يبيعون تمر في امريكا ؟

هيفاء ما فيه الا تمر زي تمر السعودية لكن بتلاقين تمر كليفورنيا حاطين عليه ( تمور المدينة ) يوهمون البشرية انها من المدينة فيما يبدو لي -- و الله اعلم --

الشامبو ما ادري

و الله يوفقنا وياك لكل خير ..

هيفاء موضوعك خطير هههههههههههههههه
الحمد لله انا مو من عشاق التمر
انا صراحه ناويه اخذ معي مأونه اذا سافرت
(اندوووووووووووووووووووومي كثيييييييييييير+مكعبات ماجي+بهارات لان بهاراتهم محد يمدحها+يمكن اخذ معي اشياء ثانيه مدري عن امي وش بتجهز لي )

تدروووون ؟


شكلي بزرع نخله عند مدخل شقتي وافتك :/

السعوديات ما يقصرون لو بس عرفوا ما عندك تمر بيهدونك

بس تهقون رمضان هذا بيصير فيه توزيع تمور مثل ما كان يسوي سلطان ؟ و الا لا ؟؟

:/

لا مابي أخذ تمر الناس :/

الا على طاري رمضان وش النظام بأمريكا مع الصايمين؟

النظام كالتالي .. قبل شهر رمضان بـ 15 يوم .. استعدي و دربي نفسك كم يوم ع الصيـام .. اختاري وجباتك بعناية الي فيها قيمة غذائية و الي تحسينه بينفعك لو صمتي ما تحسين انه ، لأن بصراحة لو مو متعودة ع الصوم بتتعبي شوي في المحاضرات و بتصير النفسية ( مو ذاك الزود ) ..

ساعات الصوم شوي متعبة .. لا تكثرين ساعات دراسية مادة وحدة و خليها خفيفة .. و كثري سوائل لانه بيكون صيف ..
لو حصل تجتمعين انتي و خمس بنات يوميًا .. وقت الفطور مثلا بيريحك من عنا الطبخ و التعب .. كل وحدة تجيب نوع معين و خفيف ..

الله يعينك و يوفقك اهم شي انك ماستر عشان ما تداومين يوميـًا و الله يوفقنا وياك لكل خير

كنت مسوي مرة feasibility study .. ناوي استورد تمور من السعودية لأمريكا ...
و سبحان الله كل شي ما عليه ماشي كويس و لاقي المصدرين و كل شي و التجار السعوديين و مسوي marketing plan شبه كاملة .. بس الاجاراءات الحكومية جدًا جدًا جدًا جدًا اتعبتني
الـ FDA هيئة الغذاء الامريكية .. اي شي يتعلق بالاكل يستقعدون عليه و حريصين عليه لدرجة التطفيش !!

و على قولتهم برد الموضوع .. فالي عنده خبرة يا شباب بموضوع الـ FDA .. يبلغنا و ما فيه مشكلة لو نتعاون فيها -_^

ابغى انبهك لنقطة مهمة

وزارة الهجرة والجنسية الامريكية تعتبر اي كسب للمال كعمل وكما تعرف الطالب لايستطيع ان يعمل خارج الجامعة

عارف هذا الشي جدًا .. عندي سجل تجاري بالسعودية ، و اقدر انهي اجراءات السجل التجاري من السعودية و يكون التواصل مباشرة ما بين الشركات الامريكية و بين المؤسسة في السعودية يعني طالع منها طالع ان شاء الله مالي شغل بشي بس الي علي اشوف الاجراءات الاساسية لكل شيئ

شكرا على حرصك
ممتن لك غاية الاممتنان

على سيرة التمور .. جاني بالتويتر دعاية لشركة تبيع التمور السعودية داخل امريكا..
ودي اكتب لكم حساب الشركة بس مدري اذا عادي احط عنوان تويتر ولا اتلطش!!