عرض للطباعة
السلام عليكم ورحمة الله ..
انا طالبة ماستر وابغى اسجل مواد في الصيف ,, وسمعت اني ممكن اسجل مواد في الكميونتي كولج واخذها فيها ولاتحسب لي الدرجه بس يحسب بااس ولاتاثر على المعدل ..
هل هذا الكلام صحيح فيسير ناخذ المواد الصعبه هناك ونضمن شوي على الاقل ..؟
كيف طريقة معرفة المواد اللي في الكليه اذا هي نفس المواد المطلوبه مني في الجامعه ؟ هل هي تحمل نفس الرقم او ايش بالضبط ؟
انتظر ردودكم ..
عليكم السلام ورحمة الله وبركاته ..
ايه تقدرين تنزلين المواد في الصيف في الكميونتي كولج في سان انتونيو فيها اكثر من 3 كليات ومن ضمنها northwest vista colloge قريبه من السي وورلد
وازين مافيها ان A والـ C نفس بعض .. لانك لما ترجعين للجامعه حقتك تنحسب لك الماده فقط باس زي ماذكرتي ..
انا افضل اخذ فيها كلاسات اون لاين ، او المواد الصعبه اللي ماتوقع اني بجيب فيها درجه زينه وتخرب معدلي، اخذها في الكميونتي كولج وانجح فيها بإي درجه.
طبعا غير ان الكميونتي كولج غالبا ً تكون اسهل من الجامعه ..
بخصوص المواد قبل كل شي بتروحين للادفايزر وتقولين لها باخذ الماده كذا في الكليه كذا ، وهي تعطيك الابروفال او الضوء الاخضر انك تروحين تقدمين للكليه وان الماده راح يحسبونها لك بعدين.
وتكتب لك CR نمبر حق الكورسات اللي بتاخذينها .. بعدها تروحين للانترناشونال اوفيس وتعبين نموذج (ناسي اسمه اللحين والله) تكتبين فيه اسم الكورس والرقم حقه ويوقعون لك عليه.
تاخذين الورقه اللي فيها اسماء الكورسات مع الارقام حقتها ، وتقدمينها للكميونتي كولج وهم يعرفون وش تبي تاخذين من مواد.
طبعا لازم تقدمين على الكليه عن طريق apply texas وتعطينهم على الاقل خمس ايام قبل تروحين لهم.
هذا طبعا بشكل مختصر ، وإي سؤال حاضرين
بالتوفيق
الله يعطيك العافيه ويجزاك خير ع الرد ..اقتباس:
المشاركة الأصلية كتبت بواسطة ابوفهد2000
احسها شغله طويله .. بس تسوى صراحه خاصه ان بعض المواد معقده وترفع الضغط ..
طيب مشرفي عله ويرفع الضغط هل ممكن يسوي حركة نذاله ويرفض ..؟
هل كل المواد تكون موجوده هناك والا بعضها بس ..؟
هل السمر في الكميونتي كولج هو نفس مدة السمر اللي في الجامعه ؟
اسفه ع الازعاج والحنه :)
هي شغله اذا اول مره تسجلين في الكميونتي كولج ، لكن الجايات تصير اسهل لان يكون عندك رقم طلابي واوراقك عندهم.اقتباس:
المشاركة الأصلية كتبت بواسطة Deema 2011
بس تسوى والله للمواد الصعبه خصوصا وانها اسهل من الجامعه.
لا مافي شغل نذاله ، هو بس تروحين له عشان تاخذين ابروفال عشان لا بكره اذا خلصتي يقولو مانعادل اللي درستيه!!
لكن هم ماعندهم مشكله .. يعني ان شاء الله الابروفال تقريبا شبه مضمون
المواد غالبا تكون موجوده هناك بعض الاحيان ماتحصلين لكن بشكل عام موجود كل شي.
السمر هناك فيه اربع اسابيع وفيه خمس اسابيع وفيه ثمان اسابيع .. وانتي تختاري اللي تبينه
لا ابد حاضر لإي استفسار :)
الله يوفقكم بدراستكم
عند التخرج بأذن الله وطلب معادلة الشهادة من وزارة التعليم العالي سيطلبون معلومات المواد المحولة, واذا كان طريقة اخذها مخالفة للأنظمة (اون لاين مثلاً) ممكن ان تؤثر على المعادلة. فقط حبيت انبه على هذه النقطة المهمة التي يجهلها البعض.
بالتوفيق للجميع