لكل مبتعث فاضي ويرغب بالمساعدة ..
السلام عليكم ورحمة الله ..
مابطول عليكم بالموضوع .. انا مبتعث ف كندا صار لي سنة ونص حاولت اتحمل المدينه اللي انا فيها الا انه طقت تسبدي ولم يعد لي صبراً
وصعوبة الجامعة طلعت شيباً في رأسي ..
ابي شخص فاهم ولو شيء بسيط عن افضل مدن امريكا وجامعاتهااا مع العلم اني ابي مدينة تكون المعيشه فيها غير مكلفة ..
والناس غير متعصبين .. وماتكون مملة حيل .. لاني شارد من هالمدينة بسبب الملل :
ومن ناحية الجامعة اهم ماعندي .. تكون سهلة وغير معقدة ..
الله يوفق الجميع .. يارب
واللي كتب رد وايضاح وتعب معاي .. الله يزوجه ويخليه يتخرج من الجامعة ب 4 سنين بالتمام بدون زيادة واذا رجع يحصل وظيفته جاهزة من اول يوم >>> فيه احسن من الدعوه هذي! :$
رد: لكل مبتعث فاضي ويرغب بالمساعدة ..
ما ابغى اغير الموضوع بس صدقني كندا احسن بمليون مرة واذا طفشان من هالفيكاس هناك مدن اخرى والهندسة الكهربائية هي نفسها في في كندا وامريكا
وفوق هذا تذكر ان المكأفأة في امريكا 1800 والكثير يشتكي فنصيحتي ان تفكر جيد قبل اتخاذ اي قرار
رد: لكل مبتعث فاضي ويرغب بالمساعدة ..
أنا ممكن افيدك بالمدن
والواضح لي أن سبب مللك من مدينتك هو انها صغيرة وبعيدة عن أي مدينة كبيرة<< يمكن
المهم اذا تبغاني اساعدك قول لي وشهي الوناسة بالنسبة لك ؟ يعني اذا طفشت وش تحب تسوي ؟ تطلع السوق ؟ ولا تطلع للبحر ؟ ولا تتمشى في مدينة كبيرة ؟ ولا تطلع خارج المدينة لأماكن طبيعية جميلة ؟ ..ألخ
اذا جاوبتني إن شاء الله ادلك على مجموعة مدن مناسبة لرغباتك
طبعا أنا اعرف لأمركا بس ، كندا ما اعرف فيها شي
والجامعات ما عندي خلفية كبيرة عنها مثل المدن ولكن ممكن اعتمد على مواقع تساعد اذا تحب
ملاحضة هامه جدا جدا : لاتدعو لي بالدعوة هاذيك :p ادعو لي بالتوفيق بس هههههههههههه
رد: لكل مبتعث فاضي ويرغب بالمساعدة ..
أجلس بكندا لا تروح أمريكا شوف يا ابن الحلال تخيل أنك بجامعة سعودية بعدين تذكر جامعتك الحالية عقب راح ترتاح أنها كانت اوهام >>>>> دُعابة و الله
انت بتدرس يعني اهم شي الجامعة >>>>> out please
رد: لكل مبتعث فاضي ويرغب بالمساعدة ..
والله يا اخي ما لي كثير خبرة بس شفت لك طلبين متناقضين
الاول ( من افضل المدن ) والثاني ( غير مكلفة )
ثانيا انا كنت اتمنى ادرس بكندا بس ما الله وفق
عسى تكون خيرة
رد: لكل مبتعث فاضي ويرغب بالمساعدة ..
السلام عليكم ورحمه الله وبركــــاته ,,,,
التخصص والمرحلة وعندك توفل ولالا ,,على شان أحـــاول وأشوف لك جامعة مناسبــة؟!
سبحـــان الله وبحمـــده سبحـــان الله العظيـــــم
رد: لكل مبتعث فاضي ويرغب بالمساعدة ..
خلك على قردك لايجيك اقرد منه
رد: لكل مبتعث فاضي ويرغب بالمساعدة ..
