كيف أعرف أن المعهد مغلق ولا لا ؟ عندي معهد ومدري عن وضعه أبي مساعدتكم !

شكراً على الرد
بس السؤال الوحيد هو هل إذا كان المعهد متدكس يمنعون تحويلي على حساب البعثة ؟
أبي الخبر اليقين لأني متورط الأن

للرفع , ضروري تكفون

اخي طالما المعهد متكدس راح يقولون لك الملحقية غير معهدك وبعدين نلحقك
فأنت افضل لك واسرع لك انك من بدايتها تكون في معهد مفتوح

بعدين موضوعك بسيط ما يحتاج تقلق .. يا كثر الي زيك
بكل بساطه اول ما تبدأ دراستك في هذا المعهد دور لك على معهد ثاني وحول عليه
انت في معهد منت في جامعه .. يعني موضوعك جدا سهل

يعني عادي ادرس في هذا المعهد لمدة أسبوع مثلاً ؟؟

المشكلة أن عدد الطلاب السعوديين في هذا المعهد قليل
وفيه واحد كلمته دارس في أمريكا صايرله سنه ونص , قال إذا هو التكدس قليل أحتمال كبير يمشونها لك ومايقولون لك غير المعهد !

كثير طلاب يقولون الارقام الموجودة خطأ وأن معاهدهم فيها عدد اكبر من المكتوب
ما عليك من العدد اهم شي انه باللون الاحمر يعني مغلق

وطبعا عادي تدرس فيه على حسابك قد ما تبغى .. بس ما تلتحق بالبعثة الى لما يكون معهدك مفتوح
اما احتمالية انهم يمشونك فالعلم عند الله بس وانا اخوك الموضوح فيه فلوووس ما ينلعب فيها
يعني ليش المجازفه ؟

يعطيك الف عافيه
بس أخوي يقولون أن اذا كان المعهد معترف فيه بس متكدس عادي ترسل إنضمام للملحقية وإذا ضموك يقولون لك غير معهدك ؟
أنا أبي أتأكد من هذه النقط .

المعاهد المعترف بها من الوزاره

المعاهد المعتمدة والقبول الدراسي

جميع المعاهد هنا معترف بها فان لم تجد اسم معهدك فيه فانه مغلق

فمثلا ولاية فلوريدا جميع معاهده مغلقه لانها غير موجوده بالقائمة !!

وبخصوص التكدس الذي بالاحمر اعتقد هذا يخص طلاب برناامج الابتعاث لايشمل الطلاب الدارسين على حسابهم !!

وبالتوفيق

العلم عند الله محد يقدر يجزم وش بيسوون معك
يعني ممكن تطيح بمشرف طيب ويمشيك
وممكن يقول لك بنضمك بس لازم تغيرة خلال شهر مثلا << زي ما تقول أنت
وممكن يقول لك ما نضمك الين تغيرة << زي ما أنا اتوقع

عاد الموضوع راجع لك
تبي تغيرة قبل ما تروح << انصحك اذا فيه مجال
ولا بعد ما تبدأ دراستك تحول منه لواحد ثاني
ولا تبي تجازف وتقعد فيه على امل يمشونك << ما انصحك ابدا اذا كانت ميزانيتك محدودة

انت بكيفك ، انا اعطيتك الاحتمالات و الخيارات وانت لك الخيار
والله يكتب لك الي فيه الخير

أيه أخوي المعهد موجود بس متكدس
أنا تخوفي من ناحية أنهم يقولون لي معهدك متكدس دور لك معهد ثاني إذا تبي تنظم ؟
أو أنهم يمشونها وإذا أنضميت يقولون لي دورلك معهد ثاني ماهو متكدس ,, ويبشرون " هع "

يعطيك الف عافية أخوي
جزاك الله خير !