تساهل المحلقية في متابعة محارم المبتعثات ......... وإستمرار الصرف على المبتعثة !!!!

انا اقترح اللي مو راضي بسالفة أن البنت تأخذ مكافأة محرمها اللي "بالسعودية" ..
يروح ويتزوج له سعوديه ويسووي مثل الباقين !؟

بعدين من وجهة نظري ان البنت احتياجاتها ماتخلص .. ماني عارف وش سالفة البنات على هالمصاريف .. لكن جد ماتخلص مو كفايه الوحده تصحى قبل النوم ساعتين تقعد تضبط بنفسها قبل تطلع ؟!
وحنا قبل الدوام بنص ساعه ناخذ شاور ونبدل ونحمي السياره ونشرب كافي ونوصل قبل المحاضره بخمس دقايق !؟

بالعربي لابد نراعي ظروف اخواتنا .. والواحد لابد يحط نفسه بمكان غيره قبل يتكلم .!

لكن انا كل اللي قاهرني انهم ماطبقوا سالفة المكافأه للزوجه الغير سعودية !.

انا بسبب المصاريف مسفر زوجتي السعوديه .. ولا اشوفها الا كل عطلة صيف ... اجيبها عندي ..!
لان المكافأه ماتغطي شخصين .. على ما اسدد الفواتير والمطبخ .. اذا كانت الصرفيه لشخص .. فالامور الحمد لله تكفي ..
لكن لو لشخصين .. والله ماتخارج مع الاسف ..

فلو مشى راتب للزوجات الغير سعوديات .. قدرت اجيب زوجتي وخلاص مصروفها يبقى خاص لها توفي احتياجاتها ..
ويصير الراتب يوفي الفواتير وبقية احتياجتنا ..

كل همي ودي اقرب اهلي من صوبي .. العزوبيه شينه يا اخوان

حياكم الله جمعياً .... وياهلا ويامرحبا ... بصراحة سعيد جداً ... بتفاعلكم الرائع مع الموضوع

يعني الآن تقريباً وصلنا إلى أجماع شبه كامل أن هذا يتم بعلم الملحقية وتحت نظرها ... أول مره العرب يجتمعون على شيء ..

باقي فيه حد عنده وجهة نظر خلاف ذلك ... أن هذا لا يتم بعلم الملحقية ..؟؟

تحياتي ,,,

الله يرزق من يشاء بغير حساب

هلا اخووي عيون الفيروز سامحني مرره تاخرت على الرد بس انشغلت مرره
اقوولك لو انا بفرق بين عيالي اللي بحبه وبدلعه اكيد بيشووف نفسه وبيصير دلووع حبتين على اخوانه
اما اللي بدون دلع وجاديين معاه اكيد راح يصير عدواني مثل هنا
صابر أخوك لا بطالا ... وش عندنا غير الصبر ... صبرت حتى مل الصبر من صبري .... ولبست المشقوق وبعت من كتبي .. حلمت يوماً اشترى جوال"آي فون " فقمت مفزوعاَ من الحلم ماذك دهاك والحساب يصوي من الجوعي

ايه مرره حلووه الكلمات والتعابير القلبيه اللي تعبر فيها عن نفسك خخخخخ هندي بالسعوديه لبست المشقوق ويصوي من الجوع ياللييييل بس
اي هين الا الحرمه ماتقرب صوبها وخصوصا فلوسها واذا جا من تعبها بعد اوووما اووووووووووف ههههههه اتبع نصيحتك دووم لاتقربها وفك نفسك وخلك على طوول وراها مرافق دوما وابدا هع
اما اللي يمشون مع بعض الله يعينهم على لهواش والطرقات مع بعض من اللي يسدد الايجار ومن اللي يسدد العزبه ومن الحضانه ولعيال والحووسه خخخخ شي
هع امزح لاتد فوون
تحياتي

