حوار أشياء تزعجك من السعوديين لما يزورونك - مواقف حرجة -

موضوعك حلوو

بصراحة حتى هنا في السعودية لما تجيب اصحابك البيت او تدخلهم غرفتك

يجلسو يحوسوو ويفتحو الدواليب

بالنسبة ليا كل شي فدااك الا الاشياء الخاصة فيني ( الاستخدام الشخصي )

اصلا مفروض الواحد يقرف انو يستخدم اغراضك من نفسو

شي ثاني لما تعطي احد جوالك وتقولة شوف الصورة هذي يجلس بقر في الصور

يدخل الرسائل الاسماء يفك البرودكاستات ... الخ


بس ايش نسوي كل واحد يدل على تربيتة

شوف هذي فعلاااا مشكلة سواء للمنظم او للفوظوي على حد سواء يعني الزيارة لها اوقاتها هذا شي والشي الثاني متى بلغ الشخص الزاير مرحلة الميانة انة يفرفر بيتي ويسوي كذااا يعني من جد احراج اناا اذكر موقف صار لي من فترة انو كنا متجمعين في بيت احد الصديقات وماشاء الله كل وحدة جاية ومعها بنات اطول مني والبيت فوظاء بشكل وكل وحدة من هذولاا الحريم ما تامر بنتهاا تشيل منديلها ونقهرت خصوصا ان الي عازمتنا حرمة كبيرة ورحمتها فدخلت المطبخ وغسلت كل الصحون ونظفته ومسكينة
راعية البيت اول ماشافتني باستني على راسي والله من بعد هذاك اليوم ماقد رحت لبيتهاا وناس ماعندها احساس ولاتنحرج من نفسهااا خصوصا الحمام الله يعز السامع منة تعرف العالم يعني لاتنغر احيان بكشخة الواحد تلقاه بهالاماكن كما وصفهم الرسول علية الصلاة والسلام

السلام عليكم ورحمة الله وبركاته..

أحب أشكرك أخي الكريم على طرحك المميز..

وبالنسبة لتجربتي الشخصية في هالنوع من الأمور كان ينصحني أبوي وأمي..

يقولون لا تستحي وخلك حازم اتجاه من لا يقدرك أو يستهين بك..وانا كنت أقول لهم.. ما أقدر ومن هالكلام..

بس لما تعديت سن معين، اقتنعت إن كلامهم صحيح، وتأكدت إن بعض الناس ما يستحق " تعطيه وجه "..

فالحل الأنسب اتجاه هالنوعية من الناس، إنك تعامل معه بإحترام مقيد..فلما يخطي أو يتجاوز حدوده وقفه وفهمه وعلمه..

ولا تستحي منه ، وعلى كلام أهل الشمال " طقها في وجهه "..بس مو من أولها تطقها في وجهه، لا خلك شوي حليم.. عشان ما تجيب العيد..

لأن أحيانا بعض الحذقين يسوون تصرفات زي كذا عشان بس يختبرونك ويشوفون ايش راح تسوي..


أحب أستأذنك أخي الكريم في الرد على أخونا " moo77dy " ..

 المشاركة الأصلية كتبت بواسطة moo77dy

موضوعك جميل وانا معك في بعض النقاط

ولكن في مواضيع اهم مثل المحششون وشاربين الخمر والمتبرجات
وغيرهم ممن يشوهون سمعه الابتعاث
المفروض نتحد ضد هؤلاء الفئة الخايسه ونفضحهم في كل كتاب ينشر
عشان يكونو عظة لغيرهم
ممن تسول في نفسه عمل هذه المكنرات

أخي الكريم، انا لا أنكر أن الفئات التي ذكرت موجودة..ولا أنكر أيضا تشويههم لسمعة المبتعثين..

ولكنني أنكر عليك ما ذكرت بعد ذلك..من الإتحاد عليهم..ياخي بسالك ليش هم كفرة ؟؟ ولا ملحدين ؟؟ ولا شيوعيين ؟؟ ولا يهود ؟؟ عشان نتحد عليهم..

بعدين ليش نفضحهم كلهم ؟؟ وليش نتتبع عورات الآخرين ؟؟ ولا تنسى أن من تتبع عورة أخيه المسلم، تتبع الله عورته، ومن تتبع الله عورته..فضحه ولو كان بعقر داره..

بعدين كيف تبي أحد يتقبل منك وأنت تخاطبه بهالأسلوب ؟؟؟ وتقول له يا فاشل ويا منحرف ويا مدري ايش..ما يصلح أبد وربي ما يصلح هالأسلوب..

