لماذا نتحجب في امريكا !!؟

اشوف مجموعة من ما ذكرت ,تجد الخلوق , المحترم . المحجبه او الكاسيه العاريه فكل شخص يعكس التربية التي تربى بها . (قد يقول شخص ما, بعض الكاسيات افضل خلقا من المحجبات او بعض المدمنين وشاربي الخمور افضل من العقلاء , هذا الكلام ماهو الا ذر الرماد في الاعين)

اسأل الله لك ولهم الهدايه

انا نفس الشي استغرب مين اللي تجي محجبه ولابسه ضيق
ع العموم كلنا خطاؤون وخير الخطاؤون التوابون
الله يهديهم ويهدينا ان شاءالله
والله يعطيك العافيه ع الموضوع

النوعيات اللي ذكرتيها واللي فاتحه موضوعك عشانهم ..
للاسف انهم يلبسون الحجاب خايفين من كلام (السعوديين والسعوديات)
يعني خوف من البشر وناسين رب البشر!!!!

الله يهدينا ويهديهم ،،

سمعت من يقولوا ان السبب هو انهم مافيهم يسووا تسريحة بشعورهم كل يوم!! او شعرهم مضروب عشان كذا بيستروه!!

بالمناسبة مثل هذولي الاصناف اللي ملابسها فاضحة جدا ثم تضع خرقة على اساس انها حجاب تسيئ للمسلمين والاسلام!! لان الناس بعضهم غير المسلمين يعرفون المسلمين بالطرح،، فيضلل في معنى الحجاب!!

وبعض المدن الصغيرة اهلها محافظين جدا،، ولا تتجرا الامريكية فيهم لبس ماتلبسة الاخوات السعوديات،، ثم تاتي سعودية بالخرقة على راسها،، وينظر لها الامريكان باشمئزاز من ملابسها الفاضحة! فتعطي انطباع غير صحيح عن حقيقة الحجاب وعفة المراة المسلمة!! ولو تركت هذي الخرقة ظنوها مكسيكية او هندية او غيرها من الجنسيات دون ربط مباشر بديانة او غيرها

اخي الكريم ..
جزاك الله خير انت وجميع من ردوا ..

حبيت اوضح كم نقطه ..

الاولى .. وهي الاسلوب ..
انت تقول انه ماهو مفروض اتكلم عن الموضوع واوصف لبسهم ..
اذا كان وصفي يظهر الموضوع بشكل مقزز فاانا كتبته كذا حتى يوضح للي يلبسون الضيق كيف شكل اللبس لان احيانا لاننتبه لشي الا اذا وصف لنا حتى لو كنا نراه يوميا ..
اما فكره ان هذا يزيد الامر سوء ومفروض اني اساير او يكون اسلوبي افضل ..
الرسول لما اراد ان ينهانا عن الصاحب السيء شبهه بنافخ الكير حتى تصلنا معلومة القبح ,, وكذلك لما نهى عن الغيبه ذكر "كااكلك لحم اخيك ميتا " ,, ليش مااقلنا ان الحديث استخدم اشياء مقززه وان هذا مو اسلوب تربوي ..
اخي الكريم ..

يجب ان توضح لمن يخطى خطاءه بدون مجامله او مسايره ..


ثانيا ..
انا ماحكمت على اخلاق احد ولاقلت ان هذا يدل على سوء اخلاقها ,, ابدا انا مااقدر احكم على اخلاق ولا سريرة احد فكلا الله وحده اعلم به انا مالي في النوايا انا فقط انتقد الفعل الخطا ..

اخيرا ,,
انا ماوضعت موضوعي الا نصيحه لهم وتوضيح ان هذا الفعل لايصح وهذا ليس الحجاب الذي فرضه علينا ديننا الاسلامي ..

جزاك الله خير ..

موضووع قوي

وكلام جرىء

وعلى قولة وجدي غنيم (شيخ مصري) : اذا الغربة بتبعدك عن دينك ارجع مصر كل تراااب و حافظ على دينك

بكره تشوفين رد ثاني له بزاوية 180 درجة .... يحلل ويحرم على مزاجه ... وحسب الموقف والموضوع والمشاركين وصاحب الموضوع
تحياتي ,,,

وش رأيك نخلي الشباب يلبسوا حجاب ... أفتوني مأجورين
تحياتي ,,,