بعد ما هبلوني الملحقية .. افكر انقل لـ هولندا .. تعالوا اقروا قصتي

والله ياخوي نصيحتي لك خلك بامريكا احسن خلص فيها البكاوريوس وبعدها ماستر لهولندا
الله يوفقك

اجل صدمة حضارية معى نفسك

ماخاب من استخأر واستشأر ,

الشعير كم وصل يربع؟؟؟؟

الطب يبغى لغة، وأنت قايل في موضوعك السابق أن أعلى درجة جبتها كانت 4.5 وباقي لك شهرين على انتهاء فترة اللغة.
ما ودي أحطمك لكن ودي ألفت انتباهك أن الطموح يحتاج شدة حيل، ما يكفي أننا نتمنى على الله الأماني وبس.

اللي أقدر أقوله لك: أسأل الله أن يختار لك الخير حيث كان.

تحياتي،،،

اول شي استخيرررر
الاستخاره مهمه ولازم تستخير اكثر من مرره

ولو انا مكانك ادعس على نفسي واكمل بأمريكا كل الي بديته واخلص

ولو فكرت اسحب على امريكا اكيد مارح افكر بهولندا ، اقل شي اروح بريطانيا ماتقل عن امريكا بشي

وفي الاخير القرار لك ولا تنسى تستخير

عزيزي الأخ الكريم .. اول شي احترم القارئ ليحترمك .. هاذا الاسلوب ما ينفع .
أنا ما رديت عليك عشان كلامك ذا ، بس برد لأن المساعدة تجري في دمي وتغذيني .

بالنسبة للدراسة في هولندا لا انصح بها ، اول شي هم لهم لغة خاصة بهم وغير منتشرة في دول اخرى عدا الجزء الشمالي من بلجيكا ومناطق بسيطه من المانيا ، يعني ما بتستفيد كثر من اللغة الهولندية . تأكد انك اذا رحت هولندا بيجي يوم تندم فيه انك تركت امريكا ، واذا قعدت في امريكا بتندم انك ما رحت هولندا ، هاذي من طبيعة البشر . لكن الشهادة الامريكية اقوى واللغة الانجليزية مطلوبة وأنت موجود بها الآن فليش تتعب نفسك بالنقل !؟

بالنسبة للتخصص .. طريقة الدكتور طارق السويدان
1- اكتب جميع التخصصات الي تفكر فيها على ورقة
2- ضع درجة من عشرة بجانب كل تخصص على حسب (1- رغبتك وحبك له 2- قدرتك وموهبتك به 3- فرصة قبولك بالجامعة وحصولك على وضيفة)
مثال : هندسة كهربائية 6 - 9 - 10 / طب بشري 10 - 7 - 10
3- اجمع الارقام ..
التخصص صاحب اكبر عدد هو الافضل لك ، اذا تساوت اختر صاحب اكبر فرصة للوضيفة ، اذا كمان تساوت اختر اعلاها قدرة وموهيه .. وهكذا من اليسار لليمين .
طيب اذا طلع لك تخصص قدرتك فيه عاليه وفرصتك به كبيرة بس ما تحبه وش تسوي ؟ الجواب اقرأ عنه كتب ومقالات وعن ابرز الشخصيات التي برزت به ... ألخ ، راح تحبه ان شاء الله .

اما بالنسبة لفكرة الزواج والجنسية ومدري ايش ! صدقني هاذي مجرد فكرة فكر بها نص السعوديين ولما كبروا عرفوا انها فكرة متهورة وصبيانية ، والاسباب كثيرة جدا ما بتعب نفسي في كتابتها ، لأني متأكد انك بتغير رأيك .

الله يكتبلك الي فيه الخير لك ولدينك وبلدك ويهديك للطريق السليم .

صحيح كلام عبدالرحمن


عمي تهور وأخذ أمريكيه وعنده ولد منها الحين ومعه جنسيه أمريكيه ومتبهذل للنخاع

والله يقول سيارتي خربت ذاك اليوم ووداها ورشه يصلحونها واكتشفو فيها جهاز تجسس حاطينه الاستخبارات الأمريكيه بسيارته
له عمر هناك حوالي 11 سنه او اكثر

مايثقووووون فينا ابد لو تتزوج ويصير لك احفاد مايثقووووون

ويقول كل فتره يجي شرطي بيتي يشيك على البيت يفتش
واتحداك تقول لا

مستعبد هناك مقيده كل تحركاته وندمان قد شعر راسه


مدري ليه حبيت انقل لك تجربته بس يمكن تتعظ

ماابغى ارد عليك بجواب ولكن ردي عشانك حلفتني وهذي ماهي بطريقه شخص مثقف

الله يعينك وييسر لك امرك