هذا شكله يبيني انهي بعثتي

سبب التأجيل :

تاريخ السيفس نمبر بالآي توني له مدة معينة وكانت المدة بالنسبة لي سنة .... وإن صادف نهاية التاريخ هذا سفر الطالب فـ إن الآي توني ( ملغي ).
رجعت السعودية بإجازة مدتها شهر حجزت طيارة لرجعتي لأمريكا وقبل السفر بيومين اتصلوا علي الجامعة وقالوا إن السيفس انتهى تاريخه والاي توني يعتبر ملغي
ولازم تجيب اي توني جديد وتبدأ بإجراءات الفيزا من جديد زيك زي أي طالب جديد .........

وعلى طول رحت سويت طلب تأجيل وذكرت بالمبررات الي حصلي شوفت عينكم شي مو بيدي ماقدر أخش أمريكا بدون آي توني
وهذا الحقرور جالس يتلكع علي ولا يساعدني بأي شي بالعكس جالس يزيد الطين بله ويغثني

رفعت طلب التأجيل زي خمس مرات ولا حياة لمن تنادي ........... طيب وقف بعثتي إيقاف مؤقت سوي شي !
اعطاني هولد ولا بعد فوق الهولد الفترة تحتسب من البعثة ......... حسبي الله ونعم الوكيل

طيب أعطيني ضمان مالي أجيب فيه قبول لأن الوقت مو من صالحي سنة وراحت علي بسببك ؟
يقولي انت جيب القبول بنفسك مانعطي ضمان مالي لغرض القبول ...

طيب في حال جبت القبول والقبول يكلف فلوس هل تقبل القبول من الجامعة الفلانية ؟
يقولي هذي ماهي شغلتي راح اعطيها للدايركتر والدايركتر يعطيك الجواب ..

طيب كذا أنا اخسر زي 1000 ريال وممكن اكثر وبالاخير ترفضون القبول عطني جواب شي ساعدني ذي الجامعة تقبلونها ولا لا ؟
يقولي أنا وضحت لك كل شي بردي السابق ..

رفع ضغطي الله يحرقه

واللي مسوي قلق بالموضوع إني أنا لي بأمريكا 11 شهر فقط .... ويوم كلمته قلي أنت استخدمت 18 شهر في دراسة اللغة الإنجليزية ؟؟؟؟؟؟؟؟؟
سلامات أنا لي بأمريكا 11 شهر وذا يقولي 18 شهر درست انجليزي ؟؟؟؟؟؟؟؟؟

9 شهور < من فترة اللغة ضيعها من بعثتي حسبي الله ونعم الوكيل .... وانا عندي واضح بالجواز صور ختم الدخول والخروج يعني شي يثبت ان لي بامريكا 11 شهر

وانا ماني عارف الحين اجيب قبول لغة ولا جامعة ... ولا انا ابغى اكمل لغة لان الفترة اللي باقية 9 اشهر وبسبته احتسبت من البعثة اثناء تواجدي بالسعودية للحين ... وهو عنده خبر من البداية بس كذا لعانه واهمال يسوي كذا ..................... محد وراه ويجيك واحد يقولك كل شي موثق

حسبي الله ونعم الوكيل

المفروض قبل لاتنزل اجازة المعهد يوقع لك الأيتوني وعند التوقيع اذا كانت المدة المتبقية فيه قليلة يصدرون لك ايوتني اخر. ولو افترضنا انك نازل اجازة شهر وانتهى الايتوني حقك المفروض الجهة التعليمية تصدر لك ايتوني جديد وترسله لك ولا داعي للتقديم على الفيزة اذا كانت سارية المفعول (الا اذا كانت الجهة التعليمية عملت termination الى الايتوني حقك بسبب الغياب او امر اخر).

