) والثالث اشتغل براتب حلوا بس عقد سنوي (هذا كان معي في نفس الشركة ومتحسف إنه راح)شوفي أختي
أنا لي طلع موافقة للبعثة مع أول دفعة وكنت موظف والوظيفه ما كانت معجبتني مرة وقلبتها في راسي إني باستقيل وادرس وارجع بعد 3 سنوات وإذا لقيت وظيفة ما راح يفرق راتبي عنه لو إني جلست في وظيفيتي بل بالعكس ممكن ينقص
المهم استخرت الله وألغيت الفكرة
ربعي اللي طلعت أسماءهم معي وراحوا وتخرجوا وجوا بس ما استفادوا شيء اللي رجع لنفس وظيفته السابقة (وهذا أحسنهم) والثاني ما كان موظف اشتغل في كودو (وظيفة تمشية حال
المهم خلال هذه السنوات ولله الحمد شريت بيت بقرض عن طريق الشركة
والآن اللهم لك الحمد حصلت لي بعثة عن طريق الشركة علماً أن الشركة كانت موقفة الابتعاث من أكثر من عشرين سنة بس بدأوا يبعثون وأنا صرت مع أول دفعة
عشان كذا نصيحة خلك على وظيفتك وقدمي على الابتعاث عن طريق وزارة التربية والتعليم وأنت ما شاء الله معدلك مرتفع يعني فرصتك بتكون أفضل بكثير
EEng March 13th, 2012, 09:07 AM
7 " انا ما راح ازيد ع كلام الاخوان اللي قالوا امسكي وظيفتك ...
بس صدقيني انتي اللي تقرري استخيري وشوفي ايش يصير ....
.
.بالتوفيق يارب
محاسبة المستقبل March 13th, 2012, 09:40 AM
7 " روحي جربي شهرين اربع شهور وتعالي
داومي وباشري وامسكي وظيفتك وقدمي استثنائي بدون راتب
لمدة ثلاث سنوات طبعا كل سنه تتجدد وروحي على حسابك وبأذن الله تنظمي
اهم شي تمسكي بالوظيفة لان هي مستقبلك وحياتك
والله يكتب لك ويكتب لنا الخير جميعا يارب الله كريم
اماني ناصر March 13th, 2012, 10:19 AM
7 " مره اخري عدنا من جديد.............يقول المثل أمسكيها بيدك واسنانك...........
وظيفه من الخدمه المدنيه لاتضيعيها......واعتقد فاهمه قصدي... لك اخيرا كل شي بيدك ...فكري كويييييييييس
القلب الصادق1406 March 13th, 2012, 10:21 AM
7 " والله نصيحتي اذا تقدرين تاجلين البعثه اجليها بعدين اول ماتباشرين قدمي اجازه وروحي ..
ربي يسهل امورك
لؤلؤة القصيم March 13th, 2012, 05:58 PM
7 " أهلا أختي الكريمــة ،
أول حاجة الله يكتبلك الأمر اللي فيه الخير في الدنيا والآخره ،
الآراء جدا عديدة وقد تتفق أغلبها في بقائك والحصول على الوظيفة ونسبة ضئيلة توافقكي على الابتعاث وترك الوظيفة والبعض الآخر يفضلون حصولك على الوظيفة ومن ثم الابتعاث ،
وجهة نظر شخصية تخصني ،
إنتي ايش رايك بطبيعة العمل اللي راح تحصلي عليه ؟
بمعنى أوضح وأصح :
هل راح تروحين العمل واتأدين واجبكي بكل أريحية وطيب نفس وعلى قولتهم بــ " مزاج رايق " ؟؟
والا
راح تتجهين للعمل بأخلاق قافله وبعطاء محدود ؟؟
هنا السؤال اللي لازم تسأليه نفسك وبينك وبين نفسك ابحثي عن الجواب في أعماقك ،
ارسمي جدول أمامك ورتبي الأمور اللي راح تواجهكي في حال الحصول على الوظيفة والأوقات اللي حياخذها منك العمل والراتب وأي أمر آخر يتعلق بتغير في نمط حياتك بعد الحصول على الوظيفة ،
وبنفس الطريقة تصوري هذا الأمر في حال حصولك على الابتعاث ،
شوفي ايش الإيجابيات اللي بتحصل معاكي بشكل أكبر ،
هل هي في الوظيفة أم في الابتعاث ؟?
ولا تنظري للأمر على إنو مجرد وظيفة وراتب ،
لأنك في الآخر راح تتوافقين مع هذا الشي في حال الحصول عليه لعــمر مديد ان شاءالله ،
للأسف كثيــر من الناس ينظرون للأمر بمعيار " وظيفي ماليــ " !! ؟؟
واللي يثير الصدمة بشكل أكبــر بإنو فيه ناس كثير رايحين ابتعاث لأجل الوظيفة !! ؟؟
الواحد قبل مايدرس وقبل مايتخصص وقبل مايتوظف لازم يسأل نفسه سؤال :
هل راح أأدي عملي بطيب نفس وعلى أكمل وجه ؟
فعلى سبيل المثال لا الحصر بإمكاني أن أتخرج من كلية الطب ، لكني دخلتها بسبب ضغط الوالد أو الأهل ،
لكن بكرة النهار لما أتوظف تكون أخلاقي مع المرضى " شبه سيئه " وراح أتجه للعمل وأنا أخلاقي على راس خشمي والسبب بإني دخلت حاجه أو مجال عمل ماني راغب فيه ! ،
مهما كانت قيمة هذا العمل اجتماعيا ومهنيا وماليا !
كأبسط مثال :
عندنا أغلب المدرسين السعوديين ولاحظو معايه بإني قلت " أغلب " ولم أقل الجميع ! ،
أغلبهم يجي الدوام والأخلاق قافله والتعامل مع الطلاب حدث ولا حرج ، بالمقابل هناك بعض المدرسين السعوديين في قمة وإبداع العمل كمدرس وكصاحب للطالب ،
من زاوية أخرى حتى أعكس النسبة ، عندنا أيضا في السعودية أغلب المدرسين الأجانب وبالتحديد " مصر ، السودان "
بيجون الدوام بطيب نفس وبيعيدو الشرح مرة واثنين وثلاثة وغالبا الحصة تنقسم لنصفين مابين الدراسة ومابين المزح ،
لكن السعوديين أغلبهم يامشدد مرة أو يا إنهم راخيين الحبل مرة !
" لا ضرر ولا ضرار "
معليه طولت الكلام شويات :d ،
ملخص الكلام أختي الكريمة ،
اذا متأكدة بإنك حابة طبيعة العمل اللي جاكي فتوكلي على الله وخذي الوظيفة ،
اذا شاكة في إنك حابة العمل أو بإنك ماتحبين التدريس فأنصحكي بالابتعاد عن الوظيفة ،
ونفس الكلام ينطبق على الابتعاث ،
احسبي الأمرين زي ماوضحت بالأعلى على شكل جدول ،
والأهم من ذلك " أمها وأبوها " فهي الاستخارة ،
استخيري مرة واثنين وثلاثة وأربعة وخمسة ، ألين ماتحسي بإن الأغلب غلب الأقل ،
الله يكتبلك الخير يــارب ويكتب الخير لكل مسلم ومسملة يـــاربــ
بالتوفيق ان شاءالله
،،،
الفقيرإلى الله March 13th, 2012, 06:42 PM
7 " السلام عليكم و رحمة الله و بركاته
أختي نصيحة لك ، ما دام وظيفتك معلمة في وزارة التربية والتعليم ، فتمسكي بها ، و اتركي البعثة ...
لو جلستي هنا راتبك لا يقل عن 6000 ريال وة سنوية حدود 400 ريال و امان وظيفي .
لكن لو ذهبتي بعثة .. تتعبين في الدراسة ، و تكاليف الاجار والحضانة والمواصلات ... و ممكن تلقين قبول ماستر وممكن لا .
أنا بحكم وظيفتي خرجت بعثة لغة لكن إلى الآن لم أجد قبول ماستر -تخصص حاسب - ، زميلي تخصص تربية كان في كندا يدرس لغة ولم يجد قبول ماستر
و جاء إلى امريكا يدرس لغة و إلى الآن لم يجد قبول ماستر ، و هذا غير المعاناة مع الملحقية ... و بعد سنوات الدراسة ترجعين السعودية و تلقين أغلب المبتعثين رجعوا و معهم ماستر أو دكتوراه و تبدأ بطالة الماجستير والدكتوراه ... و تبدئين تبحثين عن وظيفة و تنتظري حتى تلقين ...
وجهة نظري باشري في دوامك .. وحاولي تجيبين بعثة عن طريق الدوام .. تظمنين الوظيفة .. و تنتظرين البعثة عن طريق عملك ... و لما تبتعثي ترجعين تلقين وظيفتك موجودة...
وفي النهاية استخيري الله ... و استشيري الثقات ...اسأل الله أن يكتب لك ما هو خير لك في الدنيا و الآخرة.
ايميل March 13th, 2012, 06:55 PM
7 " السلام عليكم و رحمة الله و بركاته
اول شي حابه ابارك لك على حصولك على الوظيفة.
