بحث عن تخصص ماجستير مالية + بكالوريوس هندسة ميكانيكية

السلام عليكم ..
كيييييييييييييييييييييييييييييييييفكم !!

انا لازم انقل من ولايتي عشان التكدس

وابي معهد تابع لجامعه نظام شهور مابي نظام اترام .... المعهد اللي انا فيه كذا حلو مايملل وتخلص بسرعه

يمكن احد فيكم يدرس زي كذا

ياليت تساعدوني بهالشي ماعندي وقت ولا ادري وش اسوي

وهذي التخصصات ..
ماجستير ماليه
بكالوريوس هندسه ميكانيكيه

معاهد ELS كل شهر ليفيل ..

جآمعة SUU
Southern Utah University - Cedar City, Utah

وتدخل الجامعة بدون تعقيد وفيه نظام تجاوز إذا جبت A في ترمين متتابعين تتجاوز الترم الي بعدهم ماتدرسه ..
بعد التسجيل في الموقع ودفع الرسوم عن طريق الموقع ارسل اوراقك على smith@suu.edu
5 مستويات المعهد والمستوى الخامس تقدر تنزل مادتين اكاديمية ومادتين تخصص ..~

وجدولك في المعهد جدول جامعي يعني تقدر تغير مدرس او وقت دوامك بس بصعوبة شوي لكن تقدر ..~

بالتوفيق ..~

السلام عليكم
اخوي XComment انا متخرج من معهد ELS وابحث عن قبول في اي تخصص في الزنس وبعثتي بتخلص وانا ماحصلت قبول\\\ ب

اختصار هل جامعتكم تطلب جيمات درجة عالية وهل هم متساهلين بالقبول؟ وهل تنصحني اقدم فيها؟ لاني قدمت على 100000000جامعة ومايسر الله :) ...

((شيكت على الجامعة وحصلتها تقبل معهد ELS ومعترف في تخصص المحاسبة عند الملحقية))


الله يسهل لنا ولكم ويحقق مبتغانا اجمعين يارب

تطلب جيمات لماستر البزنس .. لكن ما أعرف كم بالتحديد ..~
جامعت سبرينق فيلد ميزوري ما تطلب جيمات في ماستر البزنس ..~

بالتوفيق وعسىى الله ييسر أمرك يالغالي ..~

معاهد EF و ELS مدة كل مستوى شهر وكلها مليانه عرب حتى تحس انك في نيوهورايزن في الرياض + بالنسبة لي غير جيدة في طريقة التدريس و التعليم
انصحك بالبحث عن المعاهد اللي مدة المستوى من 7 الى 9 اسابيع