..قصيت التذاكر خلااااااص و من ثم جاتني وظيفة براتب.......!!

اول شي مبرووك الوظيفه
انت فكري بنفسك هل كان طموحك تسافري وتجيبي الشهاده من برا او انه بس تبغي وظيفه من الابتعاث والشهاده
وزوجك هل هو مقتنع ام لا بالسفر
الغربه حلوه واشياء كثير ايجابيه شفتها بحياتي هنا نقطة تحول كبيره
بس اذا ان هالوظيفه هي اللي تبغيها فاتوكلي على الله واستخيري
في نقطه ثانيه اللحين صار في ابتعاث للمعلمات والمعلمين بس طبعا لازم خدمه سنتين ونفس اجراءات البعثه ممكن تبحثي عن هالموضوع اكثر
والله بيني وبينك دورت لاسمي قلت يمكن طلع وارجع السعوديه وارتاح من تعب هالقبولات ومرمطة الملحقيه والسفر عشان اختبارات اللغه لكن الحمدلله لعله خير مع انه هدفي الماستر
وبالنسبه للطفل انا عندي بنوته والحمدلله ماحسيت اني تعبت معاها يارب لك الحمد بالعكس تروح الحضانه عمرها سنتين و٩ شهور سافرت من السعوديه وعمرها سنه ونص والحمدلله اكيد بيكون تعب بالبدايه دايما البدايات صعبه بس المهم النهايه المشرقه حضاناتهم هنا حلوه تفتح النفس والله انها بهالاجازه تبكي تبغى تروح الحضانه طفشت من البيت تجي البيت على المغرب اجلس ساعتين معاها الساعه ٨ انومها والحمدلله صح تحسي بقصور اتجاه طفلك انه وقت طويل يمضيه بالحضانه بس هي تتعلم اشياء حلوه مره بالحضانه غير اللغه تربيه ثانيه بس احنا هنا عشان نامن مستقبلهم نتعب سنتين ونرجع بمستقبل حلو
اقولك استخيري وشوفي راي الوالد والوالده وزوجك والله يوفقك للخير

الوظيييييييييييييييييييييييييييييييييييييييييييفه ومافيها تفكير

اتركي الردود الي تقولك امريكا مدري ايش فيها وامريكا الحياة ترى هنا الحياه مو سهله

كيف الواحد يعيش الحياة حلوه وهو في ضغط نفسي رهيب

لو تجيني وظيفه حلوه ارجع مشي مو بطياره

والله انصحك الغربه شينه
الحين البعثه صارت لكل من هب ودب مو مثل اول البعثه للمتميزين فقط
الحين اللي مايحصل قبول في السعوديه يطلع بعثه على حسابه وينضم
وانتي ما شاء الله عليك عندك وظيفه
اختصري الوقت والله يوفقك لان الندم بعدين صعب

اختى الهدف من البعثة ليس ووظيفة وراتب بس
انا تعرضت لنفس الموقف مع عرض وظيفي براتب عالى على وظيفة مرموقة .. لكن فضلت البعثة ما العلم اني كنت على وظيفة براتب عالى واستقلت مع العلم اني متزوج ومعي طفلين.. ورحت اخذت ماستر ورجعت والحمدالله لقيت وظيفة بعد رجوعي بكم شهر
لكن البعثة ليست وظيفة وراتب وبس
البعثة احتكاك مع ثقافات وعادات ونظام .. للعلم فقط اكثر من سيستفيد من البعثة هم الناس الى من حولك الزوج الاطفال الاخوان
لنكي سوف ترجعين ان شاء الله بشكل وتفكير افضل ..
بالتوفيق وعليك بركعتين الاستخارة

تحياتي

اول حاجه ماشاء الله تبارك الله وعلى البركه
الشيء الثاني اختي هالجواب محد يقدر يجاوبه الا انتي
هل انتي طموحه او تبغي الاستقرار ؟
اعرف ناس مدرسين تركوا وظايفهم وجوا ابتعاث وفي لهم مواضيع هنا بمبتعث
واعرف بنات جت لهم وظيفه التدريس وبيقطعون البعثه ويرجعون
هذا شيء راجع لنفسك
بالنسبه لي ماتخيل نفسي اكون مدرسه ابدا
ولكن في ناس حلم حياتهم يكونون مدرسين عرفتي كيف ؟؟
الجامعات هنا ولا اكثر والقبول ولااسهل ولتخصص تغيرينه زي السلام عليكم
انا اقول لك هالكلام علشان مايكون هذا عائقك
انتي تخيلي نفسك بعد عشرين سنه ايش تبغي تكوني ؟؟
مدرسه او معاك شهاده وبمكان ثاني غير التدريس ؟؟
عموما ترى ينفع ترمي عصفورين بحجر وهو انك تصيري مدرسه وتدرسي ماستر بفلوس وخصوصا ان الماستر الي تبغيه شيء تربوي يعني متوفر بكثره بالسعوديه
وبكذا تكوني حققتي حلمك
حتى تقدري تدرسي ماستر عن بعد بجامعات امريكيه وبريطانيه
استخيري ووفقك ربي

لاتشاوري احد وتمسكي بالوطيفة
والماستر لاحقة عليه في ديرتك .

البعثة فرصة العمر التي لا تعوض ولاتقارن بأفضل وظيفه

اذا توكلتي على الله وعلمتي ان رزقك هو المكتوب لك

راح تشعرين بالراحة والاقتناع عند اختيارك الابتعاث على الوظيفة

ولاتجعلين اكبر همك من الابتعاث هو فقط للحصول على الوظيفة

بل اجعلي دافع الحب للتعلم هو الاساس

اعملي بالأسباب (الابتعاث) و دعي تقسيم الرزق لـ الرزّاق


واخيرآ . . لا تنسي الاستخارة

يا عزيزتي : نصيحه ووالله العظيم ما ابغى لك مضره ومرمطه .

البعثه للعاطل واللي ما عنده وظيفه .

امسكي الوظيفه بيدك وبكل ما اعطاك الله من قوه .

صدق البعثه فله ووناسه وعلم وتفتيح مخ ، لكن كلها كم شهر وو يخاويك شبح الغربه وفراق الاهل والاصدقاء .

وتقدرين تاخذين الماستر على راحتك في السعودية ، ولو بعد كم سنه .

وعشان تكسبي اجر ، خلي البعثه فرصه لغيرك ولوجه الله تعالى.

اتمنى اني اقدر اخش مخك ، وابرمجه على الوظيفه ، وافصل ام الفيوز حقت البعثه .

نسيت حاجه ..

لو انتي ما ديتك كويسه وبخير ، يعني مانتي في حاجة الوظيفه ، العلم افضل لك .

ولو زوجك عاطل ، ممكن تضحي بالوظيفه في سبيل انه يحصل على زيادة في العلم معك ويكون عنده فرصه اكبر للوظيفه مستقبلا.

مع اني لازلت متمسك بالوظيفه لانها استقرار عائلي ونفسي .

شوفي محد يعرف مصلحته إلا نفسه
ولا تنتظرين نصايح من أحد
اقعدي بينك وبين نفسك وقلبيها براسك بهداوة وامسكي حبة حبة وفصفصيها
وهاه كيف البعثة احسن لي ولا الوظيفة وبالتوفيق