إنت كذا تنفر الناس الله يهديك..ويصلحك..ويفقهك..وينور قلبك وعقلك..

لا تنسى كمان قول المولى - عز وجل - : ( ادع إلى سبيل ربك بالحكمة والموعظة الحسنة وجادلهم بالتي هي أحسن )..

إذا كان الله - سبحانه وتعالى - يوصي النبي - صلى الله عليه وسلم - أن يتعامل مع غير المسلمين بالصفات المذكورة بالآية الكريمة السابقة..فما بالك بالتعامل مع المسلمين !!!..

فإيقاظ الوازع الديني داخل صدور هؤلاء الخطائين أيسر وأفضل وأحسن وأحكم من سبهم أو شتمهم أو التشديد عليهم وتنفيرهم من دين الله - عز وجل - ..

أرجوا أن تكون قد فهمت قصدي أخي الكريم..واعذرني على قوة الخطاب..ولكن إسلوبك هذا حدني على أن أقول ما قلت ..


أكرر شكري لصاحب الموضوع .. ولأخي " moo77dy "..



وعسى الله ييسر أمورنا أجمعين..


..

يععععععععععععععععععععع

الله يعينك على ظيوفك صراحه يبيلك تحط لهم ورقه مكتوبه على حيطان الحمام -اعزك الله - PLEASE FLUSH AFTER USE

انا كمان اعاني من بعععععض البنات و الجارات الي احيانا نار تشب فيني من افعالهم

مره ناس الله يستر عليهم جوا عندي يطبخون .. المهم يبون يبهرون دجاج .. فطلعت لهم الاشياء الي تشيل الزفر ( ملح -بهارات -خل -ليمون ) طبعا بعد ماخلصوا انا الي بنظف طبعا

جيت امسك علبة الخل حصلت فيها بقايا دجاج و على يدي لاصقه شهقت شهقه مابعدها شهقه و صرت اتحسب عليهم من القرف ههههههههه

و طبعا يوم مشوا .. تبقت الصحون الي يبيلها غسيل و المواعين الي توصل لين راسي .. فبقت يومين يالله غسلتهم .. لاني طبعا نظفت قبل لا يجون و ابخر و اغسل من بعدهم .. فبعد ماراحوا صار مافيني حيل ابد ..

الله يهديهم و يصيرون اتيكيت و بنات "حديثات" << خخخخ متعوب عليها

بس ثنتين صادفتهم ماشاء الله بالسنع توب .. قبل لا يمشون ما يتركون ورراهم ولا صحن ولا سفر بالارض ولا شي فديتهم والله

والله اللي مايستحي على دمه لاتستحي منه ..

طبعا هالعينات كثيره لكن انا مااستحي منهم اقولهم بلطف لو سمحتوا كل واحد ينضف مكانه وبالنسبه للحمام ممكن تشتري مناديل كلوركس وتحطها على المغسله وتطبع ورقه الرجاء تنضيف الحمام قبل الخروح او مثل الطياره اترك المكان نضيفا كما وجدته خخخخخ ..

بصراحه بعض الحريم عيالها اشقياء ويخربون وهي تتفرج عليهم عادي ولا كانهم يسوون شي ,, انا مع هالعينات دايم اقولهم لو سمحتي ولدك لايوسخ واذا شفتها مطنشه انا اتصرف بمعرفتي خخخخ ..
مره سلفتي عندها ضيوف واحنا نحضر العشاء عيال الضيوف يلعبون ويدورن على السفره وياكلون منها قبل ننادي الضيوف هي انقهرت وتقولي دايم يسوون كذا وهم اصحاب زوجها انا مااعرفهم قمت اخذت ملعقه خشب طويله وصرخت فيهم وهزءتهم وطلعتهم برا وروحوا يشتكون لامااتهم قلت لهم اللي تزعل اذا كلمنا ولدها تربيه قبل تجي ,, حسيتهم حقدوا علي بس بالطقاق

اما ربعك بصراحه لاعت كبدي من القرف اللي تكلمت عنه لو هم عندي والله اهزهم حتى لو هم اخواني بلا قرف ..

الله يصلح الحال بس ..

