الأعضاء الإشتراك و التسجيل

الملتقيات
ADs

ابي مساعدتكم اذا ما عليكم امر

ابي مساعدتكم اذا ما عليكم امر


NOTICE

تنبيه: هذا الموضوع قديم. تم طرحه قبل 2071 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abuabdulaziz
    abuabdulaziz

    مبتعث جديد New Member

    abuabdulaziz الولايات المتحدة الأمريكية

    abuabdulaziz , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى حاسب آلي , بجامعة قريبا
    • قريبا
    • حاسب آلي
    • ذكر
    • Portland, Oregon
    • السعودية
    • Apr 2012
    المزيدl

    April 12th, 2012, 11:59 PM

    السلام عليكم ورحمة الله السلام عليكم ورحمة الله وبركاته
    صباح / مساء الخير
    للجميع

    الله يوفقكم ولا يخسرلكم تعب
    تكفون لا تبخلون على اخوكم

    أخواني عندي عدة استفسارت ولا تحرموني من نصائحكم
    طبعا اخوكم ابو عبد العزيز ناوي يطلع امريكا يكمل دراستة هناك ( بكالوريوس )
    وانا اللي عرفته من هالمنتدى اللي اكثر من رائع بعض الامور بخصوص معاهد اللغة وشرط القبول بالجامعات المعترف بها

    لكن وش تنصحوني فية بحكم خبرتكم

    بالنسبة للمعهد هل الافضل ان يكون تابع لاحد الجامعات المعترف بها ؟
    وكم تكلف الدراسة في المعهد هناك ؟
    وش رايكم بمعهد ELS
    وهل كل الجامعات تشترط اختبار التوفل للقبول بالجامعة ؟

    وكم هي الفترة المتوقعة بعد الانتهاء من اللغة عشان اقدر انضم للبعثة ؟
    مع العلم اني بالبداية بروح لحالي وبعد شهر بيجيب عيالي ( زوجة وطفلين )

    وفي جامعة oregonstate.
    هل فيها معهد لغة وهل تنصحوني فيها ؟
    وكيف اسعاره ؟
    وكيف المعيشة والامان والتكلفة هناك والاسعار وكل شي
    من ناحية الولاية والمواصلات والخدمات والسكن هل هو رخيص ولاغالي وبحدود كم
    تعرفون الواحد لاصار عياله معه وضعه مختلف بالحيل
    وطبعا رصدت مبلغ من 60 إلى 70 الف ريال

    ادري طولت عليكم
    سامحوني
  2. حيـاك الله الأخ الكريم
    لاشـك بأن دراستك للغـة من أجل الحصـول على قبـول في أحد الجامعـات،،،ووصيتـي لك بأن تبحـث عن معهـد يتبـع للجـامعة وهـذهـ الجامعـة تكـون معتـرف فيها في تخصصـك من الملحقيـة وغير مقفـل, من أجل تسهيل عمليـة القبـول بعد المعهـد.
    يسر الله أمرك ولا تستعجـل في الإختيـار
    7 "
  3. بسم الله الرحمن الرحيم

    الدراسه شئ جميل اخي والله يوفقك

    الافضل يكون تبع الجامعه ويدخلك الجامعه عند نهاية الليفل لاتوفل ولا ايلس ولاهم يحزنون

    المعهد يكلف تقريبا ان طار طار وهو الاغلب 3000 دولار

    فيه جامعات تدخل عن طريق المعهد على طول بدون لاتوفل ولاايلس كما وضحت لك

    والانضمام للبعثه لحد الحين الناس ينضمون بالواسطه ومن غير واسطه جيب فبول جامعه وكمل جميع الاوراق وتروح لرياض وتجيك الموافقه وفيه ناس التحقوا واجد لحد الحين

    عن الجامعه اللي انت كاتب اسمها ماادري بس اضن ان فيها سعوديين كثير كثير وفيها تكدس وسأل عنها

    وموفق يالغالي
    7 "
  4. الله يوفقك يارب وحلو انك بتكمل واوريقون ممتازه كولاية
    بما انك بتاخذ بكالوريس <<<< فاترك التوفل والايلتس على جنب
    1- اختار الجامعه ( غير موقوفه ) ثم شووف المعهد التابع لهاا == (اوريقون ستيت يونيفيرسيتي غير موقوفه) ثم افتح موقعهم وشوف برنامج اللغه بمعاهد
    Oregon State University

    2- اذا فتحت الموقع وشفت معهدهم تبحث عن apply القبول فيه وتسجل فيه واتوقع تكلفته كما ذكر معروووف بحدود 3000 دولار للكوارتر

    3-بعد الدراسه بالمعهد تسأل اذا تدخل بعد اللغه دايركت عالتخصص او انك بتحتاج تعدي اختبار التوفل او الايلتس

