اخواننا واخواتنا ينادونكم فهل من مجيب .! لكل من بامريكا
السلام عليكم
اهلا باخواني وخواتي
قال تعالى :هاأنتم هؤلاء تدعون لتنفقوا في سبيل الله فمنكم من يبخل ومن يبخل فإنما يبخل عن نفسه والله الغني وأنتم الفقراء)
كلنا يعرف وش يصير بسوريا الله يعينهم ويثبتهم ويسدد رميهم .. قبل فتره صدرت فتوى من مفتى المملكه بوجوب الدعم لاخواننا السورين واحنا يا المبتعثين مالنا الا الدعاء ولا دعمهم بالمال
انا بحثت بالنت بالبدايه وكنت اريد التبرع عن طريق احد البنوك الي بالسعوديه ولا الكويت ولقيت العمليه بتتاخر وبياخذون عليك ولا 40 دولار قيمه التحويل
بحثت في امريكا ,ولقيت في حمله رسميه وتجمع الدعم المالي من كل انحاء امريكا وكندا من خلال بنك اوف امريكا واكثر المواقع الاسلاميه حاطين رابط الحمله حتى المواقع العربيه كاتبين عن هذي من الحملات العالميه لسوريا
تبرع بالي تقدر عليه والحمد لله حنا نقدر وزود
هذا رابط المؤسسه وفيه كم طريقه للتبرع
وهذا الموقع بالعربي موقع جميل جدا
واليوم اتصلت على الندوه العالميه للشباب الاسلامي بسياتل وقالوا التبرع من الرياض اتوقع بنك الراجحي بس قالوا اتصل على دار الهجره بفريجنيا فيها حمله تبرعات اتصلت عليهم ما ردوا
بكره بعاود الاتصال فيهم وبجيب رقم حسابهم ان شاء الله
ما ودي اقول الاحاديث والادله للتبرع واجرها العظيم عند الله
واتوقع بكل مسجد في امريكا فيه تبرع لسوريا
يالربع تكفوون
رد: اخواننا ينادونكم فهل من مساعد لهم .! لكل شخص في امريكا
جزاك الله خير دنيا وأخره
والله يرفع عن أهلنا في سوريا
رد: اخواننا ينادونكم فهل من مساعد لهم .! لكل شخص في امريكا
وياك اخوي والله اهلنا بسوريا يستاهلون كل خير والمسلم لاخوه المسلم
رد: اخواننا ينادونكم فهل من مساعد لهم .! لكل شخص في امريكا
اقتباس:
المشاركة الأصلية كتبت بواسطة لولوة عمور
والله اخوي ياريت لكن المشكله هل تضمن ان التبرعات التي سيتم جمعها في امريكا سوف تذهب لإخواننا في سوريا
اكيد تضمنين اكثر المساجد واكثر الي في امريكا تتبرع لهذي الحمله طيب انا بالرياض واقول لو بحول للراجحي اضمن يوصلونها لسوريا بيوسوس الشيطان فيني ولا راح ادفع ريال طول حياتك .
انتي سوي الي عليك وانويها لاهل سوريا والله بيعطيك على قد نيتك حتى لو ما وصلت انما الاعمال بالنيات .