الأعضاء الإشتراك و التسجيل

الملتقيات
ADs

هل تنصحوني بالغاء البعثه لهذا السبب

هل تنصحوني بالغاء البعثه لهذا السبب


NOTICE

تنبيه: هذا الموضوع قديم. تم طرحه قبل 2099 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. أصلاً لو م خفت من البريزنتيشن أعتبر نفسك حالة شاذة لأن الكل يرتبك حتى الأساتذة لو بيجي أحد يحضر لهم من برا الكلاس رح تلاحظ عليهم هذا الشي و هم صار لهم سنين بهالمجال .
    و بعدين ليش تحسب الوقت بالجامعة لا تناظر لأحد خل ذهنك صافي و ركز بالمحاضرة وقت البريك أسحب لك كتاب و أجلس أقرأ فية .
    سو تهوية لغرفتك كل يوم الصباح + شغل قرآن + أشرب نعناع ليمون >> يساعد على الإسترخاء .
    أشغل فراغك لا تخلي عندك فراغ مثلاً تعلم لغة جديدة أبحث بمجال تخصصك + أممم سوا أي شي .
    ترا الناس مو أكبر همومهم أنت تجلس تناظر فيك >> كبر عقلك شوي
    عادي ناظروا ؟؟ و بعدين بيآكلونك بيتهجمون عليك !!!!!
    مفروض أنت الي تتفرج عليهم لأنك في بيئة جديدة ، الله يهديك بس .
    المهم ترا الموضوع مسألة وقت خل بنفسك ثقة و أعرف أن الله معك هاه أنتبة الله معك يعني لا تخاف من شي .
    موفق و السنين تركض بسرعة : )
    7 "
  2. ركىز معي فيه شئين مهمين
    الاول حسس نفسك ان الشخص الي امامك اقل منك فكل شي بالدات الموضوع الي له علاقه بالموقف يعني لو فبرزنتيشن حسس نفسك انك اطلق واحد فيهم ولو فباص حسس نفسك انك انت الي دايم تاخد الباص وفاهم كل شي فيه وكدا (لان اغلب الاحيان الخجل يجي من خوفك من نضرتهم لك او حكمهم عليك ولو قانعت نفسك انك اعلي منهم مايهمك حكمهم عليك)
    الثاني لاتطب فناس ملكعه او وسخه تتريق عليك وتزيد المشكله او ناس جدا عطوفه ترحمك وتخليك تشوف الناس كلها راحمتك شف ناس اقل منك بشي قليل واول ماتحس نفسك بديت تتأقلم شي ناس اقوي شوي

    حاول لما تتكلم ماتشغل تفكيرك بنضرتهم لك فكر بشي ثاني حتي لو تخبص عادي ولاتعطي الموضوع اكبر من حجمه وحط فبالك ان كل واحد عنده مشاكله وحياته وموفاضي يفكر فيك او يقيمك او يحكم عليك
    وامانه طمني وش يسر معك
    7 "

  3. أخوي ذكرتني بنفسي قبل سنتين
    أول محاضرة أكاديمية طلبت منا الدكتورة برزينتيشن من كل طالب عن موضوع محدد
    وبصراحة كانت القاعة مكتظة وأغلب الطلاب أمريكان ومتمرسين أقدر أقول أصغر واحد عمره مايقل عن 27 وله خبرة وظيفية طويلة
    المهم قبل ماتبدا المحاضرة الي فيها البرزينتيشن أصبت بحالة هلع شديد .. ونشف ريقي .. وبدأت أتصبب عرق .. ورعشة شديدة
    لدرجة إنه كنا عصر ومع ذلك كنت أحس إن الوقت ليل!
    كان فعلاً موقف غير طبيعي
    قمت رجعت بسيارتي أبي أرجع البيت وبنص الطريق أيقنت شي مهم ... وهو إني لو هربت
    راح أظل طول عمري أهرب
    يعني مو مكفي إنه راح ينخصم علي درجة ... لا كان الموضوع أكبر من كذا .. كنت أعرف إنه بعد كذا ماعد أقدر أسوي شي وراح أظل هارب من أي حالة هلع
    فكر معي وش أقصى شي ممكن يصير لك لو قدمت برزينتيشن؟
    تكلج؟
    تنسى ملف السلايدات؟
    يطفى الكهرب؟
    تصيبك حالة وجوم؟
    تتعثر وتطيح؟
    أوكي افترض كلها حصلت معك دفعة وحدة
    قول معي بصوت واحــد ... طــــز !
    وش يعني؟ بتموت؟ لا ..
    ولا شي!
    بعدين بتصير قصة ترويها لأولادك وأصدقاءك تضحكون منها! لا أكثر ولا أقل
    ماعمري سمعت إن فيه واحد جاه جلطة .. أو توفى بسبب برزينتيشن! يعني وش يخوفنا بالضبط!
    احنا مو في صف ثالث ابتدائي زملاء يضحكون على زملاءهم!
    اأنت في مكان محترم وفي قاعة محترمة .. وتتعرض لحالة يتعرض لها أي شخص
    يحدثني صديق أمريكي يقول أكره يوم عندي البرزينتيشن .. يكون يوم ثقيل أخاف إنه يصير لي موقف! تخيل هذا وهو معلم لغة ومتمرس
    بس الشعور بالخوف شعور طبيعي يصيب أي إنسان "عنده شعور" يعني لا تحسب إن الي فيك حالة مرضية
    الي فيك ياعزيزي حالة طبيعية .. قمت بتهويلها بإنغلاقك على نفسك
    طيب الحل بسيط ... Go For it
    يعني أي شي يطري على بالك قوم وسوه لاتقعد تفكر فيه .. التفكير مصيبة
    اطلع .. خلك 24 ساعة برى البيت
    روح مطاعم .. سينما .. حلقات دراسية .. المسجد .. اتمشى
    مع الوقت بتحس إن الحالة تقل تدريجيا
    أهم شي لا تربط أي شي بإلغاء بعثتك ..
    لا أحد يحب المستسلمين ... حتى أنت لو استسلمت ماراح تحب نفسك!
    الله يوفقك وييسر أمرك
    7 "
  4. والله الاخوان ما قصروا الله يجزاهم خير
    لكن بقولك يالغالي
    حاول قدر الامكان ما تفكر بنفسك و لا في نظرة الناس اتجاهك
    الليفل السابق كان معنا سعودي بالكلاس حالته قريبه من حالتك
    لكن ولله الحمد و المنه ساعدناه وطلعناه من الحاله اللي هو فيه
    بكل بساطه قلنا له يا وحش الاسبوع الجاي نبيك بس تطلع قدامنا
    و تناظر كل الطلاب بالكلاس نظرة كبر و تحدي وتبدا بالبرزنتيشن حقك
    حتى لو تحط صورة وحده و تقرا لك سطر و لله الحمد كان هذاك اليوم بداية لأنتهاء المشكله
    صار كل مره يطلع و يتكلم بكل اريحيه و انبساط ، عشان كذا يالغالي لازم تسوي البرزنتيشن
    حقك و تطلع قدام الطلاب و تناظرهم بكل جرئه وتحدي ، و صدقني هم ما راح يا كلونك و اذا كنت
    تفكر انهم بيضحكون خلهم يضحكون وينبسطون و اضحك معهم اهم شي لا تفكر بالموقف اللي انت
    فيه او تفكر في نظراتهم ، خلك مبسوط و مرتاح و مروق للآخر وقت البرزنتيشن وان شاء الله انك
    تبي تبشرنا بالعلوم الطيبه و الله يعينك و يوفقك و يكتب لك الخيره في كل شي .
    7 "
  5. شوف اخوي بالنسبة للخوف من الناس والرهاب الاجتماعي

    لاتخاف من شئ ووكل امرك لله سبحانه وتعالى , الناس كلها واحد وانت مو ناقصك شئ عنهم
    حاول تندمج شوي شوي مع المجتمع وان شاءالله الامور بتمشي وبتتيسر على خير مايرام

    وبالنسبة للطبيب النفسي .. انا انصحك تتواصل مع طبيب نفسي وبأذن الله امرك ابسط من البسيط

    والبرزنتيشن هذا شئ 90% من الناس عندهم فوبيا منه
    وخصوصآ السعوديين لأنهم بتعليمهم المدرسي مافيه شئ اسمه برزمنيشن

    انا 12 سنه ماذكر طلعت بالاذاعه الا مره واحده وكانت مع 9 اشخاص لأنشوده بالابتدائي خخخخخخخخخ

    وتخيل هي الوحيده

    والان بالجامعه قسم بالله قبل البرزنتيشن بيومين يجيني خوف ولعوزه الى درجة النوم مايجيني
    بأحد البرزنتيشنات واصلت من شدة الرهبه ولا نمت

    وشوي شوي تعودت وصار الموضوع عادي اللحين صار لي 5 برزنتيشنات تقريبآ

    وكل واحد اسهل الثاني

    وكل شئ يجي بالتعود , اقرء المعوذات واية الكرسي . والامور بتشمي بأذن الله

    لاتضيع مستقبلك عشان شئ بسيط علاجه ابسط مما يكون

    والله يخوي فيه ناس فيهم امراض عضال الله يبعد عنا الشر ولازالوا يكافحون بحياتهم

    كافح وباذن الله كل شئ بيكون زين . لكن انتبه تترك دراستك
    7 "
  6. الخوف والارتباك من الجمهور شي طبيعي بس اللي مو طبيعي أنه يستمر هالوضع
    بغض النظر عن الأسباب أو التشخيص
    انصحك بقراءة سورة البقرة كل يوم بتدبر واخلاص
    راح تأخذ من وقتك ساعة بس وبأذن الله راح يتغير حالك كله للأفضل وماراح تحتاج لطبيب
    أو علاج ..
    7 "
  7. السلام عليكم

    توكل على الله

    بقول لك شيء بسيط بس فكّر فيه زين

    ماراح أقول كل السعوديين بس خليني أقول اغلبهم عايشين جو مشحون

    يتملكهم الخوف من المستقبل هل هو بينجح هل هو بيفشل

    الغربة متعبتنا والحنين لبلدنا الغالي عمل عمايله فينا

    إحمد ربك إنك لوحدك ما عندك مسؤولية مثلي زوجتي وولدي هنا وتارك ولدي الثاني بالرياض عند أجداده

    ومشتاق له حيل وتوني بأول الطريق وأمورنا متلخبطه..

    كلها فترة وتزول والواحد لازم يصبر ولاتكون إنهزامي وتوكل على ربك

    ياخي لاتنسى المستقبل المشرق بإذن الله اللي ينتظرك وإنت راجع بالشهادة

    أقول قم صل ركعتين وإدعي ربك وأنا والله لو إني قريب منك كان خذيت قهوتي معي وجيت عندك نتقهوى ونسولف وإنتعوذ من الشيطان بس إي بعيد عنك

    اوووووه نسيت ياحليلي أقول في البداية كلمتين طلع تعبير


    مع السلامه مع السلامه طولت عليك
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.