يهمني رايكم جميعاً بخصوص تخصص زوجتي

موضوعك غريب .. وان شاء الله يفيدك احد الاعضاااء لان حتى انا استغربت مما نوهت عليه باخر موضوعك
لانك ذكرت ان التخصص السابق ادبي وتبون تكملون بالتخصصات اللي ذكرتها وعلى حد علمي انها تخصصات تتبع العلمي عدا القانون << والقانون والموارد البشريه اشوف عليهم اقبال غريب
التالي لابد تدرس عدد من المواد كسنة ماقبل الماستر pre-master اللي تعادل السنة التحضيريه للبكالوريس foundation - prep. year هذا على حسب علمي

ويبقى ردي وجهة نظر وبانتظار اهل الخبره .. والله يوفقكم

بما انه تخصص زوجتك الكريمة ادبي فـ اجباري تدخل سنة تحضيرية
بـ النسبة لي اقول وهي مغمضة تدخل قانون التخصص توه يفتح جديد في جامعات المملكة بـ النسبة للنساء ويعاني من نقص
في الكوادر التعليمية هذا غير انه المستشارين القانونيين مرغوبين في جميع الشركات واذا مو غلطانة سمعت انهم في الفترة الجاية
رح يصدروا رخص مزاولة المحاماة للنساء هذا غير وظايف وزارة الخارجية

بـ النسبة للي حولوا تخصصاتهم ببساطة سجلوا في البعثة طلعت اسمائهم حولتهم الوزارة على اقرب تخصص لـ تخصصهم وبمجرد ما وصلوا
جابوا لهم قبول في التخصص اللي هم حابينه واوضحوا للمشرف انه امتداد لتخصصهم وتمت الموافقة على تغيير التخصص
وسلامتك

بالنسبه لسؤالك ..
فبما أن زوجتك تخصصها أدبي .. فأنا افترض إنها تبي تبتعد عن المواد العلميه مثل الرياضيات وغيرها ..
وكل التخصصات اللي ذكرت فيها نسبة مكثفه من الرياضيات والمواد العلمية .. ماعدا القانون ..!

بالنسبه للقانون بالسعودية .. ماني عارف ايش مستقبل تخصص القانون بالنسبه للنساء ..
لكن قطاع القانون بالسعودية (للرجال) موسع بشكل كبير .. فمنهم القاضي ومنهم المحامي ومنهم المتحري ومنهم اللي في القطاع العسكري ..
وايضا هناك وظائف حكوميه خاصه في القطاع الوزاري في تخصصات القانون ..

على كل حال .. ليس الامر محدود على الادبي او العلمي .. فزوجتك بإمكانها ان تختار التخصصات المسموحه من الجامعه نفسها ..!
وعلى حد علمي الملحقيه لايمكنها ان تلزمك بتخصص معين وقت الدراسه .. الا اذا كان الامر كان بالتسجيل بالجامعات او جامعات تم الغاء شهادة الثقه بتخصصات معينه فيها ..

فالأمر يعود لزوجتك ورغبتها ..

هذا والله اعلم ..

بالنسبة لرأي ( هو رأي شخصي + سألت إحدى الموظفات لما كنت في ملتقى المبتعثين ) إنه كل طالب وطالبة لما يوصلوا هناك راح يكون لهم مرشد اكاديمي academic advisor راح يكون مشؤل عنه ويتواصل المبتعث و المبتعثة معاه او معاها بخصوص أي مشاكل اكاديمية ومن ضمنها حكاية التخصص. بالنسبة لكم إنتوا كما وضحت إنه دارسين على حسابكم فالوضع عندكم يختلف على ما اعتقد وما اعرف كيف الملحقية يكون وضعها معاكم لإنكم دارسين على حسابكم بس برضه اسألوهم. لإنه إنتوا مش مبتعثين تقدروا تتخصصوا بأي تخصص يعجبكم حتى لو كان مش من تخصصات الإبتعاث بس اهم شيء جيبوا قبول غير مشروط ( قبول نهائي وصريح موضح فيه تاريخ بدأ الدراسة وتاريخ إنتهاء الدراسة ) عشان تقدروا تنضموا للبعثة. بالنسبة للتخصصات المطروحة في الإبتعاث تقريبا كلها مطلوبة في السوق العمل السعودي وبما غنه تخصص زوجتك نظري يعني الله يعينها مالها غير التسويق لإنه كل اللي تخصصاتهم ادبي او نظرية يرسلوهم على التسويق لكن إذا كان تخصصها شريعة أة اقتصاد او قانون او انظمة مالها غير تخصص القانون على فكرة مثل كما قالوا الأخوان هذا التخصص جدا مطلوب وفيه نقص شديد وبالتوفيق يارب

حبيبي سهل تغيير التخصص اذا وصلت امريكا ان شاء الله تطلب من مشرفك الدارسي تغيير التخصص للتخصص اللي هو امتداد لتخصصها في البكالوريس

يعني مو شرط تتقيد با التخصصات المطروحه مثل قانون وغيره

طبعا هالكلام مجرب مني شخصيا لان زوجتي انجليزي وبعثوها على تسويق وحولت تخصصها الي انجليزي

ماعليش توني انتبه انك تقول على حسابكم الخاص!! يعني ماهو مبتعثين

في هالحاله يا الغالي المجاال عندك مفتوووح بالقسم اللي تبيه حتى لو ديكور

التخصصات المطروحه في الوزاره هذي للمبتعثين عن طريق البرنامج من خلال التقديم عن طريق الموقع وليس للملتحقين في البعثه في بلد الابتعاث

ارجو انك فهمت علي

مشكورين ياشباب على الإجابات الوافيه

بالنسبة للأخوان اللي يقولون على حسابكم الخاص وتقدرون ختارون أي جامعة

نا كنا جيبين قبول ماستر على تخصص موارد بشرية وتم الرفض من الملحقية


الملحقية الثقافية موظف التسجيل عدم قبول 2012-04-16 عزيزى الطالب حسب تعليمات الوزارة نأمل ارفاق تقرير دراسى مفصل يوضح المستوى الدراسى للطالب خلال اربعة اشهر الماضية(كشف درجات من تاريخ الدراسة ولمدة اربع اشهر)فى المواد المسجلة وكذلك مستوى الحضور والغياب مع القبول الاكاديمى من جامعة موصى بها من قبل الوزارة مع تحديد التخصص عبر البوابة.تخصص الموارد البشرية غير موصى به من قبل الوزارة .نأمل تغيير التخصص

فمضطر الآن أجيب تخصص من التخصصات المذكورة

اوكي جيب اي شي بعدين اطلب تغييره

اي الافضل تتماشى مع شروطهم حتى تتسهل الامور مايكون فيه تعقيدات ويرفضونكم ومن ثم تغيرونه بالمتاح حسب رغبتكم والله يوفقكم ويسهل اموركم