مع جنسية أمريكية وأبي زوجتي تولد في أمريكا ( للمجربين )

السلام عليكم

انا بعد شهر طالع أمريكا ان شاالله لدراسة الانجليزي فقط لمدة 6 شهور ولست مبتعث , وأنا معي جنسية أمريكية لأني مولود في امريكا ..

السالفة , زوجتي حامل في الشهر السادس الأن , وانا جاء في بالي اني اخذها معي هناك علشان تولد الطفل ان شاءالله في أمريكا ويكون على أبوه معه جواز أمريكي ..

أبي منكم الطريقة , لمن هي حامل وولدت في امريكا ,, ماهي اجراءات الولادة ..

يعني التأمين وغيره ,

وسالفة الفيزا , أطلعها على انها سياحة معي لأمريكا ؟؟

مع العلم انها راح تسافر لأمريكا لحالها وانا راح اكون في امريكا استقبلها من هناك ..

شكراً لكم ,,

وعليكم السلام ورحمة الله وبركاتـــه

أولا يالغالي توصل بالسلامة انتا وزوجتك بإذن الله ،

والله يسهلها الولادة ويرزقكم بالذرية الصالحة يـــاربـــ ،

للمصداقية ماعندي خلفية عن الموضوع لكن حبيت أفيدك بمواضيع سابقة مشابهة تماما لموضوعــك ، تفضــل :


http://www.mbt3th.us/vb/forum8/thread175804.html


http://www.mbt3th.us/vb/forum127/thread170708.html


http://www.mbt3th.us/vb/forum8/thread181926.html

انا ماعندي خلفيه بالموضوع .. بس ان شاء الله يساعدوك الطلاب

لكن لمن قلت :( مع العلم انها راح تسافر لأمريكا لحالها وانا راح اكون في امريكا استقبلها من هناك ))

حرآآآآآم تسافر لوحدها بالطيارة
لازم احد معاها امها اختها .. يمكن تتعب .. تحتاج احد يساعدها
لمن تولد هناك لوحدهآ !! .. مررررة صعبه
لو امها تسافر معاها وبعد ماتولد ترجع السعوديه بيكون افضل

وبالتوفيييييق ...,,

أشكركم على ردودكم

أنا رايح على حسابي الخاص وأبي احد يفيدني بتكاليف المستشفى او التامين الصحي اللي يغطي الولادة
او هل الملحقة تتكفل بالولادة حتى لو أنا على حسابي ادرس ؟

وعليكم السلام ورحمة الله وبركاته ...

بالنسبه لسالفة الولاده بامريكا ..على حد علمي أمرها بسيط ولا فيها تعقيدات ..
يعني لما تروح المستشفى وتولد .. اذا ماعندك تأمين .. انت اللي تدفع التكاليف كامله .. (إلا اذا عندك تأمين صحي عالمي )
وبعد الولاده الزوجه تقعد بالمستشفى عندهم اسبوع تقريبا .. (على حسب حالتها ووضعها)..
واما بالنسبه للطفل .. فعادي يصدر له شهادة ميلاد (مثل اللي عندك الزرقا) .. وبس

وبعدها خلص اوراق الطفل من وزارة الخارجيه ..
(حتى يصدرون له ورقة دخول للسعوديه)..

ايضا نصيحه .. لما ترجع السعوديه بالسلامه .. اخذ صور لجواز الام واوراق الطفل .. واذا جيت تجدد الجواز .. حاول تحتفظ بالجواز قولهم يخرمونه لك واحتفظ فيه ..
لان هذا راح ينفع الطفل لما يكبر .. وتأكد ان كل الامور اللي عانيتها بالسعوديه بالدوائر الحكوميه بسبب (أنك مولود بامريكا).. هو راح يعاني منها .. فبالتالي حاول تاخذ احتياطاتك اللازمه له ..


أما بالنسبه لسالفة الفيزا للزوجه ..
فروح للسفاره الامريكيه وقولهم ان زوجتك غير امريكيه وانت تبي تروح امريكا وتبي تاخذ زوجتك معك !.
حتى يعطونك الاجرائات اللازمه .. لانك عندهم امريكي .. فبالتالي حالتك خاصه ..
وراح يطلعون لها فيزا .. ( ونوع الفيزا يعتمد عليك انت .. لما تروح لهم ويشوفون وضعك وكل شي هم اللي يحددون نوع الفيزا حقت زوجتك )..



هذا والله الموفق .,

اقتباس:

---

المشاركة الأصلية كتبت بواسطة نظم معلومات

أشكركم على ردودكم

أنا رايح على حسابي الخاص وأبي احد يفيدني بتكاليف المستشفى او التامين الصحي اللي يغطي الولادة
او هل الملحقة تتكفل بالولادة حتى لو أنا على حسابي ادرس ؟

---

اها يعني انت رايح تدرس ..
في هذه الحاله .. وضعك يختلف .
اذا كنت على حسابك الخاص .. فاول ماتجي هناك تطلع لك تأمين صحي لك ولزوجتك ..
والتأمينات الصحيه كثيره ..

طبعا الافضل انك ماتروح لحالك .. اطلع انت وزوجتك مره وحده ..

لان اذا طلعت زوجتك لحالها راح تبقى مع صف الاجانب .. بينما اذا كانت معك راح يعاملونها مثل مايعاملونك ! فبالتالي بتكون مع الامريكان ..!

اما عن سالفة الملحقيه .. فهي ماتتكفل فيك حتى تصير بالبعثه !.


هذا والله اعلم .,

فيزا مرافق مو سياحيه
واول ماتوصل مدينتك تسوي تامين عند شركة قويه
ومبروك مقدما

شيك اول مع شركات التامين لان بعضهم مايعطون للحامل ..

ماشاء لله تبارك لله . اهنيك على وطنيتك . المملكة كلها تفتخر فيك . !!؟؟!!

نصيحه لك خذ مرتك وخلها تولد هناك وخذو الجنسية الامريكية ولاعاد نشوفكم في المملكة لان المملكة ماتتشرف بجاحدين امثالك ياخائن

اقتباس:

---

المشاركة الأصلية كتبت بواسطة ابي ارفع راس والديني

ماشاء لله تبارك لله . اهنيك على وطنيتك . المملكة كلها تفتخر فيك . !!؟؟!!

نصيحه لك خذ مرتك وخلها تولد هناك وخذو الجنسية الامريكية ولاعاد نشوفكم في المملكة لان المملكة ماتتشرف بجاحدين امثالك ياخائن

---

أهل العقول الخاليه في راحه :rolleyes: