كيفكم مع رمضان

ومن قال لك بان الصائم لايستوعب شئ
با العكس اعرف كثير يصومون في غير رمضان والحال ماشي
والله انا اشوف لو تكوني في السعوديه في شهر رمضان يكون افضل
مو علشان الصيام ولكن رمضان في بلاد الغرب ليس له طعم ولا لون ولا رائحه
با التوفيق لك

والله شوي صصعب ... والشمس تغيب متأخر ... افضل العوده ل السعوديه وقت رمضأن ...

يمر اليوم ما دريت عنه ولا حسيت بجوع ولا عطش ولا تعب خصوصا الي معه سياره .

و الاستيعاب مرات افضل من المفطر .

صمت تقريبا نصف رمضان العام الماضي في امريكا ..
الحمدلله الامور كانت طيبة مع ان كلاساتي تبدأ الصبح بدري
النية بصيام الشهر و دعاء الله بالعون وتتسهل ان شاء الله
اهم شي النوم الكافي في الليل وفي النهار يتقطع اليوم بين دوام و قيلولة قصيرة لان النهار طويل

والله الصيام في الغربة له لذة بالطاعة و احتساب الاجر في مجتمع حولك يشرب و ياكل و يسكر


لو فيه امكانية اجازة اكيد الصيام في السعودية احلى

يعطيك العافية صاحبة الموضوع

سوال / كيف يكون جدولك في رمضان ايش تسوي ؟؟

صحيح فييه صعوبة في أول الأيام .. وأيضاً وقت الصيام طويل.. ولكن لله الحمد من ثالث يوم تحسي عادي الوضع وبالعكس نشيطة
بعض الأحيان تحسين بالتعب على العصر .. فأنصحك خلي دوامك صباحي.. علشان توصلين البيت على الظهر تصلي تنامي وثم العصر تصنعين في بيتك جو رمضان
يعني قرأة قرآن .. تسوين الفطور .. بعد المغرب أبدأي بحل واجباتك والمذاكرة.. بعد صلاة العشاء نامي زين لحد قبل صلاة الفجر بساعتين تسحري ...ألخ
أنصحك بالكثر من شرب السوائل خلال ساعات الإفطار وكذلك تأخير السحور ..
وخلي السحور يحتوي على الألياف زي السلطات و الفواكه و التمر وقللي من الموالح و الأشياء اللي فيها صوديوم كثير زي المعلبات و الصودا والمخللات
أخيراً عزيزتي .. {لا أنصحك بأخذ الجيمات لأنه يبغى له جهد مضاعف عن معهد اللغة الإنجليزية..
هذه تجربتي حبيت أفيدك بها..
الله يوفقكـ ويسهل أمركـ..

ما شاء الله، حسيت رمضان بعد يومين! ههههه

أنا جربت رمضان في مانشستر-بريطانيا أول خمسة أيام وقطعت دراستي وسافرت السعودية، رغم أن مانشستر ما شاء الله فيها كل شيء عربي وإسلامي، والوجبات السعودية والحياة الاجتماعية السعودية خصوصاً مع كثرة الطلاب السعوديين هناك.

السنة الثانية ما قدرت أروح إجازة وقضيت الشهر كله هناك، بس الحمد لله ما كان فيه ضعط دراسي والجو يساعد كثير على الصيام.

هذي تجربتي والله يبلغنا شهره الكريم،،،
تحياتي،،،

رمضان طفش طفش في امريكا
انا جلست رمضان العام وقبل العام وحلفت ان رمضان القادم لاصومة في السعودية لو ابيع سيارتي واشتري تذاكر
لما تفطرين في رمضان وتصحصحين ولين الساعة 12 من الليل وكل امريكا نايمة ملل حيل
جربي رمضان هنا حتى تتوبين
الدراسة سهلى في رمضان
لكن اجواء رمضان ماراح تحسين فيها

راح يضيق خلقك في رمضان ورحك تنحشر في الحنجرة بس
لااااااااااااااا تجربين رمضان هنا نصيحة

تقدر عادي وما بتحس بالتعب واجد ( على حسب انت هل تتعب مع رمضان بالسعودية ولا لا )
انا والشباب كان دوامنا من 9 الين 5 كل يوم وكان كرف الليل كله ومع ذلك الحمدالله سهالات كانت وكنت اروح مصحصح واشارك وعادي ( في تعب بس لا يذكر مرة ) خل تركيزك بدراستك وباذن الله سهالات
اما اصحابي قالوا مرة كان صعب وحلفوا ما يسوونها ثاني الا اذا مجبورين مع العلم انهم يدخنون فيمكن هذا اللي تعبهم
وايضا ترا على حسب المدينة .. انا بمدينة صيفها ممطر