هل للطفل الي اقل من سنتين تذكرة؟ و هل يمكن تغيير موعد رحلة الرجعة من السعودية؟

سلام عليكم يا اخوان.. عندي سؤالين بخصوص التذاكر

1- عندي طفل عمره سنة و نص و راجعين في الصيف اجازة.. المشكلة انه ما يكمل سنتين الا في اغسطس. فهل ممكن يعطونه تذكرة و مقعد خاص فيه؟ لأن الولد صراحة كبير الآن و متعب جدا يجلس على الرجلين طول الرحلة.
2- هل يمكن تغيير موعد الرجعة و حنا في السعودية؟ لأن فيه بعض الأمور لا زالت مجهولة، و يمكن نحتاج نغير موعد الرحلة اسبوع تقديم او تأخير. هل توافق الملحقية؟ ولا فيها صعوبة؟

ياليت الي عنده خبره يفيدنا. يعطيكم الف عافية.

بالنسبة للتاخير والتقديم ممكن ولكن سيتم دفع مبلغ مقابل التعديل

لو الولد بيكمل سنتين وقت الرحلة اتوقع يعطونك تذكرة
لكن لو ما بيكمل سنتين حتى وقت الرحلة الله يعين الرجلين << مجرب 3 رحلات :D:D

تحت السنتين ماله تذكره بس حسب علمي تقدري تدفعي وتاخذي له كرسي
وعموما في بعض الخطوط زي القطريه تعطي زي السله الصغيره تعلقها على الجدار يعني لازم تكوني قاعده قدام الجدار واذا نام البيبي تحطيه فيه
انا يوم جيت امريكا حطيت بنتي الله يحفظها كان عمرها 8 شهور وفي بنت جنبي كان عمرها سنه ونصف وبرضو حطوها بالسله هي تنفع للنوم بس
بس لازم تبلغي الخطوط بهالشيء وتحجزي من بدري وتعلميهم انكي تبغي السله
ونصيحه بكل الحالات اخذي لك اول الكراسي الي عند الجدار اريح لك حتى لو مافيه سله تقدري تحطي طفلك تحت واغراضه كثيره احسن من الكراسي الثانيه
والله يعيننكم ويسهل عليكم

الله يعين شايلة هم السفر بالصيف من الحين وقتها بنتي تكمل ان شاءالله سنة ....

.

اقل من سنتين بيوم وقت السفر ما راح ياخذ تذكره من الملحقيه ، راح يعطوه تذكره يسمونها تذكرة رضيع ، قيمتها تقريباً 10% من قيمة التذكرة الاصليه للراكب البالغ ، هذا لـ معظم الخطوط (الغالبيه العضمى زي كذا ) .

طبعاً تقدري تشتري تذكرة من فلوسك له ، بس تكون تقريباً بنص السعر تقريباً تسمى تذكرة طفل (حتى لو كان عمره صغير ) بس لها مقعد

اذا اقل من سنتين لك الحق في الحصول على سرير اطفال ولك ايضاً الاحقية في الجلوس
في المقاعد الامامية من بداية الدرجة .. وهو خيار مناسب ومريح على الاقل اذا نام الطفل ..

اقتباس:

---

المشاركة الأصلية كتبت بواسطة Arsene Lupin

سلام عليكم يا اخوان.. عندي سؤالين بخصوص التذاكر

1- عندي طفل عمره سنة و نص و راجعين في الصيف اجازة.. المشكلة انه ما يكمل سنتين الا في اغسطس. فهل ممكن يعطونه تذكرة و مقعد خاص فيه؟ لأن الولد صراحة كبير الآن و متعب جدا يجلس على الرجلين طول الرحلة.
ترا احيانا يعاملون الاطفال اكبر من سنهم بحسب احجامهم .. فإذا كان الطفل عمره اقل من سنتين ولكن هيئته ابو سنتين .. ففيه احتماليه كبيره انهم يعطونك تذكره ومقعد خاص فيه .!

2- هل يمكن تغيير موعد الرجعة و حنا في السعودية؟ لأن فيه بعض الأمور لا زالت مجهولة، و يمكن نحتاج نغير موعد الرحلة اسبوع تقديم او تأخير. هل توافق الملحقية؟ ولا فيها صعوبة؟
بالنسبه للرحلات الدوليه لا يمكن تغييرها .. بخلاف الرحلات الداخليه تقدرين تأخرين فيها وتقدمين ..!
بس الدوليه ماتقدرين لانها مربوطه باكثر من خطوط ! ..

---

هذا والله الموفق !.

اخوك محمد

اقتباس:

---

المشاركة الأصلية كتبت بواسطة 1OK

هذا والله الموفق !.

اخوك محمد

---

اخي الكريم ، هل انت متاكد من هذا الرد ؟ هل هذا يخص تذاكر الملحقيه ام اللتي يتم شراؤها من قبل المبتعث؟ ارجو التوضيح ؟

الرحلات الدوليه فيها تقديم وتأخير ولكن بمبلغ وقدره
زوجي اضطر يسويها كانت التذكره ب 1200 دولار رايح جاي هو غير موعد الرجعه ودفع 200 دولار تقريبا
هذا على الخطوط الأمانيه