تقرير => معانه مع الغربه بشكل آخر !! (( عرفت الناس عرفت الأصدقاء عرفت الحياه )) تفـظل

^
^

وانا اكرهها أكثر واكثر
الطيبه منهج الناس اللي تربوا على الطيب . بس الطيبه اللي يجي من وراها عناء الله لا يجيبها
الناس هالايام صارت تخووف , واللي يمشي بينهم حذر وفطين ومثل الذيب هو اللي يعيش مرتاح
في امريكا تعلمت كيف أقول للشخص لأ بدون أستحي منه ( خصوصا السعودي ) طبعا في حالة اني لازم اقول لأ
تعلمت كيف أتعامل مع الناس بالمعامله بالمثل : )
جزاك الله ألف خير ع النصايح اخووي
والله يكتب لك كل أمر فيه خير على نيتك الطيبه
تحياتي لك

شكراً لكم جميعاً وماكنت متوقع كل هالردود والإعجبات جزاكم الله خير

هذه هي حقيقة الدنيا....... ايام حلوه قليلة مع ناس قليلين
ابحث عنهم فهم موجودون

اخوووي فعلااا في اشياء صااايره هناء بالظبط مثل هنــاااااك ايام الجامعة كثير طلاب يتمصلحون منك وبعد ماتتخرج ماتشـــــوف الا غبااارة بس وقت المصالح ياكثرهم

بس الانسان لازم يكون بشخصيتة الحقيقية لا المؤقتة مع تعديل بعض الاشياء الي يمكن توقعة بمشـــاكل او يتاذى منهااا وخلك نبية للي قدامك واتعظ قبل لاااتكون عظة لغيرك

فيه كلمه يقولونها كبار السن وخليتها دايم على بالي

الطيب أخير من الردى

بس مو معنها تكون ساذج

أنا أشوف فيه ناس يقولون اعزل نفسك عن الناس وهذا غلط وشلون بتتعلم وانت منعزل لكن كل شيء له حدود

وأهم شيء حسن الظن ، إذا صرت بتسيء الظن في كل أحد بتتعب نفسيتك وتوسوس ، وبتقول: هذا أكيد يقصد كذا طيب ليه يقول كذا أكيد يبي من شيء إلخ وبتصير فريسة لوساوسك

نقطة أخرى مهمة خل لكل شيء حدود

وفي الأخير الفلوس تروح وتجي لا تكدر خاطرك عشان واحد عطيته غرض ولا رجعه أو سلفته ولا عاد شفته بس ، بالعكس المفروض تفرح إنك عرفت وتخلصت من صديق سيء بالمبلغ هذا ، وتأكد ما أحد يتعلم ببلاش ، وأي واحد يصير بينك وبينه موقف لا تتزاعل معه وتسوي مشكلة! صد عنه وخلاص

والدنيا ما زال فيها خير ومن يعمل الخير لا يعدم جوازيه ولا تتنظر الجزاء في الدنيا دعوة في في ظهر الغيب قد تدخلك الجنة ، ممكن واحد كان شاب طايش وسويت له معروف وهو ولا حتى قال لك شكراً بكرة يكبر ويعقل ويتذكرك ويدعي لك بالخير كلما تذكر أيام الدراسة والمعروف اللي سويته

الله يجزاك خير ويجبر بخاطرك
أحسك مثلي ملسوع ومنكوي من أصناف وطبايع الناس وأنماطهم والجانب السئ اللي فيهم .

الغريب أنا شفت هالكلام يمكن قبل عشر سنوات كان الوالد -الله يحفظه- مبتعث من قبل جهة عمله لبريطانيا دوره وكنا معه وكنت في أيام المتوسط على ما أظن
والله إني شفت السعودين كيف يصدون عن بعض والطبقيه والعنصريه اللي فيهم وهذا ما يبي ذا ، وذا ما يبي ذا ، وذا يستنقص ذا ، وذا ينم في ذا ، وذا يتهاوش مع ذا ، ولك أن تتخيل كان فيه حفل بالملحقيه اللي بلندن وتشوف كيف الشعب السعودي متكاتف مع بعضه لكن مو ذاك التكاتف إلا والله التناحر والتباغض والتقاتل لا أحد يصير أحسن من أحد .
ووالله ثم والله إني أقول هالكلام عن تجربه وشفتها بأم عيوني ، هذا غير اللي ينقلونه أقاربي ويعلموني وش يصير عندهم في أوروبا وغيرها .