مشكورين كل اللي ردواا الله يوفقكم .. ويسعدكم يلا بحط تعليق ع ردودكم وااحد وااحد .. بسم الله
ناسا ممكن معاااك .. حق بس انا استخرت وبكمل استخاره ودعواتك لي ولاتلومني مره السلبيات ف هالمدينه اكثر من ايجابياتها
عبدالرحمن : يخليك ربي ياعسل انا مو من النوع اللي يحب الوناسة اللي بعد 12 .. يعني تقريباً احب المولات البحر التمشية منتزهات يعني ابغى مدينة فيها حركة شوي
انا بدونك بدون اسم : والله ياخوي حاولت افهم وجلست اقرى الجمله 4 مرات بس ماطلعت بنتيجه مشكور اخوي ع ردك .. ويعطيك العافية ع كل حال
عبدالله .. ياهلا فيك حبيبي ليه يعني مايكون فيه مدينه حلوه بس رخيصه؟ مشكور ع تعليقك والله يكتب اللي فيه الخير لي ولك
وعليكم السلام ورحمة الله وبركاته اخوي بندر .. عندي الايلس اختبرته وانا باللغه لما كنت مستوى 3 من 5 وجبت 5.5 وناوي اختبر بعد شهرين اذا ربي كاتب للحين ماقررت وتخصصي هندسة ابي هندسة كهربائية بكالوريوس طبعاً اتمنى تكون دراستها سهلة
اخوي ذا قولد .. يعني لازم التنكيد الله يهديك ههههه.. دعوااتك لي ان شاء الله ان قراري فيه خير
شاكر لكم جميعاً .. والله يوفقكم لما هو خيراً لكم :
رد: لكل مبتعث فاضي ويرغب بالمساعدة ..
طيب أنا بعطيك قائمة بمدن انصح بها
اورلاندو - فلوريدا .. سياحية و فيها ديزني وجوها حلو وقريبه من البحر وفيها بحيرات
تامبا - فلوريدا .. على البحر وجوها حلو
سياتل - واشنطن .. كبيرة وفيها بحيرات وقريبه شوي من البحر وقريبة من جبال وغابات جميلة ويمكن التزلج في تلك الجبال لفترة قصيرة من السنة
بورتلاند - اوريغن .. قريبه شوي من البحر والمواصلات فيها متوفرة بجميع اشكالها و قريبة من جبال جميلة ويمكن التزلج في تلك الجبال لفترة قصيرة من السنة بس المطر فيها كثير جدا لدرجة ترفع الضغط
دنفر - كولورادو .. كبيرة ويتصاقط بها الثلوج وقريبة من جبال جميلة ويمكن التزلج في تلك الجبال
هيوستن - تاكساس .. رخيصة و كبيرة وجوها دافي و قريبة من البحر بس صراحة بحرها مو ذاك الزود
دالس - تكساس .. رخيصة وجوها دافي
مينيبوليس\سانت باول - مينيسوتا .. كبيرة ويتصاقط بها الثلوج وفيها بحيرات
سولت ليك سيتي - يوتاه.. من ارخص المدن وقريبة من جبال مناسبة جدا للتزلج لفترة طويلة من السنة ويتصاقط بها الثلوج
المدن الي قلت عنها كبيرة هاذي الداون تاون حقها جميل وكله ناطحات سحاب
فيه مدن ثانية جميلة جدا بس غالية نوعا ما لكن المبتعثين فيها عايشين يعني ما ماتو من الجوع :D .. أفضلها هي لوس انجلس و سان فرانسيسكو و سان دييقو و نيويورك و بوستن و فيلاديلفيا و واشنطن دي سي و شيكاغو
عاد انت ابحث عن هاذي المدن في شريط بحث المنتدى هذا أو في قوقل وقوقل صور وقوقل خرايط .. ابد كل الي تبية موجود
وسامحنا على القصور
واذا تبي اي شي صدقني راح احاول قد مقدر اني اساعدك وما ابي غير دعواتك لي بالتوفيق ولك مثلها باذن الله
رد: لكل مبتعث فاضي ويرغب بالمساعدة ..
الله يوفقك دحوم .. والله ماقصرت ويعطيك الف عافية ان شاء الله تحصل ماتتمنااااه الله يجزاك خير .. ويسعدك :*
بشووف بقوقل ..وبقرااا ولايهمك .. مع انو من الحين احس سياتل تقريباً من المرشحين للفوز ب اختياري هههههه :$