عرض للطباعة
السلام عليكم ورحمه الله وبركاته
كيفكم يامبتعثين ان شاء الله بخير
ابي ارايكم
انا بنت ادرس في بوستن
وابي ادخل هندسة.. بس المشكله كل مااقول لاحد هندسة يقولي فكري في موضوع التوظيف
ماعندنا مهندسات سعوديات وكيف رااح تشتغلي بعد ماتخلصي دراستك
وبصراحه مررره حيروني في امري ...فأبي منكم رايكم
والي بنات متخصصين هندسه ايش رايهم وهندسة ايش بالضبط ؟؟
والي يعرف مهندسات سعوديات يقولي ويقولي فيين هما ووين يشتغلوو
ساعدوني الله يسعدكم
مييين قالك كذا
هذا غلطان ميه %
عندك شركات قويه مثل ارامكو
وتوكلي على ربك
انا مقدم هندسه وقبلوني امريكا
مع تحياتي
فية بارامكوووووووو وضايف كثيرة بنات
وسابك اعتقد
شد حيلك
وبطريقك التوفيق ان شاء الله
حسب أي تخصص في الهندسة تبغين
وزارة العمل أصدرت قرار قبل حوالي سنة أو سنة ونصف، بموجبه تقدر المكاتب الهندسية توظف البنات بدون تصريح، لأنه في السابق كان لازم اللي يبغى يوظف بنات يكون عنده تصريح من مكتب العمل. أنا شخصيا اشتغلت في مكتب لفترة بسيطة وكان فيه بنتين ، وحدة معمارية والثانية تصميم داخلي، واحد من الزملاء تشتغل معاه وحدة مهندسة مدنية بس انها اردنية مو سعودية وعندها خبرة من الاردن، وفي مكاتب هندسة كثيرة توظف بنات مثل زهير فايز بكل فروعه (خبر-جدة-رياض) ومكتب الرائد ومكاتب هندسية أخرى، بالنسبة لسابك ما فيها بنات أبد، بالنسبة لأرامكو أنا أعرف ان فيه بنات في مجالات تقنية المعلومات (منها هندسة حاسب) والامور الادارية (مالية-شؤون موظفين-الخ) والصحة والسكرتارية، بس بصراحة ما ادري اذا فيه مهندسات (ميكانيكية وكهربائية وصناعية الخ).
انا اتوقع انك كبنت لازم تفكرين في موضوع مهم وهو دوام هذي المكاتب، اغلبها يداوم 48 ساعة في الاسبوع من غير الاوفرتايم، يعني دوامك يوميا من السبت الى الاربعاء من 7 صباحا الى 6 مساءا !! واذا فيه خميس يكون الدوام اقصر شوي، وعند الضرورة لازم تجلسين اوفر تايم (وهذا يحصل باستمرار في المكاتب).
اذا انتي متزوجه يبي لك تشوفين الوضع مع زوجك، واذا لا استشيري ابوك او اخوك وفكري بنفسك اذا كان يناسبك هذا العمل ولا لا؟ لانه اذا بتدخلين مجال المكاتب او شركات المقاولات (اللي دوامها اخس واصعب) فغالبا راح تشتغلين في هذي الظروف.
انا اعمل حاليا في شركة هندسية (يعني تقدرين تقولين مكتب بس كبير وعالمي) وما اشوف الشمس الا نص الخميس ويوم الجمعة!! وبصراحة العمل بهذا الشكل مزعج.
اذا الموضوع هذا ما يهمك (اقصد طول الدوام) فتوكلي على الله وادرسي اللي تبين وما عليك من احد ابد، لو قالوا وش ما قالوا، سوي اللي تبينه وبس.
اتمنى لكم كلكم التوفيق