عندي جواز أمريكي و لدي سؤال محتاج له جواب

راح اجاوبك على سؤال الجامعات
حسب كلامك انت مواطن امريكي بس ماعشت في امريكا صحيح؟

اغلب الجامعات لديها النظام التالي بشأن الرسوم الدراسية : فالفترض ان الجامعة في ولاية كالفورنيا

اذا انت من سكان كالفورنيا : تدفع رسوم معينة وهي الارخص in state tuition

اذا انت من خارج الولاية سواء كنت من تكساس او من الهند تدفع نفس الرسوم Out of state tuition

ولكي تصبح مواطن في ولاية معينة لازم تكمل شروط المواطنة في تلك الولاية وفي الاغلب عليك ان تكون ساكن هناك لمدة سنة وبعدها تقدر تدفع رسوم سكان الولاية

مشكور و ماقصرت يعني على حسب كلامك راح تكون الدراسة أول سنة نفس أي شخص غير مواطن بعدين راح تكون زي المواظن طيب هدا شي

الشيء الثاني هل الملحقية تقبلني لاني بدخل جامعة بجواز امريكي و الا بيقولو لازم تدخل الجامعة بالجواز السعودي ؟؟ ممكن تفهموني ماعليكم أمر

الملحقيه ماعندها مشكله مع الجواز الامريكي ،، تقدر ترسلهم لهم صورة الجواز الامريكي وختم الدخول ومايقولون شي ابداً لأنه مسموح

انا راح افيدك ... لاني نفس وضعك ..
لما تقدم على الجامعات الامريكيه تقدم بجوازك الامريكي فقط ..
ولما تسافر من السعوديه تطلع بالسعودي من السعوديه وبعدها تحطه بالشنطه وتطلع الامريكي وتتعامل مع الامريكي لحتى توصل امريكا .. واذا جيت ترجع نفس الشي تتعامل بالامريكي لحتى تكون رحلتك الاخيره على الطيران السعودي وقتها تطلع الجواز السعودي وتبين لهم ان عندك جوازين .. وعادي يختمون على السعودي وتوصل للسعوديه ..

الجامعات الامريكيه تأخذ على الأمريكي التي تنطبق عليه الشروط 3000$ كأقصى حد .. اما اللي ماتنطبق عليه الشروط ياخذون عليه مثله مثل الاجانب واحيانا يوصل الى 7000$ ...
اول شرط هو أنك تكون مقيم بالولايه لأكثر من 6 أشهر .. وهنا يسمونك resident (مقيم)..
الشرط الثاني لابد يكون عندك رقم وطني Social Security Number (وهذا تقدر تطلعه اول ماتوصل لأمريكا من مكتب السوشال الموجود بمدينتك)..
ثالث شرط أنك تكتب تعهد او بما يعرف الـ Statement Letter بأنك راح تدرس بالجامعه وتقيم بالولايه وتتوظف فيها .. الخ وهذا أمر عادي مجرد إجرائات ..!

هذا اللي اذكره .. ايه صح لابد تحفظ اوراق السكن اللي انت فيه وتحاول تكمل بسكنك على الاقل سنه ماتغيره .. وتحفظ فواتير مشترياتك اليوميه (الوصل) واي اوراق خاصه فيك ..
هذي برضوه راح تساعدك كثير .. لانهم راح يطلبون ثبوتات على اساس توضح أنك ساكن بالمنطقه لاكثر من ست شهور وايضا ساكن لحالك (يعني مو مع اهلك) ..

وأما مسألة الجوازات بالجامعه .. عادي .. انت اساسا بتتعامل معهم بالامريكي وماراح تطلع السعودي الا بالملحقيه والسعوديه فقط !
وحتى لو عرفوا معك جوازين مافيه مشكله .. امريكا نظام حريه بمعنى انه مسموح لك بحمل اكثر من جواز ..

وبالنسبه للملحقيه .. ترسل لهم صورة من الجوازين .. مع الاختام خروج من السعوديه (من الجواز السعودي) ودخول لامريكا (من الجواز الامريكي) ...
وامورك طيبه ان شاء الله ..

يااخ 1Ok مااتفق معك في مسألة ان الجامعات ياخذون 3000 دولار كحد اقصى هذا الشي يعتمد على الجامعة في جامعات غالية المواطن من الولاية يدفع 20 الف وفوق فما بالك بغيره

صحيح .. ولكن انا كنت اتكلم عن درجة البكالريوس (Undergraduate) .. اما مسألة الغلاء .. فهو يعتمد مثل ماقلت على الجامعه وايضا على الدرجه العلمية المطلوبه ..
فمثلا قيمة كورسات الماستر اغلى من قيمة كورسات البكالريوس .. وايضا هنالك تخصصات تكون قيمة الكورسات فيها غاليه حبتين مثل مايقولوا .. والمبلغ اللي ذكرته كان المعدل المتوسط بين اغلب الجامعات ..
وايضا احب أن انوهه ان الـ 3000$ اللي تكلمت عنها تعادل 12 ساعه ! (اذا زادت الساعات تزود القيمه) والمعروف عندنا ان غالبية المواطنين ماينزلون اكثر من 12 ساعه .. الا احيانا في بعض السميسترات ..

هذا والله اعلم ..,

وهذا الشيء اللي انا شفته خلال هالسنوات اللي عشتها في امريكا وبعض المعلومات كانت من ادارة الجامعه نفسها ..

و الملحقية كم راح تأخد عشان يحولني على حسابهم ؟ و هل في ملحقية أمريكية أفضل من حقتنا يعني أرس على حساب أمريكا ؟

النقطة اللي حاب استفسر عنها
كيف يطلع بالسعودي ومافيه فيزا امريكية؟
كيف موظف الجوازات بيسمح له يطلع طائرة امريكا بدون فيزا؟
خصوصا اني وانا اجاي قبل يختم جوازي شيك على الفيزا
ومثل ماتعرف السفارة ماراح يعطوة فيزا لانه عنده جواز امريكي

ياليت توضح هالنقطة يالغالي

مدة الالتحاق بالبعثه هذي تحددها لك الملحقية وانت واجتهادك وحظك ..
اما عن سؤالك افضل ملحقيه الامريكيه او السعودية ..
فالامريكية لها شروط لازم تكون موجوده فيك .. وغير هذا ان الامريكية يتكفلون فقط بالدراسه والباقي عليك ..
اما السعودية لا يتكفلون بالدراسه والتامين الطبي وغير هذا لك مكافاه شهريه تساعدك على سد احتياجاتك الخاصه ..