دراستي 9 \ 4 \2012 وعندي مشكله ..!!

الســلآم عليكم ورحمة الله وبركاته

انا سويت المقابله قبل اسبوع بالسفاره الامريكيه بالرياض
وكان عندي خطاء وهو زيادة حرف باسم الوالد بالاي توني
وقالي الي سوا المقابله خلاص ما يحتاج تغيره ويومين او ثلاث وتجيك الفيزا
وراسلتهم وردو لي اليوم وقالو عندك خطاء بالاي توني ولازم اي توني جديد
وتعدل فيه الخطاء الي موجود بالاسم يعني وهقني الموظف

وكلمت مدير الانترناشونال بالمعهد الي انا فيه وقال ابحاول ارسلك قبول اليوم مع اني اليوم الاحد ومافي دوام
وقالي برسلك نسخه بالايميل عشان ترسله بالسفاره
المشكله ان دراستي تبدا بـ 9 ابريل يعني بعد اسبوع واذا ماجيت قبل التاريخ ما اقدر ادخل
الحين استفساري
اذا ارسلت لهم الاي توني الجديد هل الفيزا تتاخر ولا على طول تطلع


ياليت الي مر بتجربه مثلي او عنده معلومه يقولي


شكرا لكم ..

ما أحد يقدر يقول لك هل ستتأخر الفيزا او لا لأن هذا في علم الغيب والسفارة ماعندها ستنادرد معين ماشية عليه. ففي ناس في وضعك اصدروا لهم الفيزا مباشرتاً بعد استلام النواقص وناس اخذت أشهر.

المهم بعد مايرسل لك الايتوني الجديد ارسله الى السفارة. وبعدين واطلب من ادارة المعهد انهم يرسلون لك خطاب على الأيميل ان ماعندهم مانع انك تتأخر اسبوع مثلاً وبكذا لو تأخرت فيزتك كم يوم ماراح تواجه مشاكل.

بالتوفيق

الي ودي اعرفه يعني هل الاجراءات انتهت وما بقى الا الاي توني ويطبعون الفيزا ولا كيف

اقتباس:

---

المشاركة الأصلية كتبت بواسطة Rs Rs

الي ودي اعرفه يعني هل الاجراءات انتهت وما بقى الا الاي توني ويطبعون الفيزا ولا كيف

---

مأحد يقدر يجاوبك الا السفارة. لكن نقول ان شاء الله ان الأجراءات انتهت.

الله يفرجها عليك اخي

الله يجزاكم خير

والله يفرجها علي وييسر اموري واموركم

وشكرا لكم ..

عزيزي اول ما يرسلك المعهد الايتونتي , ترسلها على ايميل السفاره و ايضا ارسلها بفيديكس اسرع شيء ممكن .

اول ما ترسل الايميل حاول الاتصال بالسفاره و بلغهم ان هذا وضعك و ان شاء الله يردون لك بسرعه و يطلعون فيزتك بسرعه .

اهم شي تذكر ان الحاجه لك يعني انت الي تلح على معهدك و السفاره و تتصل وتستفسر متى و وش صار .