لدي تـأمين اثنز من الملحقيه وفـواتير المستشفى تأتيني وصل مجموعها اكثر من 650 دولار !!
السلام عليكم
ياخوان عندي تأمين صحي من الملحقيه وراجعت مستشفى قسم طوارىء في مدينتي يمكن 4 مرات خلال شهرين الماضيه
المستشفى معروف كل شباب بالمدينه يعرفونه ويقبل التأمين بسس مدري اشوفه الأيام الي راحت صار يرسلي اكثر من مره فواتير ويطالبني بتسديدها وحاط معاها ظرف يقول ارفق المبلغ المبالغ الي بالفواتير فوق 650 اربع فواتير!!!
ياشباب لي اكثر من شهرين مطنش هل بيصير علي مشكله قانونيه اذا ماسددت الفلوس والسؤال الأهم ليش يرسلون لي الفواتير ليش مايطالبون التأمين !!!
ارجووا الرد من اصحاب الخبره وشكراً
رد: لدي تـأمين اثنز من الملحقيه وفـواتير المستشفى تأتيني وصل مجموعها اكثر من 650 دولا
اخي الكريم
المفروض تكلم المستشفى والتامين ! مو بس تسال هنا وتعتمد على ناس مالهم احقيه بانهم يقولون وش صار لان ولا احد يعرف المستشفى ولا الطريقة ! هذا اول شي !
ثاني شي : الطواري اخي الكريم عليها فلوس قيمتها المفروض 50 دولار واضربها ب 4 يعني 200$ عليك لان مكتوب بالبطاقة تدفع خمسين في حالة دخولك للطوارئ وحالتك (ما تستدعي الطوارئ)
ثالث شي : واحد من اصحابي صار له كذا ورحنا للمستشفى وكلمناهم وقالوا لنا بالغلط ارسلناها لكم وخلاص هي اندفعت بس ارسلوها مرة وحدة مو متابعين على شهرين
نصيحتي لك كلم المستشفى وشوف وش يبغون وكلم التامين وشوف ايش اللي صاير
رد: لدي تـأمين اثنز من الملحقيه وفـواتير المستشفى تأتيني وصل مجموعها اكثر من 650 دولا
مشكور اخوي بس ممكن اعرف وين اروح مافيه الا الطوارىء فاتح !!
الآن عرفت السبب الفواتير الله يجزاك خير
المره الأخيره يوم كنت في المستشفى جتني الموظفه والظاهر تقول حالتك مو طارئه وانا المشكله حالتي طارئه وماقدر اتحرك من التعب وعطتني ظرف وقالت ارسل 50 دولار !!!
رد: لدي تـأمين اثنز من الملحقيه وفـواتير المستشفى تأتيني وصل مجموعها اكثر من 650 دولا
أنا دائماً يرسلون لي فواتير بعد كل زياره تقريبا
بس مكتوب فيها بحاله ان تأمينك مادفع فأنتي المسؤله
اقراه كامل وتأكد
رد: لدي تـأمين اثنز من الملحقيه وفـواتير المستشفى تأتيني وصل مجموعها اكثر من 650 دولا
الحالة الطارئة بامريكا اخوي انك تكون خطيرة جدا يعني اذا ما تم اسعافك بعد فترة ممكن يصير مصيبة ... عكس السعودية ممكن تروح المستشفى عشان بطنك يعورك والوقت متاخر او يعني من الحالات هذي
افضل حل اخوي انك تكلم مستشفى حولك وتحجز معاهم مواعيد ومراجعات وبالطريقة هذي ان شاء الله يكونون عارفين وش يجيك بين فترة وفترة ويعطونك ادويه او حاجات معينة لعل ولعسى تفيدك
ما تشوف شر اخوي
وزي ما قلت لك كلم المستشفى وشوف لان انت لو حالتك ما كانت خطيرة فمطلوب منك 200 وال450 على التامين الا في حالة التامين مو متعاون مع المستشفى فيمكن يدفع 80% والباقي عليك