تساهل المحلقية في متابعة محارم المبتعثات ......... وإستمرار الصرف على المبتعثة !!!!

يا ليت ترسلينها على الخاص ..... ما ودي احد يسبقني ههههههههههههههه

تذكروا انكم بغربه وتصافوا وصفوا نواياكم
سبحان الله ويمكن الجزاء من جنس العمل وكل من مر بظروف بينحط بموقف اعني الرجال مع حريمهم اللي بيبلغون عن البنات بالعكس بلغوا لتختفي بعض الامور النفسيه اللي مزعجتكم وملهيتكم
ماتدري كيف تدور عليك الدنيا انت واهلك(زوجتك - بنتك - اختك) يمكن احد فيكم يحتد يرجع لاسباب شخصيه
وكل ممن بتنظلم بسبب شخص سواء من المراهقين اللي مدري كيف انظموا للبعثه او من اللي يسوون شوشره وفتن اكيد بتفوض امرها ل الله
واظنكم تخافون الله دامكم قلبتوه موضوع ديني .. واتقوا الله بانفسكم واهاليكم لان اغلب اللي شفته ان البنات محتشمات ومشاكلهم قليله الا من رحم الله .. والله يستر علينا وعليهم
بنات السعوديه ملاحقين بالمشاكل كثير عليها تحقق حلمها؟ انها على الاقل ترجع تحصل وظيفه ببلدها ولما توشك عالنجاح يجي من يترصد لها ويقطع رزقها
و محد خالي من الذنوب والاخطااء واذا هي على العدل والمساواه الله فوقهم حسيبهم .. وماننكر وجود فئة بدون محرم تنجرف ويصير حسافة فيها البعثه وومبلغ مرافقها لكن بالمقابل فيه شباب حسافه فيهم االبعثه

يسلم راسك ياشيخه

كفيتي ووفيتو

موب سرقه الملحقيه تدري .. لو ماتدري قلنا سرقه ..
موب سرقه
موب مخالف للشرع اقامة الفتاه لوحدها انما "السفر " هو المقصود بحديث الرسول و هذا كلام الشيخ المنجد عشان ما تقولون تفتي سؤال وجواب:هل يجوز سفر المرأة دون محرم ؟ \ ماحد خالف كل المسؤولين يدرون بالموضوع هم حاطين هالشي عشان المحرم يسافر معاها و ماتسافر لوحدها بس

وجهة نظري والله اعلم لا تبلغ لان انت لا تعلم بحال البعض هذا من جهة ومن جهة اخرى يجب قبل التبليغ النصح .. صحيح يجب الامر بالمعروف والنهي عن المنكر ولكن بالاسلوب اللين وممكن ان تقطع ارزاق بنات انت لا تعلم بحالهم وظروفهم لذلك انصحهم..

الرسول عليه الصلاة والسلام كان لين في التعامل فلنقتدي به واذا كنت لا تستطيع نصحهم فادعو لهم بالهداية..

وبالنسبة لمكافأة المبتعثين بشكل عام كلها لازم تترفع سواء اعزب او متزوج او طالب او طالبه ..

واكثرو من الدعاء وشكر الله والاستغفار يقول الله تعالى: { لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ}
قال رسول الله صلى الله عليه وسلم ( رفقا بالقوارير )

فارفقو باخواتكم..

الله يوفقنا واياك الى عمل الخير..

والله اعجبني ردك وكلامك .

اول شي : ما فيه خلاف اصلا عشان نصفي النيه .

وانا الحمد لله ما ارضي ادخل على نفسي او عيالي ريال واحد حرام لو دارت علي الدنيا في اي يوم ، و مهما كانت الظروف .

والحمد لله مريت بظروووووف صعبه جداً في حياتي ، و والله العظيم كنت مسوؤل عن حساب بالملايين ، وكان عندي طريقه سهله للسرقه والاختلاس وبدون ما يكشفها احد ، بمجرد التلاعب بالنظام والاوراق . لكن حفظت الامانه .

وهذي نعمه كبيره من ربي ، احمده واشكره عليها .

كلامك درر ..

اهنيك على العقليه العظيمه.

ياخي شي مخزي على ذولا البنات يوم قدام الي يسوى والي مايسوى تتهزأ على أخوها الصغير من وراه
وتقول عليه صغير عقل وعمر ودين وهرطقات فاضية مالها معنى !!

