مبتعثه تصر ان تبقى متماسكة ( العون)

الجميع يمر في مرحلة فتور والإحساس بالعجز عن مواصلة التقدم لكن تعوذي من الشيطان ياغالية وحاولي تشوفي الجانب الإيجابي في حياتك وبأن اللي أنت فيه كلها مرحلة وتعدي بأذن الله وترجعين بشهادة تأمن لك وظيفة براتب كويس وتأمني مستقبلك بحول الله وقوته.

كثري إستغفار وكثري من قول" اللهم أني أعوذ بك من العجز والكسل والبخل والجبن وضلع الدين وغبن الرجال" لان الرسول صلى الله عليه وسلم كان يقول هذا الدعاء

ويمكن أصابتك " عين" فالعين حق فأقري الرقيا والأذكار الصباحية والمسائية وراح تكوني بخير إن شاء الله

اسال الله لك التوفيق وإنشراح الصدر والتوفيق والسعادة.

عليكم السلام ورحمة الله وبركاته ..

من الاشياء الطبيعيه في هذا الكون وفي هذه الحياة ، ان قوة وارادة وطموح الانسان في النهايه ليس كما هي في البدايه
دائما وفي كل شي حتى في غير الدراسه البدايه تكون قويه ومن ثم تخف وتصل لمرحله معينه متوسطه
متباينه ومتأرجحه مابين النزول والارتفاع على حسب الظروف.

المشكله اذا كانت القوه والرغبه والطموح قد خفت نهائيا هنا يجب ان يقف صاحب المشكله في تحليل وضعه ومعالجتها.
مافهمته من كلامك ، ان حماسك ورغبتك قد خفت فقط ولكنها لم تزول وهذا برأيي وتجربتي بالحياة شي طبيعي جداً

لاتفكرين كثير ، أدي ماعليك .. وتذكري ان دخولك للجامعه لا يعني انك لازم تكوني ( بيرفكت ) في الانجليزي
او تكون لغتك زيك زي الامريكان ... لا طبعا ً
الجامعه تبي اساسيات الانجليزي ، لانها تعتمد على الواجبات المنزليه بشكل أكبر وهذا يسهل عليك.
ومع الدراسه والقراءه تتطور انجليزيتك وتتطورين في تخصصك بشكل عام.

موفقه

يا اختي جدا طبيعي اللي تمري فيه
لانه هنا ما عندهم تدريس عندهم كرف على اصوله فـ طبيعي الواحد بعد فترة يحس انه همته فترت وانه ما عاد فيه
يكمل دراسة
نصيحة لك
امزجي العلم بـ المتعة
بمعنى روحي المكتبات وحاولي تشوفي لك من القروبات اللي تعلم اللغة من خلال المحادثة
روحي المقاهي وحاولي تسولفي مع اي احد
اشتري لك كتب الاطفال القصصية واجلسي اتسلي عليها
دوري في النت بـ اللغة الانجليزية
اتواعدي انتي وبنات اجنبيات كوريات او صينيات او اللي هوه وروحوا سينما واطلعوا اتعشوا مع بعض
انتي بتكوني تسوي اشياء ممتعة بس في نفس الوقت ومن دون ما تحسي تلاقي نفسك طورتي لغتك

استغلي الويك اند في انك تسوي شيء تحبيه ويكون غير تعليمي بالمرة
سواء انك تسوقي للضواحي او انه تلعبي بلاي ستيشن او تتجمعي مع بنات سعوديات
اهم شيء تحافظي على التوازن بين التعليم والترفيه في حياتك
بغير هـ الطريقة يا يلذع مخك يا رح تزيد معاك مرحلة التبلد الين ما ترجعي صفر اليدين ( الله لا يقدر عليك الشر )

نفسي بالصبط احس ان تجيني وشه يو امسك الكتاب يووو الله يكون بالعون انهلكنا بس ترى طبيعي هذا صدقيني انت محتاجه لاجازة اجزي شهر ولاتفتحين كتاب نامي واطلعي واتمشي تلاقين الهمه رجعت لوحدها اما انك تقعدين تجاهدين نفسك هذا اكبر خطا مخك يبي اجااازه

الله وجزاكم خير جميعا الكلام يرفع ألهمه خصوصا من من جرب تجربتي
لاحول ولا قوة الا بالله الله يفك كربي و كربكم يارب

خذي لك اجازه وروحي السعوديه او سافري حتى لو جوة امريكا بس اهم شي غيري جو المكان وتحرري من المذاكره لفتره اسبوع وزياده وبتستعيدي همتك باذن الله ..

ادعي اللهم اشرح صدري ويسر امري واحلل عقدة من لساني ..

الله يوفقك وييسر لك ياارب ويفتح نفسي ونفسك ونفس كل المبتعثين للمذاكره والحفظ

نفس الحاله بالضبط .. الله يعديها على خير ..

ويمكن اردى منك .. بس بظل احاول . والي ذكر الاجازه بالسعوديه مو اكيد بتكون حل .. لاني جربت وللاسف رجعت وهوم سك شهرين ما قدرت اطلع منه .

حفزي نفسك .. واقري كتب تحفيز .. وصحيح اجازه للمخ افضل حل .. استعيديه .. وادري الكلام سهل بس الله يسهلها .

الي اانا اسويه اني اخذ الامور ببساطه وتدريجيا .. اعتقد بعد اسبوع راح بيكون افضل وبعد شهر واكثر بتستعيدن كل شيء ان شاء الله ..

والمشكله لا صرتي بين اشخاص ما تاخذين منهم الا كل شيء سلبي .. حتى لو انك عالم ومثقف وفاهم كل شيء يزيدون الطين بله .

الله يشرح صدرك وصدر كل من يمر بهالحاله ويوفق الجميع .

والي ردوا ما قصروا الله يعطيهم العافيه .. كلام جميل

هالتغريده اعجبتني وخلتني اعيد النظر بامور كثير .. صح نعرفها لكن نقراها بظرف ونعيد قرائتها تخلينا نصحى (هل تريد الوصول للسعاده ؟ سهل جدًاا .. إاتبع النصائح التي - تقدمهاا أانت لِـ / الآخرين)

بداخلنا نصائح وحلول بس ما نطبقها .

شكرًا وجزاكم الله خير جزاء فعلا أني احتاج ان أخذ إجازة من إجازة التبلد الذي أمر به إجازة مليئة بالمغامرات اللغويه !!!
ارجوكم ادعوووو لي

كسر الروتين اليومي وتغيير طريقة المذاكرة وايجاد طرق للتعلم بالتسليه ومكافأة نفسك عندما تقومين بإنجاز ومعاقبتها عند الفشل

اعتقد ان تقسيم الوقت وتوزيع الجهد فن لايتقنه الكثيرون


اعانك المولى ووفقك لكل خير