ملتقى الخبر (أهل الشرقية وما جاورها) دعوة للتعارف..

شلون بس قبول لغه!! ابي اروح ومعي قبول للماستر واللغة مو اجلس كل شوي اطامر هنا وهناك

ننتظر الرد من ملتقى الرياض

انا نفس اليوم و نفس الوقت

lost لاتنسين ياقلبي العلامة ستار بكس علشان لازم اعرفك

اقول ياشباب انا ابي روميت معي .. ان شالله بيكون معاي واحد مو وحده اكيد
المهم الرجال اللي ابيه ،، يفت بالوت مو اي كلام لان كثير يجيك يقول انا اعرف العب في الاخير يطلع مافي راسه .. دكتور بالوت ولا لايقول اعرف العب ، شي ثاني يكون حريص على دراسته لان ما ابغا كل شوي يقولي قوم نطلع لان قلبي رهيف .. ما اتحمل ، وغير كذا يكون دفيع انا ودي بشقة فايف ستار .. كل ما يتمناه المرء يدركه ، ولا يكون راعي مشاكل موناقصين الامريكان حنا ، وباقي افكر واكمل بعدين تعبت بروح العب p s 3 باي..

اقول يالنصراوي شف غيري.. عندي حساسية من اللون الاصفر..

أخوي لوست هلا وغلا

ترى أكره ما عندي ستار بكس ما ادري على ايش يحبونه الناس لا كوفي زي الناس وغاااااااالي مثل الضو على أي حال أنا بكون قبل بساعه من الموعد في اللوبي حق الفندق .

و حسب ما سمعت من شباب الرياض أن قبولات ماستر أمريكا صعبه وبيكتفون بقبولات اللغه الي يقدر يراسل معاهد لغه ويجيب قبول منها ومن الجامعات يحصل على قبول مشروط يكون أفضل.

الحاجه الثانيه الي سمعتها بس كانت تخص طلاب استراليا وما أدري عن طلاب أمريكا أنه إذا أنت رافض القبول الي من الوزاره يمهلونك 3 أشهر عشان تحصل على قبول وفي حال عدم توفير القبول خلال المده المحدده يتم ترشيح مبتعث على قائمة الانتظار بدلا منك .

تحياتي .

ماستر هندسة (أمريكا)

Starbucks Sucks! let's meet at Dunkin' Donuts

ماستر تسويق - أمريكا

شباب بلا ستاربكس بلا هم

الوعد مقهى مونودو خلف مجمع التركي - كورنيش الخبر
عنده عصير جمايكا ما يحتاج برد على قلبك أكثر ماهو برد

علامة البنات ستاربكس
والاولاد تشاوروا مابينكم
يالله في امان الله
بنات اذا بتغيروا اعلنوا بدري