اللي معه بطاقة بنكية فيها فيزا بالله يخش

هذا الملف حق تعبئة بيانات الفيزا كارد لـ جامعة سان دييغو عشان تعبيها بنفسك
http://www.qzal.net/01/2012-04/13348003371.pdf
وهذا رقم الفاكس حقهم ترسلها عن طريق الفاكس
619-287-2735
يصير تحط اسمي الكامل بالملف قبل ماترسله وبعطيك اسمي ع الخاص
بالنسبة لفلوسك اذ مارجعتها اشتكيني عند المعهد اذ مالهم شغل اقلها تفضحني عندهم اظن هذي تكفي
ولا والله انا برسلك فلوسك يوم الاحد هي كلها 300 دولار اتمنى احد فعلاً يساعدني

ياخوي اصبر لوقت نزول الرواتب .. ولا تذل نفسك !!!

صعب تلاقي احد يعطيك بيانات الفيزا الخاصه به ..

الناآآس صارت تخاف وانا اخوك ..

^^^^
يابن الحلال انتم وش فيكم ماتقرون الموضوع ولا استعباط ؟
انا حاط الملف هو يعببيها بنفسه بدون مادري عنها ويرسل الورقة عن طريق الفاكس لهم
اللهم ياخذ اسمي الكامل وانا مايمديني انتظر ليوم الراتب لانهم يبون الدفع قبل 23 ابريل
لا اله الا الله الواحد ع اعصابه

صعب تلاقي ناس تعطيك وانت بالنسبة لهم شاشة لا أكثر ...

إسأل قرايبك أو ربعك ان شالله مايقصرون ...

^^^^^
هذا تفكيرك اجل شاشة لا اكثر
والله عني انا لو عندي استطاعة واحد محتاج اني لا افزع له
اولا اكسب خير ثانيا اكسب صداقته اكيد انه ماراح ينسى موقفي معه

اهلين اخوي الغالي .

الله يفك ازمتك وابششر بسعدك ولاتشيل هم وانا اخوك .. شف رابط لهم الدفع عن طريق لاون لاين وابششر .

خطوتان وآبتعث ،

ماطلبت شي يالغالي ،

من العين اليمين قبل الشمال ،

حاليا عندي لك حلين وشوف الحل اللي أفضلك من جهتي :

1- تنتظر يوم السبت / الأحد على أساس راح أستلم ان شاءالله بطاقتين مسبقة الدفع ويصير أسدد عنك .

2- أحولك من حساب الراجحي لحسابك المبلغ المطلوب .



بخصوص أبلكيشن التسديد ،

هل الشرح عليها صحيح كما بالصورة ؟





1- بخصوص الرسوم يصير أكتب أمام خانة " Application Fee: " المبلغ حق الرسوم وأترك باقي الخانات فارغة ؟


2- أيضا أمام خانة " authorize " يوجد فراغ لمبلغ مالي ، ايش المبلغ اللي يكتب في الفراغ ؟؟

3- وآخر استفسار بالنسبة للعلاقة بين الطالب وحامل البطاقة ايش أكتب ؟



واذا على الفلوس صدقني محد شايل هم الفلوس أكثر من هم مستقبلك ،


اذا رجعت الفلوس خير وبركة ،

واذا نسيت أو حصلك شغلة أو أمر طارئ " مسامحـــك "

وصدقني ماتحتاج الشغلة أروح أشتكيك عند المعهد وعند فلان وعلان ،

اسمها " فلوس " تروح وتجي يالغالي ،


الله يوفقك ويسهلك دربك في الدنيا و الآخرة


بانتظارك : )

انا مستعدة اساعدك
بس اشوف اخوي الفقير الى الله بالأول

شوفوا ياجماعة بعد حرق الاعصاب وبالقوة طلعت ضمان مالي من عند المشرف ع جامعة سان دييغو
وعشاني تاخرت بالدفع تو جاتني رسالة منهم شوفوا لا حول ولاقوة الا بالله

Unfortunately the program you have selected is closed. The Summer English for Academic Purposes program is only available to the students who were approved from the wait list.

You may submit your application fee if you wish to postpone your studies to a later term. However, we cannot process your application for this Summer term. Thank you, we appreciate your understanding.

وش الغبنة هذي ليه حظي كذا دايما نحس ؟؟؟؟؟؟؟؟؟ اعوذ بالله كل شوي طالعة لي مشكلة وش اسوي الحين ياجماعة والله العظيم اني مقهور وش هذا ياربي

الله يعينك ان شاءالله انها خيرة لك