ساءني ردود الفعل الثائرة والهجوم الغير مبرر على صاحب الموضوع...! وذلك حينما استرسل في بعض المطالب المشروعة, من خلال ذكره أن المرافقات التي لايحملن الجنسية السعودية لايتم صرف أي مبالغ مادية لهن. وهذا بلا شك وئد ابسط مفاهيم الإنسانية التي نتشدق بها في مجتمعاتنا المحافظة فلازلت نعرات القبلية المقيتة والتخلف ديداننا في جميع مانطرحه ونطبقه علي ارض الواقع وكأننا في القرون الوسطي أو من الزمن الغابر. أما ذكره أن هنالك مبتعثات يتم صرف مبالغ مرافقين لهم بدون وجه حق فهو استند على قوانينهم الوضعية ونظامهم المطاطي الذي لايفتى من التمدد حسب الرغبات والشهوات فهو يرغب فقط في المساواة على الرغم من اختلافي معه في بعض مأتم ذكره حيث أن الحالتين تختلف اختلاف جزئي ولكنني برغم ذلك اتفق علي المضامين التي أوردها في طرحه. أعزائي مرتادي هذا المتصفح يجب علينا أن لانتبنا وجهات نظر تصادمية وان نعطي الأخر حرية الطرح بكل تجرد وبلا فرضيات.
دمتم كما تحبون

أهنيك على ذوقك الرفيع جدأ جداً جداً ، طبعاً كل إناء بما فيه ... إلخ .

يعني انا ابغى أسأل سؤال واحد بس ؟

ليش الردود المعارضه فيها كلمات بذيئه ؟ ي

يعني اذا الواحد يسأل سوال او يقول ملاحظه على طول هبيتو فيه ؟

يعني انا لو عندي شوية دنائه ، كان بلغت الملحقية ولا من شاف ولا من دري ؟

طيب ، خلينا نقول فرضا ً (انا اقول فرضاُ ) صاحب الموضوع وانا غلطنا بطرحنا او طريقة طرحنا للموضوع ؟ كلنا خطاؤن ، صح !! ليش على طول سب وذم وكلام لا يقدم ولا ياخر ؟

المشكله ان اكثر الردود اللي كذا من البنات (وكمان فيه جمهور للـ تشجيع) وين الانوثه اللي فيكم ؟ ولا الغربه لها تأثير ، الله أعلم ؟

هل هذا الفكر اللي راح ترجعون فيه للسعودية وتربون اجيال عليه ؟؟؟؟

هذا وانتم يالمبتعثات صفوة بنات المملكه هذا حالكم ( اقصد اصحاب الردود السيئة) كيف حال اللي ما كملت دراستها ؟

الله يهدي الجميع و يوفقنا لما يحبه ويرضاه .

ليش بعض الناس زعلانه .... هل لا سمح الله تكلمنا بكلام غير موجود هذا هو الموضوع أمامكم وعلى عينك ياتاجر ... جبنا النظام وجبنا مقابلات مع مبتعثات وجبنا مقابلات مع سعادة الملحق .. وتكلم بعض الآخوان والاخوات وطلعنا بنتيجة أن هذا فعلاَ حقيقة وواقع .. ونلخصها في عدة نقاط ..


1- عدم تواجد بعض المحارم مع المبتعثات وحسب المقابلة مع الاخت في الفيديو تقول ...
كثيرات لو نأخذ نفس النسب اللي دائماً ما يرددها في أي إستبيان يخرج لدنيا يعني فرضاَأقول فرضاً نقول 80% من المبتعثات بلا محرم والصرف مستمر .
2- وجود نسبة لا باس بها من المبتعثين ممن أرجع زوجته وأطفاله إلى السعودية بعد صرف المخصص لهم وهو ألان ما زال يتمتع بإستحقاق العائلة .
3- هذا كله يتم بعلم الملحقية وهي قد تكون تشجع عليه لاسباب خاصة بها .
4- اللي زعلان من هذا الوضع ليس أمامه إلا ان يفعل نفس الفعل يتزوج ويجبها شهرين ويستمتع بالمبلغ حقها وبالعافية ولا يسوى لنا شوشرة وكلام فاضي .
5- اللي ما هو عجبه الوضع يروح يشتكي ويشوف إذا احد اعطاه وجه وعلى قول عادل أمام .." يبا يابلني "
6- كل ما في الأعلام والخرابيط ذي كذب .. لاعندنا أطفال في حضانات كنائس ولا مبتعثات في مراقص ولا حد يأخذ من الجمعيات الخيرية التابعة للكنائس ولا الحكومة الأمريكية واللي ما تتيسر ظروفه العيش بعائلته وأطفاله في أمريكا عادي يرسلهم على السعودية ومصروفهم يوصلهم لين عندهم .
6- إن شاء الله مانسيت شيء أذكره غير هذا ...

