بعد انتظار للبعثة دام سنتين ! هاهي تأتي وامامي لاختيار الجامعة فقط يومين!!موضوع مصيري

تقدر يأخوي تتصل على الملحقية الثقافية بأمريكا وتستفسر منهم بخصوص عدد الطلاب في الولايات وماهو أفضلها

::CONTERLOLER::
تم إزالة الرابط وفي حال توجد فيه إجابة مهمة يمكنكم التفضل بنسخها كاملة,
أو مجرد تذكير العضو بزيارة موضوعة في موقع آخر
بدون ذكر الرابط

نشكر تفهمك

مشكووووره على التوضيح يامسافرة ولك أجمل تحية YES SIR :o

::CONTEROLLER::
العفو خوي وهذا واجبي,,

:: ط ير::
اتذكرت معلومة عن ولاية نبراسكا
كنت افكر انقل لها لكن قالو لي انها صغيرة ومافيها أحد والطلاب السعوديين عددهم كبير فيها
فراح تلقى كثير منهم وشلل على ما اعتقد

وأولاً وآخراً انت حق لك تغير الولاية أثناء مرحلة اللغة لو ما ارتحت في اول خيار تروح له
:)

الاخ العزيز توم توم

دخلت على الجامعتين اللي حطيتها

لكن حسب معلوماتي انها في مدن كبيرة

والمدن الكبيرة معناتها مصاريف كثيرة

وزحمة وازعاج وقلق

وجو بشكل عام غير دراسي

ولا وش رايك ؟

جامعة ساندييقو ؟ اقدم عليها ؟ حط نفسك مكاني وقلي وش عاجبك فيها ؟

ومشكووووووور على اهتمامك والله يوفقك لكل خير

اقتباس:

---

مرحباً أخوي,
ماعندي فكرة عن أي من الولايات اللي بتتكلم عنها

بس اقدر انصحك تتجة للشمال الشرقي
ويسكانسون كويسة جامعاتها
داكوتا الجنوبية (ساوث داكوتا)
ميريلاند (فيها جامعات كويسة)
و لاية واشنطن
اوهايو
كولورادو
فلادلفيا
ومنيسوتا طبعاً


هذة اللي اعرف ناس فيها ومبسوطين

---

من كثر ما سألت وبحثت صرت احس ان فيه تشابه كبيييير بين كثير من الولايات

بالذات الولايات الوسطى

احسها كلها نفس الشي

صحيح هالكلام ؟؟


وغير كذا فيه واحد من الشباب في امريكا الان

ينصحني وبقووة اني اروح ميزوري مدينة رولا

بس مدري محتار

كل واحد يمدح مدن معينة

واتفاجأ ان واحد ثاني يذمها

وضعناا احنا

ما نعرف المدن المناسبة الا من خلالكم

فقط

وانتوا كل واحد له مزاج

ويقول كلام غير الثاني

ومعد ادري وين اروح

المشكلة ان فيه طلاب راحوا مدن معينة وندمانين ويذمونها

وهذا اللي يخلي الواحد يفكر ألف مره قبل يقرر

لكن لو ما كان فيه احد ندمان كان هانت

اي مدينة والسلام

والف شكر لك ويعطيك العافية عالاهتمام

اخوي انت تبي ولاية وحدة هي الممتازة والباقي كلها سيئة ؟

امريكا فيها 52 ولاية مدري 54 نسيت . :goof:

في اكثر من 20 ولاية ممتازة بشكل عام !

الاعضاء اعطوك عدة خيارات وانت شوف لك وحده منهم .

عن نفسي لو كنت بختار ... اختار اوهايو .
لان اسعارها جيدة وولاية جيدة وفيها جامعة قوية واعرف واحد هناك .

اقتباس:

---

تقدر يأخوي تتصل على الملحقية الثقافية بأمريكا وتستفسر منهم بخصوص عدد الطلاب في الولايات وماهو أفضلها

---

كنترولر اكيد نظرة موظف الملحقية غير نظرة الطالب
لكن اقتراح جميل وان شاء الله اتصل عليهم
شكراً لك

اقتباس:

---

:: ط ير::
اتذكرت معلومة عن ولاية نبراسكا
كنت افكر انقل لها لكن قالو لي انها صغيرة ومافيها أحد والطلاب السعوديين عددهم كبير فيها
فراح تلقى كثير منهم وشلل على ما اعتقد

وأولاً وآخراً انت حق لك تغير الولاية أثناء مرحلة اللغة لو ما ارتحت في اول خيار تروح له
:)

---

اجل خلاص بشيل نبراسكا من راسي

وشكراً جزيلاً لك

اقتباس:

---

اخوي انت تبي ولاية وحدة هي الممتازة والباقي كلها سيئة ؟

امريكا فيها 52 ولاية مدري 54 نسيت . :goof:

في اكثر من 20 ولاية ممتازة بشكل عام !

الاعضاء اعطوك عدة خيارات وانت شوف لك وحده منهم .

عن نفسي لو كنت بختار ... اختار اوهايو .
لان اسعارها جيدة وولاية جيدة وفيها جامعة قوية واعرف واحد هناك .

---

اوهايو؟
يمدحونها بس فيه عيب

اللي هو زحمة السعوديين فيها

يمكن تستغرب ليش مصر على قلة السعويين في المدينة اللي ابيها ؟ لاني ياخي مريت بتجربة سيئة ولا ابيها تتكرر

الطلاب السعوديين في الخارج بالذات امريكا مليانه مراهقين وكثير منهم للاسف اخلاقهم في الحظيظ

وانا مجرد المنظر هذا يرفع ضغطي

صدقني لي تجربة واعرف وش يعني زحمة سعوديين

الا ان كان فيه شلل سعوديين محترمين ؟ فهذي من النوادر

وبالتوفيق لك في اوهايو .. بس ما حددت اي مدينة ؟