بعد انتظار للبعثة دام سنتين ! هاهي تأتي وامامي لاختيار الجامعة فقط يومين!!موضوع مصيري

تقريباً سنتين وانا انتظر البعثة

وما خليت شي الا وسويته

ولا بعثة الا وقدمت عليها

ولا فيه نصيب للأسف

لكن الحين الحمدلله رب العالمين فرجت وجات البعثة بعد شق الانفس

وقدامي يا عالم يومين فقط تخيلوا !!

يومين احدد فيها الجامعة !!

المشكلة اني طول هالسنتين وانا كنت حاط عيني على استراليا فقط

وكنت اتوقع اني اذا جاتني البعثة بروح على استراليا

ابداً ابداً ما كنت اتخيل نفسي اروح امريكا ولا فكرت فيها نهااااائياً

ولا كنت ابحث عنها ولا اعرف عنها الا شي بسييييييط

ولا ادري عن جامعاتها وحالتي حااااااااااااااااااالة

الحين من بيساعدني ويدلني على جامعة حلوة في مدينة حلوة في ولاية حلوة !

صراحة تعبت في الصين لي حول سنة وانا فيها انواع الهممممممم والغم ولا ابي اروح ولاية سيئة او مدينة سيئة وازيد الهم همين

ابي اعوض الفترة اللي جلستها في الصين :fever:


سألت ودورت ولفيت العالم ( بالنت طبعا ) ووصلت للخيارات التالية :

ولاية كولورادو مدينة بولدر

ميزوري مدينة رولا

نورث كارولينا - تشابل هيل او تشارلتون ( بس يقولون غالية ؟ )

انديانا - مادري اي مدينة ؟

نبراسكا ؟

دنفر ؟

تكساس أوستن ؟




التخصص ( بكالوريوس ) محاسبة ( او تمويل او تأمين ؟ ) عاد اذا بتساعدوني في اختيار التخصص بعد وتقولون وش الافضل تكونون مسوين خير عظيم لاني محتاار صراحة

والمدينة اهم شي ما تكون مليانة (شلل) سعوديين

ولا تكون غالية يعني اهم شي المكافأة تكفيني شهر كامل

وبس

لا شلل سعوديين ومعيشة متوسطة

وهادية شوي وغير كئيبة في نفس الوقت ؟

مادري كيف المهم مدينة حلوة والسلام

لاني مابي اندم مثل ندم الصين

والله يوفق من يساعدني دنيا وآخرة

أخوي ط ير! اولا مبروك عليك البعثه



انا انصحك بولاية نورث كارولينا -مدينة تشارلتون انا ريحلها انشا الله ولد عمي يمدحا لي كثير طبعا بعد ماراح كم ولايه مثل كليفورنيا وغيرها





اتمنى لك التوفيق

طيب تصدق

انا ولد عمي مدح لي نورث كارولينا بعد لكن تشابل هيل موب تشارلتون !!

وش السواة الحين

من نصدق

ولد عمك ولا ولد عمي

انا انصحك دام لك احد تعرفه بامريكا تروحله افضلك بكثير انك تروح مكان جديد عليك ما تعرف فيه اي احد





تقبل مروري

هلا بك اخوي ..

لأنشغالي فقط سأعطيك معلومات قصيرة .. و لي عودة لموضوعك ..

جامعة كولورادو في بولدر رائعه جدا .. لكن من هذي السنة ما بدو يعطون قبول مشروط ..!

و شيء مهم انه يكون عندك قبول مشروط ..

هذا بالنسبة لكولورادو ..
==

نبراسكا .. تكساس .. شيلهم من راسك ..



بصراحة اعذرني انا ما اقدر افيدك الا بولاية اوريغن و كاليفورنيا ..

تحياتي

اخوي ksa ما اعرف احد في امريكا للأسف والله يعطيك العافية


توم توم تصدق بولدر هي الوحيدة تقريبا اللي كنت يعني خلاااص حاطها اوكي حجز مؤكد

لكن تمام انك علمتني بالقبوول المشرووط وانهم وقفوه عشان نوفر وقت وجهد

طيب الحين وين اروح ؟؟ بولدر وراحت ولا عندي خيار ثاني

وش رايك في اوريغون بما انك خبير فيها ؟

اشوف كثير يمدحونها ولانهم كثير ما قربت منها لاني مثل ما ذكرت فوق مابي زحمة سعوديين وشلل ومن هالكلام اللي انت عارفه

بانتظارك الله يعطيك العافية

.. هلا بك اخوي ..

ما راح اختارلك جامعة بعدها اورطك و تكون مو لايقه عليك ..

شوف عموما ابتعد عن تكساس و ابتعد عن اقصى الشرق ..( مع احترامي للجميع ....... )

و الله خذ بنصيحتي و راح تحصل الافضل ..

تبي خيارات سريعه ابحث و اقرأ عنها ..:

1- University Of Sandiego في كاليفورنيا و بالتحدسيدمدينة سان دييغو و اختصارها : USD
2- Washington State University في واشنطن و بالتحديد مدينة بومونا واختصارها: WSU
3- شوف ولاية ايداهو ممكت تحصل جامعات كويسة .. و بالتوفيق

شباب وش رايكم بولاية اريزونا وإذا احد يعرف الجامعات يفيدنا وهل الولايه كويسة ولا لا؟

اخترتها بسبب الشمس احب الشمس ؟

forget about arizona TomTom

مرحباً أخوي,
ماعندي فكرة عن أي من الولايات اللي بتتكلم عنها

بس اقدر انصحك تتجة للشمال الشرقي
ويسكانسون كويسة جامعاتها
داكوتا الجنوبية (ساوث داكوتا)
ميريلاند (فيها جامعات كويسة)
و لاية واشنطن
اوهايو
كولورادو
فلادلفيا
ومنيسوتا طبعاً


هذة اللي اعرف ناس فيها ومبسوطين