ثانيا بمااني انا طالبه بامريكا و شهر تسعة راح ابدا دراستي بالماستر و بالاضافة لذلك جاتني وظيفة المفروض نحمد الله و نشكره قلة من الناس اللي تجيهم فرص مثلنا يااختي المفروض ننتزها باقصى مايمكن. كيف؟
لو كنت مكانك اول شي اطلبي تاجيل البعثة للمدة اللي تبينها( اسالي متى اخر موعد لكل الطلبه اللي من دفعتك انهم يصدروا قرار الابتعاث) مع العلم باني اجلت بعثتي لمدة 10 شهور و ذلك لحملي ( دوري لك اي سبب
مقنع و راسلي وزارة التعليم العالي و صدقيني مابقصرون معاكي خصوصا استاذه خديجه ) المهم خذي لك المدة اللي راح تطابقي فيها الاوراق و تعملي المقابلة اتوقع شهر شهرين بالكفاية و اهم شي اسالي و
شوفي متى راح تبدأين المباشرة بعد كم شهر أو مع السنة الجديدة و الله اذا شفتي انه فيها المباشرة بعد كذا شهر مددي بتاجيل البعثة لحد ماتباشري بعدين اطلبي اجازة لمدة سنة و اطلعي بس في هذي الحالة هل
وزارة التعليم العالي تسمح لك ؟ ماادري ؟
الحالة الثانية اذا كانت المباشرة مع السنه الجديدة ع طووووول روحي لامريكا و لا تضعيين ثانية بس ( هل انتي انسانة صبورة انا اخذت معاي بنتي عمرها سنتين و الله الثلاثة الايام الاولى كانت جدا جدا صعبة مع
العلم باني لغتي الانجليزية ممتازة جدا والله كنا نطلع من الصباح انا و بنتي و زوجي بالبرررررد عشان ندور ع شقة والحمد لله و ماشاء الله و لاني انسانة استعنت بالله و قويت قلبي على نفسي و زوجي و بنتي و
القوة لله جميعا ماعدى يومين الا و فتحت حساب و انتقلنا لشقة و ماجاء اليوم الثالث الا و الاثاث فيها والنت و التلفزيون باسبوع الا و حسست بنتي و زوجي انهم ببيتهم الثاني و الله كنت اطلع برا و ماسكة نفسيا و
اول ماارجع الهوتيل و تنام بنتي ابكي من قللللللللللللب والله يسعده و يخلي لي زوجي انسان قمة بالاخلاق و صبوووووووووور لابعد الحدود و الله ماقصر معاي سندي الوحيد من بعد الله هو والله سفرتي لامريكا
علمتني اشياء مستحييييييل اتعلمها للاسف ببلدي) يعني بالمختصر المفيد روحي و ادرس قد ماتقدرين لو بس ترم ماجستير او حتى قبول و اذا بدا دوامك و مباشرتك اجلي الماجستير و يصير لو تاخذيه ع حسابك بعدين
بس نصيحة نصيحة نصيحة من قلب و الله ثم والله طفلك بنظلم من الشحططة معاك خصوصا بالايام الاولى . انا ماقدرت لاني بنتي الصغيرة خليتها بالسعودية و انجبرت اخذ بنتي الكبيرة. انا شوفيني جاتني الوظيفة و
برجع السعودية اكمل اجراءات و بعد برجع ادرس بامريكا لحد ماابدا مباشرة و راح اجل الماجستير اذا قدرت ادبر نفسي بالاجازاتبعدين او لا الله العالم لاني متاكده انه مسموح لك سنة و اربع شهور اضطراري غيره
مااااااافي السؤال هو هل وزارة التعليم تسمح لي او تقطع البعثة عني ؟؟
سوري طولت عليك الله يوفقك و يوفقني و يوفق الجميع
chena March 13th, 2012, 08:46 PM
7 " هالشي راجع لك انتي
اللي استغربه في الموضوع ردرود مؤيده لتحايل عالقانون
اللي يقول توظفي وبس اجلي البعثه او اطلعي بعثه واذا جات المباشره ارجعي
طيب ماسألتم نفسكم ان في الالاف من البنات اللي كانوا يتمنون هالوظيفه اوو البعثه!
يعني ياصاحبة الموضوع اذا انتي ماتبين البعثه اتركي فرصه لغيرك من الطالبات اللي يبونها
واذا ماتبين الوظيفه اتركيها في الالاف غيرك ظروفهم صعبه وكان حلمهم تطلع اسماءهم في هالتعيينات
مو تقعدين تتحايلين على القانون ولا في ردود مشجعه على هالشي
انعم واكرم
node March 13th, 2012, 09:35 PM
7 "
أنا لي طلع موافقة للبعثة مع أول دفعة وكنت موظف والوظيفه ما كانت معجبتني مرة وقلبتها في راسي إني باستقيل وادرس وارجع بعد 3 سنوات وإذا لقيت وظيفة ما راح يفرق راتبي عنه لو إني جلست في وظيفيتي بل بالعكس ممكن ينقص
المهم استخرت الله وألغيت الفكرة
ربعي اللي طلعت أسماءهم معي وراحوا وتخرجوا وجوا بس ما استفادوا شيء اللي رجع لنفس وظيفته السابقة (وهذا أحسنهم) والثاني ما كان موظف اشتغل في كودو (وظيفة تمشية حال
المهم خلال هذه السنوات ولله الحمد شريت بيت بقرض عن طريق الشركة
والآن اللهم لك الحمد حصلت لي بعثة عن طريق الشركة علماً أن الشركة كانت موقفة الابتعاث من أكثر من عشرين سنة بس بدأوا يبعثون وأنا صرت مع أول دفعة
عشان كذا نصيحة خلك على وظيفتك وقدمي على الابتعاث عن طريق وزارة التربية والتعليم وأنت ما شاء الله معدلك مرتفع يعني فرصتك بتكون أفضل بكثير