تساهل المحلقية في متابعة محارم المبتعثات ......... وإستمرار الصرف على المبتعثة !!!!
تساهل المحلقية في متابعة محارم المبتعثات ......... وإستمرار الصرف على المبتعثة !!!!
تنبيه: هذا الموضوع قديم. تم طرحه قبل 4420 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " -
وانت ليه متعب نفسك معها ؟
وليش تفتح مواضيع ثانية ؟
احنا موجودين في منتدى " مبتعث " والموضوع يخصنا احنا كـ مبتعثين مالنا شغل بالسرقات الثانية
كل شي واضح وضوح الشمس مايحتاج تجادلها - والله ياأختي المشكلة كلها ماهي مشكلة الأخ اللي رد عليكِ7 "
المشكلة اللي من جد
هي حركة التغابي والتغافل عن ذنبين كل واحد أكبر من الثاني
التواجد بدون محرم في الغربة (في دولة غير مسلمة)
أخذ أموال بالباطل (السرقة)
المفروض في زي هذي الحالة ينصرف لهذي المبتعثة نفس مكآفأة المبتعث فقط بدون مكآفأة المحرم اللي تاخذها بدون وجه حق .. - حياك الله اخوي الموضوع ماهو تأليف وقصص ... ومن يقول التفرقة تكون بالعقول وليس بالحقوق ... فهذا لم نسمع به من قبل ... فالحقوق لا تعطى بالعقول .. وإلا لما كان للمجنون والمختل أي حق في ميراث أبيه7 "
أنت تناقض الشرع والفطرة .. فالحقوق وأنا أخوك جميع الناس متساوين فيها الامي والمتعلم والصغير والكبير والمزارع والدكتور .... والعقل يقول المثل كلاً بعقله يعيش
ولذلك مبدأ القياس باطل شرعاً وعرفاً ... وما بني على باطل فهو باطل
النظام حدد شروط للصرف وقد أوضحتها في مقدمة الموضوع ولا داعي لتكررها هنا يمكنك الرجوع اليها
أما مسألة تبرير الغير مبرر والتناقض بين السطور كيف يعني تكون ملتزمة وهي مخالفة للشروط ... وشرط المحرم وعلى لسان المسؤولين عنه يقولون أنه أمر لا ناقش فيه ومن يثبت مخافته تلغى بعثته ...
وإذا ما قيس هذا الأمر على شروط أخرى في الابتعاث فهناك شروط يتم التدقيق عليها ومحاسبة مخالفها وهذا هو موضوعنا الذي نتحدث عنه ..
ماهي الاسباب التى تجعل الملحقية تتغاضى عن تواجد المحرم واستمرار الصرف على المبتعثة برغم وجود أمر سامي كريم بينما في أمور آخرى نجدها تشدد فيه ... هل لديها أوامر لا نعرفها فتوضحها لنا ونستفيد منها جمعياً ..هل الأمر متعلق بفئة معينة .. هل هو خاضع لمزاج المسؤول ... هل نعتبر باقي الشروط الموجودة على موقع الوزارة خاضعة لرغبات مسؤولي الملحقيات ... أمور كثيرة نجهلها عن هذا الوضع .. ولذلك رغبنا في معرفة الاسباب حتى يستفيد الجميع شأن ذلك أي موضوع حول الابتعاث هذه النقطة الاولى ..
النقطة الثانية المطالبة بالعدل والمساوة ... إذا كانت هذه المطالبة تسبب لك أيضاً عقد نفسية ... فعليك الآستفاد من برنامج التأمين الصحي ومراجعة أقرب أخصائي وشرح حالتك لربما تعيد التفكير في الموضوع
شاكر لك اخي المرور والمشاركة ..
تحياتي ,,, - مارح اتكلم في سرقات كبيره ولا صغيره لأني انا مارح اصلح العالم كله7 "
لكن دام الموضوع مضايقك لهالدرجه رح الملحقيه وارفع شكوى وخلهم يدققون ويتابعون والي محرمها مب معها يلغون الراتب
تتوقع كذا انحلت القضيه ؟
خلاص معد فيه فساد ؟ ولا سرقه المال العام ؟
أصلحت المجتمع ؟
خذ هالمثال :
بنت لاحول ولا قوه ، لها طموح تبي تطور نفسها تبي تحسن اسلوب معيشتها
استلمت راتب مرافقها مقابل غربه وتعتير ، تتهمها بسسسرقه مااااااال الشعب ؟؟؟؟؟؟
حراميه ؟ ماتخاف ربها !!!!!
