودرسون ابنائنا دراسه سليمه تنفع الاجيال القادمه وتعدل عندنا مستوى التفكير العلمي

طيب هم كيف طلعوا من الاساس و ابتعثوا و من اختارهم " تذكرت كلمة واحد الله يذكره بالخير يقول البرنامج لا يبتعث الا الصفوه"

مهب عن طريق دهن السير.....طيب من شب على شي شاب عليه

و بعدين يقولون الطلاب المبتعثين محسودين و مستهدفين و مدري ويش و من ها الكلام

---------------------

ابشركم شخص اعرفه بيبتعث عن قريب لدولة اوروبية لدراسة الماستر لا يفقه الا الشي القليل في تخصصه

حبيب قلبي انت الصفوه هاذي مانحتاجها

ان الطالب السعودي لازم يطلع ويشوف العالم اشلون يدرس اشلون يفكر كيف وصلو للحضاره واحترام الذات وووووو ... الخ

فإذا نبي نشوف اجابيتها اكثر عن سلبيتها من الممكن ان يكون هناك عالم من علماء الارض كان لا يفقه شئ عندك الاخ نيوتن كان انسان انسان غبي وتغيباته عن الصف كان يسحب على المدرسه ويفل و في الاخير اصبح عالم

خل الشعب يدرس ويفل وانصحك مالك ومالهم لهم رب رزقهم بالمال والمكان اعرف بخلقه ومن راقب الناس مات هم دع الخلق للخالق و طالع لنفسك

وتحياتي