اخوي ممكن تعريف اسم المشرف
أنا من كاليفورنيا و مشرفي يعاملني بنفس الأسلوب
ابي اعرف اسمه عشان أتأكد هو والا لا عشان اعمل حسابي من بدري و أتصرف
اسأل الله لك التيسير

ماشاء الله انت المدير حق الجامعة ؟
يابن الحلال من وين تفهم انت اقولك الجامعة قالولي لازم تقدم على الفيزا من جديد وموظفة السفارة اتصلت على جوالي
وقالت قدم ع الفيزا من جديد فلا تجي وتقول شي انت ماتدري عنه اقري كلامي كله ولا تقتبس كم سطر
وأنا ماعندي غياب ولا تأخر ولا أي مشكلة قانونية اللهم السيفس انتهى وانا بالسعودية

اسمه باســـــــــل

اتوقع باسل في اجازه...فيه موظف سوداني جديد اتوقع راح يخدمك.محمد 5713272386

طيب خلال هالمدة ماطلعت فيزتك الجديدة...؟

الم تراجع الوزارة ...؟

أخي... لا تغضب من صلافة أسلوبي فأنا لن أهون الأمر لكي تسجل أعجابك لي وأنا معك لستُ بصادق

فعواقب ما آلت إليه الأمور تتحملها أنت وحدك ..

فقد أخطأت عدة أخطاء ليست بالخفية على أي طالب مبتعث واعي ومثقف

فهل من المعقول عند إستخراج للفيزا لم تكن تعلم أنها سنة واحدة ..؟

هل يعقل يارجل أنك لا تفقه في أمور الـ I20 شيء حتى تاريخ بدايته ولا نهايته ..

ومع ذلك كانت السبل أمامك كثيرة وكنت تستطيع طرق الأبواب بدل المكوث عاجز خلف شاشة الجهاز سنة كاملة والركون 3 أشهر إلى المكافئة

أين أنت من وزارة التعليم .. أين أنت من تقديم الطلب والمخطابات الرسمية ..

هل يعقل لا يوجد أحد من زملائك في أمريكا يستطيع مراجعة السفارة ..

أنا لست ببعيد عن الملحقية وعندما أحتجت إلى مراجعتها لم أكلف نفسي أكثر أن كتبت في هذا الموقع

وقامت مشكورة الأخت (( عزة )) بأنهاء موضوعي في الملحقية نيابة عني بمبادرة منها ...

أخي الكريم .. لاتبحث عن من يواسيك ... أبحث عن حل جذري تنتشل به ما بقى من حطام بعثتك ..


تمنياتي لك بالتوفيق

يا أخ سعد واللي يرحم لي والديك لا تخليني ادعي عليك
خل النفس طيبة اقسم بالله اني منغث من اللي حصلي

الفيزا خمس سنين ماهي سنة وحده فيه فرق بين الفيزا وبين السيفس
والموضوع ماهو موضوع سيفس وبس لاحظ بالموضوع انه قلي انت استخدمت 18 شهر بالانجليزي وانا لي بامريكا 11 شهر فقط !

وللان مشتت ولا انا بتصرف من نفسي وبدفع فلوس من جيبي بس ياخي اقولك ماهو راضي يعلمني اجيب قبول لغة ولا جامعة ولا وشو ؟
انا باقي من فترة اللغة 9 شهور ويقولي استخدمت 18 شهر يعني المدة كاملة انا مابي ابدا جامعة الحين ابي اكمل فترة اللغة كاملة من حقي كـ طالب في برنامج خادم الحرمين الشرفين

وانا ماني ساكت رسلت تقرير لـ محمد العيسى وتقرير لمدير الشئون الادارية ولمدير الاقليمي ولجريدة سبق
ولجريدة عكاظ وللقناة الاولى .. وللوزير التعليم العالي نفسه .. وللمواقع الي مسويتها الملحقية لكن مافيـــــــــــــــــــــــــــــه رد ..

الرياض بعيدة عني ولا كان دقيت سلف لها

لا ماهو باجازة جالس يتخبث علي ع البوابة كل يوم

ياشباب الي بواشنطن ياليت يفزعلي ويمر السفارة ويقابل العيسى ويعطيه موضوعي من طقطق لسلام عليكم
مافيه حل الا كذا