في جامعة بأمريكا تدرس طب بشري بكالوريوس بعد الثانوية على طول ؟

والله يااخوي انا نفسك ابي ادرس تخصص مره قوي ومتخرجة ثانوي وعندي لغة ودي اعرف هل التخصصات مثلنا بالسعوديه تفرق لو كان في ادبي وعلمي


ياليت يفيدونا الخبراء شكرا عالموضوع الحلو

لايمكن دخول الطب في امريكا او كندا الا بعد الحصول على بكالوريس في تخصص ذات علاقة او انهاء برنامج ال pre-med


التخصصات البديلة هي تخصصات العلوم الطبية (الصيدلة, المختبرات, الأشعة, العلاج الطبيعي الخ) والقبول فيها تنافسي.

انزين اخوي سلطان هلحين العلوم الطبيعيه والصيدليه والمختبرات والاشعه مايحتاجوا شهادة عقب الثانوي يعني ادخلهم دايركت وبعدين هل تفرق علمي وادبي هذا اهم شي

لابد ان تكون خريج ثانوية علوم طبيعية. وهاذي التخصصات في اغلب الجامعات في أمريكا تطلب من الطالب دراسة مواد تحضيرية لمدة سنتين (رياضيات, كيمياء, فيزياء, احياء, علم نفس, ادب انجليزي الخ) وقبل فترة بسيطة من انهاء المواد التحضيرية يتقدم الطالب للحصول على القبول النهائي في التخصص والدخول في البرنامج وهنا تجري الجامعات المفاضلة بين المتقدمين. المفاضلة في اغلب الجامعات تحسب بهذه الطريقة:
25% على المعدل العام في المواد التحضيرية
25% على المعدل في المواد العلمية
25% مقابلة شخصية
25% جودة خطاب الغرض من الدراسة/طلب الألتحاق في البرنامج

طبعاً يختلف من جامعة الى اخرى ولكن القبول النهائي في البرنامج الطبية في اغلب الجامعات تنافسي وبالطريقة اعلاه. اما القبول المبدئي سهل, لدراسة المواد التحضيرية.

بالتوفيق

^^^^^^
السؤال يا أخ سلطان هو
سنتين تحضيرية + 4 سنوات تخصص صحي + سنة اللغة = 7 سنوات
ومدة البعثة لطلاب البكالوريوس 5 سنوات هل الملحقية تقوم بالتمديد لسبع سنوات ؟ ولا يدرسون السنتين الاخيرة من حسابهم وهذا شي مستحيل ؟
وفرضاً بعد مايخلص او تخلص الـ 7 سنوات حاب يقدم على الطب البشري والطب البشري دراسته 6 سنوات + 7 = 13 سنة
هل الملحقية تقوم بتمديد البعثة من 5 سنوات إلى 13 سنة ؟؟

سنتين تحضيرية وسنتين التخصص = 4 سنوات

طيب اخوي سلطان وش التخصصات المناسبه لخريجي الادبي واللي يبوا يلتحقوا بالجامعات

الكلام الي اذكره من كلام الحربي وقت الملتقى ادا مو غلطانة <<<<<تحتها خطين مو بعدين اشوف موضوع من الموضوعات ينقال فلانه جاية تقول كلام من عندها وووو
قال
مافي شي اسمه طب في امريكا او كندا
تبي تدرس طب
اطلع امريكا وقرار الابتعاث ينكتب علوم طبية او صيدله اووو
ادخل تخصص يكون انت مقتنع فيه لو ماحصلت الطب تكون متخصص شي انت تحبه
اذا درست
4 سنين تدرس التخصص وبعدين تدخل اختبارات ناسية اسمها
ان نجحت كان بها تغيير قرار الابتعاث التخصص الى الطب
اما ان مانجحت تخلص الامتياز ععلى التخصص الي اخترته

____________________________
الشي الثاني
على سالفة التخصص
وين احسن وين الي راتبه قوي وووو
هذا كله يعتمد عليك انت
اقرأ عن التخصصات
انت اذا مادخلت الطب
وين حاب تكون في شي طبي لو ادراي لو هندسي لو وو
ان حبيت الطبي في تخصصات كثيرة قوية
اقرأ عن صيدله ( تخصص الصيدله في نظام جديد في امريكا تصير دكتور صيدله )- طب الطوارئ - العلاج القلبي - العلاج التنفسي - بصريات - مختبرات - اشعة - علاج طبيعي - اسنان - هندسة طبية وفي تخصصات كثير <<<<<<< طبعا اذا درست البكالوريوس بتصير عام وبعدين الماستر في بعض التخصصات تقدر تتخصص في شي معين
حاب تتخصص هندسة
اقرأ عن هندسة بترول<<<< هذا الوحيد الي قرأت عنه وعلى العموم تخصصات الهندسة مرة قويين
ونفس الشي عن باقي الاقسام
------------------------------
لو بتدرس تخصص طبي على حسب نظام الجامعة
بعض الجامعات سنة وحدة تحضيرية و 3 تخصص
وبعضهم سنتين تحضيرية وسنتين تخصص
وبعضهم 3 سنين تحضيرية و سنة تخصص
هذا كله يعتمد على الجامعة نفسها