السلام عليكم ورحمة الله
انا طالب لغة حصلت على قبول جامعه قبل عدة اسابيع.
خلوني اسرد لكم سالفتي عشان تكون عندكم صورة واضحه بالتفاصيل.
يا طويلين العمر بحمد الله ومنته رزقت بطفل جميل في بداية شهر والحمد لله، حاولت اراسل مشرفتي الدراسية عشات تعلمني شنهي الاجرآت، مشرفتي في العاده ممتازه وترد بسرعه بس لا شفت منها شي ولا سمعت منها شي خصوصاً اني في نفس الوقت كنت محتاج اعمل تمديد دراسة اللغة. عموماً خبركم ابني الاول والأرض مؤ شايلتني من الفرحه، وبعدها هلت الخيرات والحمد لله، مشت معاملة تمديد اللغة وبعدها بيوم او يومين حصلت على القبول النهائي من الجامعه، ومشرفتي لاحس ولا خبر. وطول هالفتره انا ما حضرت للمعهد لان زوجتي في المستشفى وهي ما تتكلم انجليزي ابداً. المهم بعد خروجنا من المستشفى بيوم ابني تعب وشكوا الاطباء ان عنده بكتيريا خطيره جداً وحول مباشرة للتنويم، وبإمكانكم تصور حالة الارتباك الشديد طفل رضيع مريض مرض خطير وزوجه والد بمولودها الاول وانت لحالك في بلد غربه مسؤول عن الاثنين، ومشرفتي لا حس ولا خبر. خبرونا الاطباء ان ابني يجب ان يبقى تحت الملاحظة لمدة اسبوعين، ومشرفتي لا حس ولا خبر، مرت الاسبوعين مثل سنتين ما داومت فيها ولا يوم وبديت اخلص الاجرآت القانونيه لابني ورجعت اداوم في المعهد لكن بعد اسبوع حسيت بتعب شديد قالت لي مديرة المعهد بإمكانك ان تاخذ إجازة من المعهد بصفتك مستمر في الدراسه اكثر من سنه، ومشرفتي لا حس ولا خبر. والله أخذت اجازه من المعهد وتفرغت لعيالي وبديت أتواصل مع الملحقيه بشكل أوسع لعدة امور منها استخراج تذكرة مرور واضافة الطفل كمرافق وطلب تذاكر للعوده للمملكة وصرت اسئل عن مشرفتي كل واحد اكلمه في النهايه اتضح انها في اجازه.
عموماً بداية دراستي في الجامعه يبتدي بعد اربعه شهور وهنا بداية المشكله، تم رفض طلب التذاكر بسبب ان الفتره تتجاوز المسموح به، انا على نياتي اتصلت على مديرة القسم وبلغتها بالسالفه كامله بما فيها توقفي عن الدراسه وحصولي على قبول جامعه.
الله وكيلكم ما شفت الا الهولد نازل على راسي بسبب مخالفتي للنظام وتوقفي عن الدراسه، وانا مؤ قادر اقنعها ان الغلط من المشرفه الي تركتني في مثل هذه الظروف الصعبة بدون اي ارشادات، بس هي تفهم شي واحد اني انا مخالف للأنظمة، وانا والله بالعها وساكت مادري شسوي تكفون اذا عندكم خبره بلغوني شسوي