اخوي انا من قبل امشي امريكا وانا أعاني من هالنقطه طلعت لبيت الزوجية من اب نظامي لزوج نظامي
احب كل شي بمكانه وكل شي بوقته يعني لو الجره يتغير مكانها بدون رغبه مني أشوف الشكل مربك وعدم استقرار
وهذا يخليني افكر لساعات طوال في شكل البيت لما يزورني احد اكثر من الأصناف عشان يكون البيت كما يليق بهم الي بسويها ولكن المصيبة لما يجيك الي ما يستوعب ان هذا ترا مهو بيتك ويتصرف بطريقه تحسسني اني المفروض البس عباتي لأني ضيفه والمصيبة لما احد يفك عليك الباب بدون ما يستأذن الزيارة او حتى يدقه عشان يستأذن الدخول !!!لدرجة اني لصقت ورقه عند الباب اهلا وسهلا بكم في عائلة مبتعثه متماسكة وكم يؤنسني طرقكم للباب !!!
نعال الحمام ويكرم القارئين يطلعون فبه وقت الصلااااااااااااة ليه!!!!!لصقت ورقه وكتبت فيها هذا نعال بني مخصص للصلاة !!!!وسهم ياشر على مكانه.
الاطفال يلعبون بالكريمه بالأرض وانا عادي عادي هههه ماصار شي ويكب عصير فيمتو وانا لا أبدا لااااتحاتين واااهههههه الا من رحم ربي وغالبا ما ابكي حين يخرجون وانا ابتدئ أنظف مع ان عندي خدامه الى ان اصبحت أتصرف بشكل حازم او ممنوع اصطحاب الاطفال

خصوصا ان أطفالي يمشون بالقلم والمسطرة
وكثيرا ما يتضايق البعض من تلك التوجيهات ولكن ماااااتتصورون هال ساعه المؤنسة الي أنتو جيتو فيها راح نشتغل فيها لاياااااام من غسيل زوالي ومسح جدران و و و و و فخليكم حلوين عشره وربي اعرف ناس من قوة الذوق يحلفون عليك ما تقومين عشان تكنسين او ترفعين السفرة
ومن جيت هنا فلما ابي اجتمع مجتمع برا أحسن لهم ولي وأطفالنا

صورة من الموضوع مع التحية لمبتعثين الهند المحترمين ..

إذا جاء الواحد يبي يسير عليك جاب لك كيس حبحر (فلفل) ..

وبعضهم مايكثر البصل بالأكل .. ودورات المياه نظامياً تكون خارج المبنى .. لأنه تحصل ؟؟

وشكراً على التنبيه ..

وأزين شي إذا قلت فلان غسل الصحون ..

قام يهز رأسه .. ياحبي لهم ههههههه

موضوع ممتاز كل الي قلته يهون عند بعض العينات الي تعرفت عليهم

ياخذوون منك اغراض كاسلف او استخدم يوم يومين قيمتها بـ 150 دولار او 200 دولار ولا يرجعووونها لك الا بطلعت الروح واحياناً مايرجعونها لك ابداً ويجحدون !!!
واحياناً يوصونك اذا رحت المطعم تجيب لهم عشاء ولا غداء ويكون الحساب لكل شخص 12 دولار 10 دولار ولا يعطونك اياها وتستحي تطلبهم !!!
بختصار شديد الشعب السعودي بشكل عام قبل لايطلع امريكا دايماً يسأل عن الولايه الي يكون فيها شعب طيب ودود ونسوا بأنهم من العن العن العن العن شعوب العالم تعاملاً مع بعضهم البعض ومع الأجانب الموجودين في بلادهم دائماً الــهــندي والبـــنقالي والــــمصر والســـوداني واليـــماني مهــان في السعوديه خصوصاً في (( البقالات المدارس المطاعم )) نادراً ماتحصل سعودي له صديق بنقالي او هندي او باكستاني رغم كثرتهم في المملكه
والسعودين في الــغربه من الـعن الناس تعاملاً مع بعض الا من رحم ربـي وجيهم مكشره معصبين انفسهم شينه !!!

المشكله في اول لقاء بينك وبينه يكون محترم ومؤدب وبعدها بكم يوم تبدا تطلع اللعانه والوصاخه على اصولها !!!من ثالث يوم يطيح الميانه وتلقاه في وسط فراش غرفتاك نايم وساك عليك باب شقتكـ وانت تدق عليه ولا يرد ولا يفتح الباب واذا فتح لك الباب قالك خير انشاء الله وش الإزعاج
ههههههههههههههههههههههههههههههههههههههههاي

بصراحة والله ماتنلام قرف لأقصى حد!!

بس كل انسان وتربيته اللي تربى عليها

ومايمنع انك تنبهم لتصرفاتهم أولاً بالتلميح واذا مانفع خلها صريحة بس بضحك