تقرير رحلتي الى امريكا

السلام عليكم ورحمة الله وبركاته كان الاقلاع من مطار الملك خالد الساعه 9 وثلث ولكن لظروف الطايره تاخرت حتى 11 ونص اقلعنا ونمنا وماصحيت الا قبل الوصول بساعتين وبحمد الله وصلنا واشنطن الساعه ثلاث العصر بتوقيتهم واو مادخلنا المطار مسكنا سرا طويل حق تشييك الجوازات والبصمات وبعد ماطلعنا رحنا اخذنا الشناط ومسكنا سرا واقفين حتى الساعه 12 بالليل يعني سبع ساعات فقط السعوديين اما باقي الخطوط يدخلون بخمس دقايق واول ماختمت ختم الدخول طلعنا والملحقيه في استقبالنا وعبينا اوراق وشالنا السواق ورحنا الفندق ونمنا وقمنا الساعه ثمان الصبح وبعد الافطار جت سيارة الملحقيه ورحنا لللحقيه وبعد المحاضره كان فيه بريك غداء ورحنا تغدينا بلسفاره ورجعنا كملنا المحاضرات وعطو الطلاب بطاقاتهم والضمان المالي والشيك ومن ثم رجعنا للفندق قعدت انا يومين بواشنطن وكانت رحلتي الي دالاس تكساس فى 5 جانوري ورحت مع باص الفندق للمطار خدمه مجانيه وبعد ماقصيت البوردنق كتبت الموظفه على التذكره ssss يعني تفتيش دقيق جدا وبعد التفتيش الدقيق اخذت اغراضي ورحت للصاله وركبت الباص ورحنا للبوابه وجلست انتظر حتى نادو على رحلتي وانتبهو ترى كل بوابه تقلع منها طياره كل ربع ساعه وبعد نداء الرحله ركبت الطياره وكانت مدة الرحله ساعتين ونص ومن ثم وصلنا مطار فورت ويرث يبعد عن مدينة دالاس نص ساعه وكان في استقبالي ابن عمتي وبعدين رحنا وتعشينا ورحت للشقه واحلى نومه بعدين قمت ونزلت لستار بكس واخذت بلاك كوفي ورجعت الشقه وكتبت هذا الموضوع اتمنى اني ماطولت عليكم ونسأل الله العلي القدير سبحانه ان يوفقنا واهلينا والمسلمين والسلام عليكم ورحمة الله وبركاته