توهقت في شراء تذكرة ذهاب و عوده
السلام عليكم
اخواني و اخواتي الاعزاء ،،،،،،،،،
عند وصولي للولايات المتحدة الامريكية وبعد شهرين من وصولي هنا قررت ان اشتري التذاكر ذهاب وعودة ، وتعرفون لما اشتريها بوقت قبل الصيف تكون ارخص وبالفعل اشتريت التذاكر و لكنني تفاجأت بعد شهرين من شراء التذاكر انني استحق تذكرة؟؟؟؟؟؟؟
ماذ افعل ؟؟؟؟ علما انني اتصلت على موظف في الملحقية قالي ما نعوضك تبي التذكرة حجزنالك ولا تروح عليك
هل اصدر تذكره و اطلب استرجاع قيمتها من مكتب الطيار ام ماذ افيدوني جزاكم الله كل خير
رد: توهقت في شراء تذكرة ذهاب و عوده
اطلب تذكرة من الطيار
وبعد ما تصدر التذكرة حولها ل تذكرة مفتوحة
رد: توهقت في شراء تذكرة ذهاب و عوده
اقتباس:
المشاركة الأصلية كتبت بواسطة طالب في كلورادو
اطلب تذكرة من الطيار
وبعد ما تصدر التذكرة حولها ل تذكرة مفتوحة
اوكي طيب اقوله تذكرة مفتوحة من دون تحديد تاريخ الرحلة ؟؟
رد: توهقت في شراء تذكرة ذهاب و عوده
عادي اخوي خلاص حجزت الحمدالله تمام مافي مشاكل .. واحجز حقت الملحقية الكرسمس الجاي ! اذا رجعت الصيف مع الملحقية مالك احقية بالكرسمس .. والتذاكر الدوليه ذهاب عودة عادتا تكون غير قابلة للاسترجاع او التغييير ..
ما تستفيد اذا خليت الملحقية تدفع حق الصيف عشان يلغون حجزك ! مضيعه وقت وفلوس
روح رحلتك هذي على حسابك وفي الكرسمس باذن الله احجز تذكره من الملحقية
رد: توهقت في شراء تذكرة ذهاب و عوده
حجزك ممكن تلغية وراح يرجعون لك المبلغ بس راح ياخذون عليك ضريبه ممكن 200 ريال او أكثر حسب قيمة التذكرة
رد: توهقت في شراء تذكرة ذهاب و عوده
اقتباس:
المشاركة الأصلية كتبت بواسطة Miss.B
حجزك ممكن تلغية وراح يرجعون لك المبلغ بس راح ياخذون عليك ضريبه ممكن 200 ريال او أكثر حسب قيمة التذكرة
مين الي ياخذ ضريبة تقصدين حجز القديم
رد: توهقت في شراء تذكرة ذهاب و عوده
قدم طلب الملحقيه على الوقت الي تبغاه في الصيف الي هو انت قاص فيه التذاكر بفلوسك .
اذا كلمت الطيار اطلب منه وقت اشرح له مشكلتك و قله ابغى التذاكر مثلا على الصيف الجاي او على الكريسماس او اي وقت ثاني تستفيد منه .
لو أجلت التذاكر حقت الملحقيه لوقت الكريسماس بيكون وقت استحقاقك للتذاكر الي بعدها بعد 9 شهور من الكريسماس , لكن لو طلبتها زي ما قلت لك تحسب لك 9 شهور من وقت الصيف هذا وتصير كسبت حوالي 7 شهور من الوقت .
رد: توهقت في شراء تذكرة ذهاب و عوده
اقتباس:
المشاركة الأصلية كتبت بواسطة عبدالرحمن دحيم
قدم طلب الملحقيه على الوقت الي تبغاه في الصيف الي هو انت قاص فيه التذاكر بفلوسك .
اذا كلمت الطيار اطلب منه وقت اشرح له مشكلتك و قله ابغى التذاكر مثلا على الصيف الجاي او على الكريسماس او اي وقت ثاني تستفيد منه .
لو أجلت التذاكر حقت الملحقيه لوقت الكريسماس بيكون وقت استحقاقك للتذاكر الي بعدها بعد 9 شهور من الكريسماس , لكن لو طلبتها زي ما قلت لك تحسب لك 9 شهور من وقت الصيف هذا وتصير كسبت حوالي 7 شهور من الوقت .
شكرا ياخي بكلم الطيار و الله يسهل
رد: توهقت في شراء تذكرة ذهاب و عوده
انا اشوف المشكلة بسيطة
حول تدكرتك الى الكرسمس واطلب تكت من الملحقية بالصيف هدا
عشان لوتحسبها وتطلب تكت من الملحقية بالكرسمس يصير صف 2013 ان طول الله باعمارنا مالك احقية
رد: توهقت في شراء تذكرة ذهاب و عوده
يا ليت تعلمنا وش صار معك عشان الكل يستفيد