شي جميل يعني بالعربي نقول " وش علينا من الناس وش على الناس منا " حنا راضين بهذا الوضع ومرتاحين والملحقية ما هي مقصرة معنا في شيء .. ومتساهلة للأخر ولا ينقصنا شيء

طيب ... ليش زعلانين من الملحقية طلما هو هذا وضعكم معها ومسهلة وموفره لكم كل شيء وكل يوم نشوف موضوع وخطابات رايحه جيه أقصد يعني ما فيه قناعة من العوائل ومن لديه أطفال والمبتعثات العازبات ... ماشاء الله الأمور كلها ميسرة وربنا يبارك لكم فيها ويزيدكم كمان وكمان ... بس مو الحين بعد التخرج وأستلم أعمالكم .

طيب أخوانكم الصغار ليش ما تحنون عليهم وتقولوا والله خلاص عندنا اللي يكفينا ومكافآتنا دبل مدبله ... شوفوا المساكين ذولا أبو 1847 دولار ... شوفوا حالهم وزودهم كم الف دولار .. ما نقول زيكم يعني نسبة وتناسب راضين يخلوها 2800 دولار زي المبتعثة .... وماهي مشكلة لو تم خصم منها 200 دولار بدل ميكاج للمبتعثات ... ويخلوها لنا 2600 دولار عشان خاطركم وبرضو راضين ... ولوانو فيه تميز بس بدرجة بسيطة

مدري إن شاء الله الحين نتفق ونحصل على دعمكم في " حملة المكاقآة ما تكفى " ونطلع بيان جديد نقول فيه " اخواننا الصغار وبس المكافآة ما تكفي " ... مو عشان شىء عشان الوزارة تقول خلاص ما دام بس مكافآة للصغار نمشيها لهم

أنتظر أرائكم ... وكلي أمل وثقة في دعمكم

تحياتي ,,,

ههههه بصرااااحه ولا احد يزعل مني


انا اول ماصحى من النوم اول شي اسويه اشيك على هالمووووضوووووع

والله يا بعض الردود مب بس تموووووت ضحك
والله المفروض يطلع في احد حلقات طاش ما طاش برمضان

خيوووو عيون الفيروز

من ناحيتي مازعلت

استاذ / احمد : امسحها بوجهي يمكن لب الموضوع ماوصل بشكل صحيح للقارئ

اخوي شايفني فرحان ان في ناس تسرق من المال العام ..... الله يرضى عليك

لكن في ناس ما عندها الا كلام و ما عندها افعال تتكلم طول اليوم ما عندها مشكلة و اول ما تقول لها طبق بيقول انا حدي كلام و انتهى

طيب انا منتظر منك و من صاحب الموضوع
افعـــــــــــــــــال
افعـــــــــــــــــال
افعـــــــــــــــــال
افعـــــــــــــــــال
افعـــــــــــــــــال و ليس كلام يكتب في منتدى

او خلو عنكم الكلام و ركزوا في دراستكم ترا الجد في الدراسة و ترك الكلام الي لا يودي و لا يجيب يتعب اهل الفساد الادراي في السعودية
لانهم متعودين على العينات الي تتكلم
تتكلم
تتكلم
تتكلم
تتكلم من الف سنة و لا سوت شي

منظر تقريرك انت و صاحب الموضوع عن افعالكم