    4-الفتره للانتهاء من اللغه تعتمد على مستوى لغتك بعضهم يطولون باللغه هذا يعتمد على اختبار تحديد المستوى لك

    5-افتح ملف من موقع الوزاره والملحقيه وتاكد انك تسجل معلومااتك وانك تدرس على حسابك وتابع واياهم

    ولاية اوريقون زينه ومستوى المعيشه مايفرق كثير عن باقي الولايات بس تعتبر الافضل لان ماعندهم ضرايب والعرب متكدسة هناك وممكن تلقى من يفيدك هناك بشكل مباشر
    الاهم تشد حيلك بفترة اللغه حتى ماياخذ من ميزانية الدراسه والمعيشه
    وان شاء الله ربي يسخر لك عباده هناك يوجهونك لو توهقت

    اتمنى اكون افدتك بترتيب الاولويات .. ودعواتي لي ولكم بالتوفيق
    7 "
  5. بحثت لك بخبرتي المتواضعه لعل افيدك بعض الشي بالمعلومات اللي قد تهمك

    اختيارك كان لولاية اوريقون : جامعة اوريقون ستيت : كورفاليس
    Oregon State University
    Oregon State University
    Corvallis, OR 97331
    541-737-1000

    والحين شفت الجامعه غير موقوفه ولكن ارجو انك برضو تتاكد بنفسك
    رابط يخص التخصصات ونبحث منه عن المعهد المطلوب
    Academics | Oregon State University
    ومن ضمن الخيارات نلقى معهد اللغه
    English Language institute
    Home : INTO US

    على ما اعتقد معهدهم اسمه into ولكن اتمننى اهل الخبره يصححون لي فهو من اجتهادي الشخصي
    وهذي روابط اضافيه بنفس الموقع

    INTO Oregon State University : INTO US


    Life at OSU : INTO US


    اتمنى اكون افدتك ...
    7 "
  6. هلاا وعليكم السلام ..


    حياك ابو عبدالعزيز .. انا ماصارلي بكورفاليس شهر بس عسانا نفيدك ..


    بالنسبة هل الافضل ان يكون تابع لاحد الجامعات المعترف بها ؟
    وكم تكلف الدراسة في المعهد هناك ؟
    وش رايكم بمعهد ELS

    اخوي ابو عبدالعزيز انا ادرس بمعهد INTO التابع لجامعة Oregon State University وجايب قبول جامعه ومعهد (CAPN) وقبل اسبوعين دفعت للمعهد 4900$ دولار والتامين الطبي اظن 300$ بس مادفعته << هاذا حق ترم والترم شهرين وشوي
    ______
    وهل كل الجامعات تشترط اختبار التوفل للقبول بالجامعة ؟


    مادري عن هاذي
    _______
    وكم هي الفترة المتوقعة بعد الانتهاء من اللغة عشان اقدر انضم للبعثة ؟


    انا اعرف واحد له ٦ شهور بالمعهد وانظم قبل شهر وقبل اسبوعين عوضوه عن الي دفعه وهو ماعنده واسطه ولا شي بس اللهم ان ابوه كل يوم بالوزاره عشان يضمونه وفيه واحد بالمعهد انظم قبل اسبوعين له ٥ اشهر بس مادري عنده واسطه او لا
    _______
    المعيشة والامان والتكلفة هناك والاسعار وكل شي
    من ناحية الولاية والمواصلات والخدمات والسكن هل هو رخيص ولاغالي وبحدود كم
    تعرفون الواحد لاصار عياله معه وضعه مختلف بالحيل
    وطبعا رصدت مبلغ من 60 إلى 70 الف ريال


    الامان عز الله انها امان يعني تطلع باخر الليل ماعندك مشكله ، والمواصلات عندك الباصات مجانيه من الصباح للساعه ٨ مساء وترا سيكل مكفيك بكورفاليس ، اااند الشقه بين 500$ و 800$ بس فيه التامين احياناً يوصل ل 1400$ يعني انا ساكن بشقه غرفه وصاله ومطبخ وحمام وانتم بكرامه ب 710$ بس التامين 1400$ < تراه غالي هالتأمين > بس الحلو فيها انها نظام شهر بشهر وهاذا نادر تلاقيه شهر بشهر ونادر تلاقي سكن بكورفاليس لانها مدينه صغيره وجامعيه وفيه موتيل اجار يومي ب 60$ او 70$ ، واذا هي ع المبلغ عاد انت احسبها لاني توي جديد مالي شهر بكورفاليس
    ___


    اااند نصيحتي لك اذا تقدر وعندك فلوس تكفيك ترا وربي انها تستاهل وبالذات اذا معك عوائل ولايغرك كلام الناس ترا اغلب الي يتكلمون بالنت تلاقيه باستراحه بالرياض ويهايط ع الناس ولاهمه شي




    ااند بالتوفيق وانشاء الله نشوفك بكورفاليس




    دعواتك لنا بالانضمامه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.