والملاحظ والمشاهد يشوف كيف أخلاق الشعب السعودي كيف كانت قبل عشر أو خمس سنوات ويقارن .
طبعاً وبدون تحفظ للأسف والغالب على من احتكيت به كل ما لها بهبوط وإنحدار : طبعاً (هياط وقلة أدب وإحتقار طبقه لطبقه أو إحتقار صنف لصنف والأهم عدم احترام كبار السن ومن هم أكبر منه بالعمر .

لكن هناك فئه لازالت فيها الخير والاحترام والتقدير للغير وحب مساعدة الناس وغيرها من أعمال الخير المختلفة , عشان ما يجي أحد يحشرني يقول أنت لابس نظاره سوداء .
اللحين حنا في داخل البلد ما نبغى بعض خلونا نكون صريحين ، كيف إذا طلعنا برى بلدنا . وش نبي نسوى .
كل واحد ما يناظر الثاني شي ويصد عنه ولا يسوي نفسه يعرفه ..
الله يصلح الحال بس . <<< والله إنك ضيقت صدري يا كاتب الموضوع وتذكرت أيام مضت تبكي العين .

يمدحون العزلة وعدم مخالطة الناس الهمج فقط . لكن خالط من تراه مناسب ومتوافق معك بكل شي . <<< هذي حكمتي بالحياه فقط

اللي يبي يسوووي خيييير يسوويه عشاااان ربه

ولا ينتظر الجزا من احد (إنما تطعمكم لوجه الله لانريد منكم جزاء ولا شكورا)

ترى لسه في ناس طيبة تحب الخير لك وللسعوديون والسعوديات ولكن ليسو بكثرة..

أنا شخصي وجدت ناس ساعدتني في بداية مرحلة اللغة واللغة تحت الصفر
ووجدت المساعدة من السعوديون وايضا من العائلة الأمريكية اللي سكنت معهم

ولكن هذا لا يعتبر ان السعوديون كلهم طيبين الا لقيت الكثير منهم يجيك للمصالح وايضا الأمريكان

الحل من الغربة
هي التجربة. عش وجرب وخذ اللي تبية واللي ينفعك وساعد المحتاج وراح تتعرف على الطيب منهم وعلى الخبيث
بس خلك فطين وفتح عيونك وابعد عن اصحاب السوء وان شاء الله راح تعيش بسلام...


شكرا على الموضوع المميز ...

عين العقل يا اخي الفاضل. لا ضرر و لاضرار الواحد لو صار ثقييييييل بزيادة عن الحد الطبيعي يوصف بالتكبر و الخيلاء و إذا صار طيب بزيادة راح ينوصف بالغباء و البلاهة. فالأفضل الواحد يقدم المساعدة العون لإنه هذا يعتبر طبع حلو العمل مع الجماعة work team راح يزيد الناس لك إحتراما بس طبعا مو كل شيء حاضر سمعا و طاعة لكن لابد من المساعدة و التأكد من أن ذلك الشخص فعلا يحتاج للمساعدة مو بس اي احد قال لك ساعدني في الشيء الفقلاني على طووووووول تقول له سمعا و طاعة لأ تأكد بأنه فعلا في حاجة المساعدة . على سبيل المثال لو في شخص طلب منك تشرح له مثلا شيء مو فاهمه ساعده باللي تعرفه و ابتغي بكدا الأجر بكدا انت كسبت اولا الأجر ثانيا الإحترام و التقدير و الثناء و ثالثا ما ضريت نفسك بشيء يعني لا ضرر ولا ضرار. المهم انت تفهم متى تساعد ومين تساعد هذه هي الخلاصة و الأمثلة كثيرة على المساعدة من عدمها. بالنسبة لرفض المساعدة او بمعنى افضل و اكثر لباقة عدم القدرة على المساعدة او الإعتذار بلطف و لباقة عن القدرة على المساعدة لو احد طلب منك فلوس حتى لو سلف تأكد اولا انه المبلغ مو كبير عشان لا تتورط. ثاني شيء لازم توثق سلفية الشخص هذا بعقد او اي شيء يثبت انه تسلف منك عشان لو ما رجع السلف تقدر توريه شغله و حاول انه المبلغ ما يكون كبير و كمان تقدر تعتذر منه انه ما تقدر تسلفه المهم تقدر تصرف نفسك و الأمثلة كثييييييرة و اعتقد هذا المثال موجود عندنا بكثرة و الله يسهل علينا تعب الغربة اللهم امين

السلام عليكم ورحمة الله وبركاتة -- صباح الورد ياجماعة الخير اسعد الله صباحكم بكل خير {{ هذا حال الدنيا ماهي صافيه لحد الواحد يصفي النيه والحمد الله علي كل حال الله يوفق الجميع ويسر امركم ان شاد الله وفالكم الشهاده اللي ترفع الراس والله يعينا على الدنيا }} تحياتي للجميع