انا محتاج مساعدتكم والله اني بحاله لا يرثى لها
السلام عليكم ورحمة :
انا اعاني من شئ واتوقع في كثير منا يعانونونه وانا ما احب اقران في احد لانه كل واحد ومشكلته .
انا مشكلتي وهي انا لي 8 شهور في امريكا لكن إلى الان احس اني ما سويت ولا شئ حقيقة انا اتكلم معاكم انا احس لغتي راكه ومغروة في مستوى معين ولاهي جالسه تطلع ايه والله
بتقولون لي ادرس والله العظيم انه ادرس واذاكر بالبيت بتقولون اقرى الحمدلله اقرى وهم اتابع افلام لكن المشكلة الحين انا اذاكر واحفظ الكلمة ابي اتذكرها بعد يومين او اسبوع انساها طيب بتقولون استخدمها والله احس اني عايش في السعودية المعهد كله سعوديين هنا الامريكان استغفر الله كنهم مجانين ماحد دامت معاه صدافتي فيه 3 ايام ابي حل ادري انه ماحد راح يجيب له حل إلا نفسي لكن ومنكم نستفيد شكراً
رد: انا محتاج مساعدتكم والله اني بحاله لا يرثى لها
الله يعينك اخي
ليه طيب ماغيرت المعهد ممكن لو غيرته تستفيد
والله يوفقك
رد: انا محتاج مساعدتكم والله اني بحاله لا يرثى لها
اقتباس:
المشاركة الأصلية كتبت بواسطة اغتراب روح
الله يعينك اخي
ليه طيب ماغيرت المعهد ممكن لو غيرته تستفيد
والله يوفقك
المعهد الي انا فيه بطل مرة مرة مرة
رد: انا محتاج مساعدتكم والله اني بحاله لا يرثى لها
الإشكالية في نظرتك وطريقة تفكيرك تجاه تعلم اللغة.
تأمل الطفل الصغير كيف يتعلم اللغة. في البداية يتقن الاستماع ثم يبدأ التطبيق وقد يقع في الخطأ عشرات المرات حتى تستقيم معه اللغة.
لا تركز على مهارات التحدث فقط ، هناك مهارات أهم منها ومطلوبة بشكل كبير في الحياة الأكاديمية. مهارات الاستماع والقراءة والكتابة أهم من التحدث -رغم أهمية التحدث أيضاً-.
تعلم اللغة يحتاج إلى وقت وصبر ومثابرة ، فاستعن بالله ولا تعجز ، وتأكد بأن الآخرين هم أقدر على تقييم تحسن مستواك اللغوي.
ربنا يوفقك
رد: انا محتاج مساعدتكم والله اني بحاله لا يرثى لها
اقتباس:
هنا الامريكان استغفر الله كنهم مجانين ماحد دامت معاه صدافتي فيه 3 ايام
اتمنى ياخوي توضح هاذي النقطه لو سمحت ..
انا عن نفسي ما ادري بس اقترح عليك تسكن مع امريكان .. مجرد فكرة
رد: انا محتاج مساعدتكم والله اني بحاله لا يرثى لها
اقتباس:
المشاركة الأصلية كتبت بواسطة Mr3bdulrra7man
اتمنى ياخوي توضح هاذي النقطه لو سمحت ..
انا عن نفسي ما ادري بس اقترح عليك تسكن مع امريكان .. مجرد فكرة
بالعربي انا مايعجبني جوهم حركات النص كم ( مايحتاج اوضح اكثر ) انا جاي هنا لشئ نبيل وابي اكلمه والله انا حاولت اسكن مع امريكان وخوي ساكن مع امريكان لكن ياسبحانه من يجي الويكند كنهم مجانين بارتيات وخرابيط وانا مايعجبني كذا وحاولت ادور سكن عوايل في المدينة حقتي لكن للاسف انه مافيه .
رد: انا محتاج مساعدتكم والله اني بحاله لا يرثى لها
نصيحتي لك اخوي تغير المعهد حتى لو كان قوي لو البيئه نفسها اللي رحت منها عشان تحسن لغتك وتطورها وتاخذ منها شهادة نفسها نفسها كذا منت مستفيد ولاشي وبتظل كذا عالاقل غير الولاية واذا صعبه عليك مجرد غير المعهد وخوياك الله يهديهم حنا كلنا جايين لنفس الهدف دراستنا وشهادتنا اللي نرفع فيها راس اهالينا ولاشرايكم؟؟
حركات البارتيات والشغلات ذي شافينها ولازم نتجاهلها وتوكل على ربك حاول تقعد وقت فراغك تشوف الافلام واليويتيوبات اللي تستفيد منها الانجلش مره او شف لك عيلة مكونه من شخصين 3 وماعليك انت بغرفتك مذاكرتك وبس تختلط معهم وقت بسيط ومع الوقت بيفرق معك كل شي ....اللله يوفقك ويوفقنا جميع
اهم شي ملازمة الدعاء ان الله يحفظنا بالغربه
رد: انا محتاج مساعدتكم والله اني بحاله لا يرثى لها
معهد لغه هل تتوقع تقابل امريكان يدرسون معك ادخل الايتلس وبتتفاجأ زيي وربي كنت قايل لنفسي لغتي مااش وهيك ومافي امل وتجي النتيجه 5 ونص
ترا المعاهد الليفلات الاخيره مو لنا طلاب البكلوريس انا قبالت امريكيه سنه 3 بالجامعه وتدرس لغه انجليزيه تقولي توهم ياخذون الفويتشر برفكت وحنا انترميديت 3 وجبناه قبلها
انت بتخصص هندسه او اداراه اعمال او مجال طبي ترا مايبيلها لغه مرررره ا
رد: انا محتاج مساعدتكم والله اني بحاله لا يرثى لها
شوف حبيبي ،،
شيء اسمه لغه ولغتي ركيكه ماتنفعك ،،
دامك في مرحلة اللغه خل تفكيرك شيء واحد فقط ،، أما أنك تعدي اللفلات وتنجح وتخش الجامعه او تجيب ايلتس او توفل وتخش الجامعه لا يهمك لغتك قويه ولا خرابيط ،،
إذا خشيت الجامعه راح تختلط مع الامريكان بشكل كبير جداً وراح تتفعل اللغه عندك بشكل كبير ، بعدين تعال ،، مو لازم تخاوي امريكان ،، دور لك أي واحد يتكلم انقلش ،، انا كنت اسولف مع افغان مسلمين ، جوي نفس جوهم وحتى الكلتشر سيم سيم :)
رد: انا محتاج مساعدتكم والله اني بحاله لا يرثى لها
صل صلاتك وداوم بالاذكار وافعل الاسباب وخل الباقي على الله