معرض التعليم العالي...اليوم اخر شي...قبولات مجانيه فرصه

نقطة مهمة للمهتم بزيارة المعرض: خل المسؤول عن الجامعة يحس انك مهتم بالالتحاق بالجامعة و توجهاتها البحثية، هذا بيخليه ياخذ و يعطي معك و يعطيك معلومات ما يعطيها لباقي الناس
لان اغلب الزوار عنده سؤال واحد " ما هي شروط القبول" فتحصل الشخص انسأل السؤال هذا الف مرة فالبتالي بيقول الكلام الي حافظة او يخليك تشوف الشروط المكتوبة عنده

وهذا شخصياً صار لي بعد ما حسسته ان مهتم بالجامعة قالي اشياء ما قالها للشخص الي قبلي رغم ان السؤال نفسه

^^^ ياجماعة إللي بروح هناك يشوف إذا فيه ركن خاصة بالهيئة ... يسأل لنا عن موضوع " المحرم " فديت عيونكم ... وأعطونا خبر

تحياتي ,,,

انا رحت أول يوم الثلاثاء الساعه التاسعه صباحا كان فيه زحمه بس كان التنظيم تمام لفيت على كل الجامعات الأمريكية الجامعات اللي تعطي قبول مشروط قليله بس للأسف معدلي جيد وكنت طالب قبول ماستر ولا حصلت عندهم ويقولون قدم ونشوف وانا عارف ان ردهم اعتذار ليش اتعب نفسي بس اللي معدله كويس لو يبحث بيلقى وفيه شباب وبنات خدومين مررررره جزاهم الله خير ما قصروا معنا بعض الجامعات تلقى فيه شباب درسوا في نفس الجامعه وتخرجوا منها يعلمونك بكل شيء عن الجامعه والمعيشه والأجواء صراحه اذا رحت ما راح تخسر شيء بالعكس بتستفيد كثير بس الله يعينك انا لي يومين تعبان من كثر ما مشيت من الصباح الى العصر وانا على رجلي ما جسلت .

بالنسبه لسؤال ااخونا أنا اشوف محد يردك ابد تنظيمهم ممتاز
اذا كنت جاي عشان المعرض بتاخذ راحتك مرررررره

التخصص رياضيات لدرجة الماستر. هل توجد جامعه تعطي قبول مشروط لهذا التخصص التقدير جيد جداً البكالوريوس امل أني ألقى احد يفيدني