أجي قبل الدراسه بكم يوم ؟ ( وش انسب وقت )

والله وانا اخوك انا اشوف ان اهم شي تكون معك الاوراق الرسميه ولاب توبك ..
وتكون معك شنطه صغيره فيها لبس حق اسبوع .. (يعني كم جينز على كم قميص على كم لبس منا ومنا )

لان المطارات قلق نفسي .. ولازم تكون خفيف بالروح والجيه ..

واذا على سالفة الملابس والاغراض .. فعندك حلين ..

اما انك تشحن اغراضك المتبقيه قبل السفر عن طريق الفيديكس .. والعنوان تخليه في اقرب فرع للفيديكس قريب من جامعتك او المنطقه اللي انت بتسكن فيها ..
وفيديكس عندهم خدمة ابقاء الاغراض في مقرهم لمدة عشرة ايام وخلال هالعشر ايام تقدر تروح لمكتب الفيديكس وتستلمها .. (عادة الشحنه توصل بعد اسبوع تقريبا .. وبهذا الوقت تكون انت اساسا بامريكا) ..
يصير بس تروح لهم وتعطيهم جوازك وتعطيهم رقم الشحنه .. وهم يسلمونك الشحنه ..!

او ..
أنك تخلي اغراضك بالسعوديه .. وتشتري اغراض جديده من امريكا (وهذا اللي سويته) ...
بس تروح لاقرب مول عندك واشتر اللي تبيه .. يعني 1000 دولار .. راح تخلي عندك ملابس حق سنتين قدام !
(وهذي النقطه تعتمد على غلاء المعيشة بالولايه اللي انت رايح لها) ..



اما من ناحية افضل وقت .. فأسبوع الى عشرة ايام قبل الدراسه باذن الله تكفيك ..!


وبكل الاحوال أنت اعرف بحالك ..,


هذا والله اعلم .,

اخوك محمد .

انا طلعت قبل الدراسة بعشر ايام وندمت فتحت حساب في البنك ثاني يوم وقدمت طلب للملحقية و بنفس اليوم انفتح ملف طالب لي وثاني يوم وصلني الضمان المالي

من رايي اشوف من 4 ايام الى اسبوع مناسبة جداً جداً .. وشي مهم السكن الدائم حاول انك توفره من بدري وانت في السعودية

بالنسبة للشنط الخطوط السعودية تسمح لكل واحد شنطتين وكل شنطه 25 كيلو و شنطة اليد اللي في الطياره ماحد يوزنها بس احتياط خلها اقل من 10 كيلو

نصيحه : خذ معاك تمر و كرتون كرسونات و اشياء خفيفه يمديك تمشي نفسك فيها لين تعرف المدينة اللي انت فيها شوي لان اول الايام عذاب اكلمك من تجربة

بالتوفيق