عرض للطباعة
السلام عليكم ورحمة الله وبركاته
ياشباب انا لي عشرين مبتعث وصراحه دايم يقولون من سال ماخاب
اول شي انا حصلت قبول لغه في جامعه على السمستر الجاي ، لان الجامعه اذا تدرس عندهم ماتحتاج ايلتس وتوفل
الكلام كله على التخصص ياشباب ، اذا اخذت مثلا علاج طبيعي او صيدله مدة الدراسه من غير اللغه 6 سنوات !!!!
وبنفس الوقت متردد في تخصصات ثانيه تنصحوني فيها بمجال الطب ، لاني احب مجال الطب
** اهم شيء ابي افهم سالفة مدة التخصص تزيد عن قرار الابتعاث وش الحل ؟ ! **
ونصائحكم لتعدية مرحلة اللغه بسهوله ومن خلال تجربة ؟
ما عندي خلفيه عن المده للطب و لكن اتوقع انها تتغير مده ابتعاثك اذا غيرت على تخصص طبي .
اللغه نصيحتي في الفتره الاولى حاول تقرا و تذاكر الي يعطونك و تسال عن كيف تنطق الكلمات من اي احد جنبك وانت تدرس .
الله يجزاك خير اخوي عبدالرحمن
مشكلتي مابي توقع ، ابي شي مجرب ومضمون
يعني الحين قدامي شهر ونصف على بداية سمستري ان شاءالله بالجامعه
وعندهم تخصصات طبيه لكن ابي راي من واقع خبرة ومجرب
لان المسموح لك كبكالوريوس تمديد لايتعدى سنه وهذا الرسمي ، لكن نبي تجارب شباب او بنات في هالمشكله
الله يعطيك الصحه وماقصرت
بكالوريوس الصيدلة أكيد 6 سنوات
والملحقيه بتعطيك ست سنوات أكيد طالما ان تخصصك يتطلب هذا الشي
اما بالنسبه للغه .. فنصيحتي لك تحاول تأسس نفسك فيها من الآن
عشان تبدأ اللغه في أمريكا وأنت عندك قدر كافي من المعلومات الأساسية
بالتوفيق
هلابك اخوي ودعت بارك الله فيك
انا الحين لي ست شهور في امريكا والحمدلله لغتي افضل من اول
انا كنت على حسابي والحقت من 20 يوم تقريبا
والله انا ودي يسمحولي ولو اسمحولي بدخل علاج طبيعي
لكن انا ودي بتجارب يعني واحد بنفسه يدرس صيدله او اي تخصص يزيد عن مدة البعثه وش صار معه
الف مبروك البعثه
لعل الأخـوان في ملتقـى الطـب بهـذ المنتدى يفيدوك لان الكثير منهم على مقـاعد الدراسـة.