وبالمقابل رجل ذو منصب وراااااتب ممكن يوصل مئات الألوف هذا غير السكن الي يجيه والتامين والبدلات والسفريات هههههه وبدل برستيج مقابل ايش ؟؟؟؟ وش قدم للوطن ؟
وفوق ذا ينضرب له الف حساب
وتراك ماجاوبتني ، وش بيكون موقفك لو كنت انت مرافق لمبتعثه وتستلم راتب وقدره وانت في بيتك وبين اهلك ؟؟؟؟؟؟؟؟؟؟؟؟؟ - مثل ماقلت لك7 "
توجه للسفاره للاعتراض
توجه لمكتب الوزير مباشره وقابله شخصيا
توجه لخادم الحرمين واعترض
مو تقول انك تبغى عداله توجه لولاة الامر وابشر بالخير - ^^ سلامات ؟7 "
محتوى الموضوع واضح وانتي داخلة تشككين في الرجال وفي دينه ؟ والله عالم غريبة
اما انك تعلليلن الفلوس على انها هي بغربة ههههههههههههه من ضربك على يدك وقال اطلعي وخذي فلوس مهي لك ؟
للاسف النقاش ما صار نفاش افكار انما تشكيك واستعباط على العضو الاخر
عيون فيروز :
مواضيعك دائم جميلة ومنطقية وواعيه ليتك والله تناقش ايضا بمواضيع اخرى لتعم الفائدة ويرتقي المنتدى بنقاشات جميلة وواعيه
بالتوفيق - يا اخوي خلها بحالها مسكينة !! اعتبرها ضريبة عدم وجود ونيس لها من اهلها !!7 "
متمرمطة و متبهذلة و تبي تتعلم !! بعدين بصراحة البنت المفروض يزودون مكافأتها لأن الرجال بصراحة يقدر يدبر حاله و ينلعن خيره شوي ما عليه يعني رجال يتحمل و الشكوى لله بس البنت يا اخوي ما ودك يضرها شي
و سبحان الله تلاقي الرجال يحن على اخته و يخاف عليه و يهتم فيها اكثر من اهتمامه و حنانه على اخوه
و كما قال الرسول صلى الله عليه و سلم : ( ما أكرمهن إلا كريم ، و لا أهانهن إلا لئيم ) ...
ربنا يوفق الجميع .. أعرف 6 بنات في ديرتي بدون محرم و كلهم برواتب محارمهم و ما اقول غير الله يهنيهم و يسعدهم و يبارك لهم فيما جاهم
بعدين الحكومة صدقني دارية لو تبي تستقعد استقعدت
الفساد يحارب من اعلى مو من تحت
ربنا يوفق الجميع و يستر ع الجميع - قراءة القرآن والسنن والنوافل تجي بعد اجتناب المحرمات والمفاسد كالسرقة7 "
كيف نتجرأ نمسك القرآن باليد اللي تسرق وتاخذ أموال بغير وجه حق كل شهر !!
القاعدة الفقهية معروفة
درأ المفاسد مقدم على جلب المصالح .. - عجب !!!! هل نسمي هذا حق مفروووض نسلط الضوء عليه؟ ونفتح باب حسد ومقارنات مالها اساس7 "
حتى ان المبتعثه تقتصد وتوفر لعمرها فليش النظر لمصروف المرافق (ماديات) عوضا عن الاخذ بالاعتبار مايعانين(نفسيا) في حال تغيب المرافق
ووش 990 للمحرم اللي غالبا يتنازل فيها حتى لا تحتد المبتعثه ولاتحتاج
وطالما هو حق لها فالتساهل في سبيل استمرارية كفاح وغربة المبتعثات لا يجب المقارنه والخوض فيه
قال عز وجل : (( وفي السماء رزقكم وماتوعدون )) ((ولئن شكرتك لازيدنكم))
ثانياً: طالما انتي على حسابك ولم تحللي لنفسك المال الحرام كالمبتعثات الي يستلمن مكافأة مرافقهن وهو ليس معهن، فلماذا تدافعين عنهم، ولماذا تطالبين من العضو الذي يدعو أن تقطع مكافأة المرافق غير موجود بالاستغفار!!!
هل تعتقدين أن مكافأة المرافق الغير متواجد مع المبتعثة حق للمبتعثة وليست سرقة؟؟ إذا كان إجابتك بنعم فالنظام واللوائح تقول عكس ذلك
أما موضوع أن هناك سرقات اكبر في البلد ... فاقول لك: نعم هناك سرقات اكبر بكثير ... ولكن السرقات الكبيرة لا تبرر السرقات الصغيرة
وإذا تبغين نتكلم في السرقات الكبيرة ... ما عندي مانع افتحي موضوع وانا مستعد للمشاركة وقول كلمة الحق
كل ما استطيع عمله هو قول كلمة الحق فقط ... والله الهادي