يعني اضربت اخوها عرض الحائط عشان بعثة ؟؟؟؟ والله العظيم هالشكليات ماهم وجه طموح وعلم اللي يتكلمون عن اهلهم بهالشكل

أنا اعرف وحده المرافق خالها عمره 34 سنة ومسجون الآن لأنه سوى حادث وهو سكران
العمر ماله دخل صغير كبير بالعكس الصغير ممنوع يدخل كلوبات ممنوع يشرب ممنوع ع اشياء كثير هنا بأمريكا

يعني كله كلام فاضي الي تسمعونه من البنات تبي تجي لحالها وتاخذ راحتها وبس بس ماهي عارفة وش تقول

ويتهاونون بموضوع الحجاب اللي ماتلبس حجاب هذي ماهي مسلمة الحجاب ماهو سنة أو مستحب الحجاب واجب على المرأة المسلمة

> > > متــابــع


للأسف بعض فئات المجتمع ينظرون للفارق العمري بشكل كبير ! !

ويتهمون الأصغر سنا بالطيش واللعب واللهو ! !

وكأنهم خرجو من بطون أمهاتهم ناضجين وأعمارهم 30 و 40 ! !


حبيت أعقب على رد إحدى الأخوات الكريمات ،

بإن رزانة العقل ونضجه لا تتعلق بالعمر ولا تتصل فيه نهائيــا ! ،

وعشان مانروح بعيد عندنا في المولات داخل السعودية تلاقين الرجال متزوج وأولاده وبناته طول بعرض وانلاقيه رايح جاي في الأسياب والعينة هذي موجودة وواضحه !

اللي يبغا يدشر ويفل ويصيع بالعامية والله والله والله عندنا هنا في السعودية يمديه يصيع صياعة ولا الأمريكان سووها ،

البارتيات والسكر والمكر والتحشيش اللي يبغاها بيلاقيها هنا وهناك ،

والدراسة والرزانة والتفكير للمستقبل اللي يبغاها بيلاقيها هنا وهناك ،


فيه مبتعثين ومبتعثات ومرافقين ومرافقات صايعين في أمريكا وغير أمريكا سواء راحو على حساب الدولة أو على حسابهم ،

لكن الحمدلله نسبتهم قليلة لكن لا يمكن إنكارها ،


الأمر العجيب بإنو دايما ما أن نطرح قضية تتعلق بالابتعاث أيا كانت ،

دوما نعلق ونذكر المساوئ القليلة ،

" محرم صايع ، بنات كاشفين وطالعين بدون ساتر ، مبتعث عمل وفعل ، مبتعثة راحت وجات ، ....... " !!

وكأننا ملائكة منزهين من الخطأ !! ،

الأخوان والأخوات المبتعثين سواء على حساب الدولة أو على حسابهم الخاص ،

يطلعو يدرسو والا يصيعو هذا ماهو شغلنا هذا ذنبهم وشغلهم وجزاءهم عند رب العباد ،

الواجب علينا نوجهم وننصحهم لا غير ،

لكن على مايبدو بإن الحاصل عكس ذلك فبدل التوجيه والنصح صرنا نتشمت فيهم ونذكرهم على الرايحة والجايــة !!

موضوع الحجاب طويل ولا نهاية له كما حال هذا الموضوع !

لكن سؤالي لكل من يتهم من لا تتحجب سؤال بسيط وأتمنى أن أجد الجواب :

" هل المرأة الغير متحجبة فاسقة ؟ أو كافرة ؟ "

واثق تماما بإن الأخوان والأخوات قصدهم طيب وقصدهم ماقالوه الا من خوف وحذر على بناتنا ،
لكن عمر النصح ماكان بهذا الشكل !
لأن الأمر أصبح ووصل إلى مرحلة التنفير !

عـــذرا خرجت عن حدود ومحاور الموضوع ^^!

لكن فعلا حاجة تحز في الخاطر ،

والله يحفظكم ياشباب ويابنات الوطن من كل شر ومكروه .


" اللي عقله في راسه يعرف خلاصه "

وش عندك يالعساف !!!!!!
وش دخلك ؟
ياخي مو راضي تستوعب انت ؟
ترا انت مو اللي يحاسبهم ولا هو مالك عشان تزعل عليه
انت زعلان ليه تاخذ زيادة 990؟ البنت احتياجاتها غير احتياجاتك ترا
سواء كانت نص كم او ملتزمة و محجبة و سواء كانت بمحرم او بدون محرم
ياخي عيب عيييييييييب يوم انك تستقعد للبنات
عييييييييب
انت رجال و تعفف عن سفاف الامور !!!!!!!!
وصلت فيك انك تقول ليه البنت و البنت تاخذ ؟
تدري انا عرفت نوعيتك و النوعية اللي ما قد شمت المرجلة بحياتها

تحياتي