اسئله ومحتاجه اجوبتكم عليها لاهنتوا

السلام عليكم ورحمة الله وبركاته

انا خريجة كلية التربيه للاقتصاد المنزلي والتريبه الفنيه بالرياض تخصص

ملابس ونسيج وقدمت على برنامج خادم الحرمين الشريفين المرحله

الثالثه وقبلت ولله الحمد والمنه في الولايات المتحده الامريكيه تخصص

تسويق درجة ماجستير وودي اسأل هل الجامعات الامريكيه تقبل اني

ادرس تخصص الماجستير اللي قبلت فيه وانا تخصصي في البكالوريوس

زي ماقلت لكم اقتصاد منزلي وهل تحضير الماجستير في امريكا صعب

ودي اسأل عن اختبارGMAT لأني سمعت انه مهم للدراسات

العليا فكيف طريقته واذا كان صعب او سهل؟ هذا سؤال لأهل الخبره

اللي عنده اي معلومه لايبخل علينا فيها واللي يرحم والديكم

أختي نورة:
اولا على حسب ظني ان الجامعات اللي بامريكا مالها دخل في البكالوريوس اللي معاك ..
ثانيا من ناحية الجيمات انتي لاتحاتينها روحي وتعرفين بنفسك اذا انتي تحتاجينها ولا لا لان قليل الجامعات اللي تطالب فيها ..

هذه المعلومات متواضعة وممكن تستفيدي اكثر من غيري.. بس صدقيني انتي روحي وبتشوفي الامور اسهل من كذا وبالتوفيق ان شالله.

الله لايهينك مشكور على المرور

العفو يا أختي نورة هذا واجب..

اختي نورة بالتوفيق لك مقدما
الماجستير سهل
بالنسبة لتخصصك موجود بنفس الجامعة اللي انا ادرس فيها بصراحه جامعه حلوه

ومناسبة للعوائل

كلهم سعوديين >>>>>>>>>>

بس لازم جيمات بس مو صعب اكثر من وسط وها يعتمذ على دراستك
ومافيها جيمات بس فيه بمدن قريبه منها مثل شيكاغو

تحياتي

وين الناس تكفون مره محتاره وودي اتطمن بس

وهل بالفعل الوزاره توفر القبول يعني مايحتاج تننا ندور على قبول من الجامعات؟

وسعي صدرك يا اخوت نوره

انا مثلك خريج تربية بدنية من جامعة سعود وانقلت في التسويق
لا تخافيين لو الجامعه ماراح يقبلونك كان مارشحتك الوزارة
عموما ياريت نعاون عشان نعرف وش الجامعات اللي تعطي تسويق
ممكن تراسليني او هنا اللي يريحك
وشكرا

اقتباس:

---

المشاركة الأصلية كتبت بواسطة نوره

وين الناس تكفون مره محتاره وودي اتطمن بس

وهل بالفعل الوزاره توفر القبول يعني مايحتاج تننا ندور على قبول من الجامعات؟

---

اختي نورة نورتي الملتقى

بالنسبة للقبول فهذه المرحلة الثالثة ستقوم الوزارة بتوفير القبول لجميع الطلاب

وقد تم فعلا توفير 50% من العدد الكلي وبإذن الله مع نهاية الملتقى ستكون النسبة 90%

وستوزع على الطلاب والطالبات في الملتقى هذا حسب إفادة د. الموسى عبر لقاء الإخبارية

بالنسبة للتسويق سهل وممتع جدا انا مبتعث دكتوراه تسويق وهذا التخصص جميل جدا