LinkBack URL
About LinkBacks
نفس السؤال يا ليت اللي مر بالتجربة يخبرنا
نقل للايتوني من المعهد للجامعة وتبدأ الدراسة بعد ٤ شهور,الملحقية توقف الصرف او لا
نقل للايتوني من المعهد للجامعة وتبدأ الدراسة بعد ٤ شهور,الملحقية توقف الصرف او لا
تنبيه: هذا الموضوع قديم. تم طرحه قبل 4390 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "
- UPPPPPPPPPPPPPPPPPPPPPPPPPPPPPPPPP7 "
- شف الملحقية اذا سويت آب قريد لبعثتك ..يعني رفعت اوراقك للمحلقية واعتمدوا القبول والامور هذي غالبا يوقف الصرف لحين بدء دراستك الجامعية .ممكن اذا انت راعي لف ودوران وباقي على مرحلة اللغة وقت ..ممكن تكمل واذا بقى سوعين الى شهر ترفع اوراق وبكذا يصير الصرف لا يتوقف الا فتره بسيطة .لكن هالملحف=قية محد يضمنهم ممكن يقلون قبولك مو معترف .7 "
- انا حولت من اللغه الى الجامعه نهاية دراسة اللغه في 12 مايو وبداية الجامعه 22 اغسطس والمعهد سوى التحويل في نهاية ابريل.. ولا وقفوا الصرف و سافرت للسعوديه في 2 مايو وما توقف الصرف الا بعد مرور 3 شهور على سفري ورجعت وعوضوني7 "
- هذا الكلام العام الماضي ٢٠١١ وما ادري اذا صار فيه تغيير في النظام والا لا7 "
- واحد من الشباب خلص اللغة في اكتوبر اللي فات7 "
وراسل الملحقية عشان النقل للجامعه وارسل لهم الاي توني وكل شئ
ووقفوا الصرف عنه وقالوا له لما تباشر في الجامعه يرجع لك الصرف
وفعلا مارجعوا له الصرف الا في يناير ٢٠١٢ بعدها بشهرين
يمكن تختلف من مشرف لمشرف الله اعلم - طيب يوم انه رجع عوضوه بحق الشهرين اللي فاتت ؟7 "
ولا مافيه تعويض ؟ - لا المشرفه قالت له الشهرين هذي تحسب لك في البعثة7 "
يعني ماخصمت من بعثته راح تضاف فوق مدة البعثة - هو المفروض انه مايوقف الصرف عنك .. لكن يعتمد على المشرف .. فهو اللي يوقف الصرف وهو اللي يمشيه .. انت وحظك ..!7 "
شوف تاريخ الضمان المالي عندك متى ينتهي .. اذا بينتهي في مثلا اوقست .. فعادي خلي الامور تمشي وقبل لاتسافر باسبوعين خلص اوراقك مع الملحقيه ..!
وعطهم الايتوني الجديد ..
وعادة راح يطلبون منك ترسل لهم الجدول حق السميستر للجامعه وترسل معها ورقة من المعهد انك خلصت المعهد وانتقلت للجامعه واصبحت الان طالب اكاديمي ..
وايضا يحتاجون ورقه ثالثه من ادارة الجامعه تثبت أنك طالب اكاديمي عندهم ويبين فيها تاريخ التخرج ..!
هذي كلها ترسلها لهم اول مايبتدي السميستر الجديد بالجامعه ...
وحتى لو مارسلته لهم ممكن يوقفون عنك الراتب بس مايوقفون عنك صرف الجامعه .. (انا اذكر اني كنت بالجامعه اعطيهم الضمان المالي وكان مكتوب فيه ESL وانا ماعمري دخلت معهد ؟!!! بس هذا كان خطأ من الملحقيه لانهم حاطيني طالب لغه وانا طالب اكاديمي ومع ذلك كانوا يتكفلون بمصاريف الجامعه ولا كان فيه اي مشاكل من قبل الجامعه لله الحمد )
فالضمان المالي يعتمد على تاريخ انتهائه ..
نصيحتي لك : اذا كنت تبي تقعد بامريكا شهر وفي جولاي تروح للسعوديه وترجع في اوقست قبل الدراسه .. خلص امورك قبل تسافر باسبوعين .. يعني اذا استلمت الراتب الاخير اللي يسبق الرحله .. رح وخلص امورك بالجامعه اطلب منهم جدولك والاوراق الثانيه المطلوبه وارسلها كلها مع الاي توني الجديد وتلقائيا راح يجددون لك الضمان على ضمان جديد .. وبكذا تروح السعوديه وانت مرتاح .. واذا وقفوا عنك الصرف .. تقدر تخلص امورك معهم وانت مو شايل هم لان راتبك في جيبك والراتب الثاني بتكون انت بالسعودية .. فوقتها تقدر تخلص امورك قبل تسافر بحيث تنزل السعوديه وانت راتبك في جيبك .. وبرضوه ترجع وراتبك في البنك ..!
April 16th, 2012, 11:20 PM
السلام عليكمانا وصلني قبول الجامعة ولله الحمد والحين قاعد ادرس بالمعهد بالمستوى الاخير وباقي عليه ٢٠ يوم تقريباً ويخلص يعني بسوي ترانسفير للايتوني والكورس باقي ماخلص
دراستي تبدأ بالجامعة بعد ٤ شهور وبقعد بأمريكا ٣ شهور بدون دراسة وشهر رمضان راح انزل السعودية وبعدين ارجع امريكا للدراسة الجامعية
السؤال هنا هل راح يوقف عني الصرف اذا نقلت الايتوني للجامعة او لا؟ .. الشي الثاني اذا وصلني الايتوني الجديد من الجامعة وش الخطوة الثانية اللي اسويها مع الملحقية او ان ارجع السعودية بدون ما اخبر الملحقية واذا رجعت امريكا مره ثانيه اعطيهم الايتوني والاي ٩٤ الجديد .. تكفون تراني محتاااس واول مره تكون عندي عطلة ولا قد رجعت السعودية من جيت امريكا ابداً