أجي قبل الدراسه بكم يوم ؟ ( وش انسب وقت )
السلام عليكم ورحمه اللله وبركاته ..
هل أسبوع او خمس أيام كافيه أخلص أموري فيها قبل بدا الدراسه ؟
ثاني شيء بخصوص الشنطه ( هل تكفي شنطه صغيره يعني اشيلها معي الطياره + شنطه اللاب توب ) ..<< اكره ماعليه العفش شايل همه
.. نصايحكم ..
أستغفر الله الذي لا اله الا هو الحي القيوم واتوب ايه
رد: أجي قبل الدراسه بكم يوم ؟ ( وش انسب وقت )
اذا كنت لوحدك فااسبوع تكفي وحاول توجد لك خيارات للسكن قبل توصل عشان ماتتبهذل في الفنادق ..
اما العفش .. الافضل انك تاخذ كل احتياجاتك الاساسيه ولاتفكر في العفش وهمه لانك مهاجر تقريبا مو رايح يوم وراجع واحسب حساب انه ممكن يواجهك ظروف وماتقدر تشتري الاشياء الاساسيه اول ماتوصل ..
يعني شنطه وحده كبيره او 2 صغار قد تكون مناسبه .. لنفترض ان اغراضك :
ملابس - جزم وانت والقراء بكرامه - ادوات نظافه شخصيه - اوراقك وشهادتك - لاب توب - تمر بما ان رمضان قريب :) .... الخ ..
بصراحه احس شنطتين كبار ويادوب تكفي بعد ..
بالتوفيق ..
رد: أجي قبل الدراسه بكم يوم ؟ ( وش انسب وقت )
على حسب الخطوط اخي الكريم
في شركات طيران واجدة ما تسمح الا بشنطة وحدة كبيرة ووحدة باليد !
اشوفك انك تاخذ الاساسيات وبس.. انا طلعت بشنطتين كبيرة ووحدة بالظهر ( قبل ما يطلع قرار شنطة وحدة كبيرة).. ندمت يا رجال .. وزن وقلق وفي النهايه ما استخدمت نصها
رد: أجي قبل الدراسه بكم يوم ؟ ( وش انسب وقت )
اخوي انا عندي لك نصيحة خذ معاك شنطتين وحدة كبيرة والثانية صغير تدخل معاك الطيارة،، الكبيرة حط فيها كل اغراضك وكل الاشياء اما الصغيرة انت حط فيها اطقم ملابس حق يومين الى ثلاث ايام مع بجامة وشوية ملابس داخلية عشان لا سمح الله لو شنطتك ما وصلت على الاقل يكون عندك شي تمشي حالك فيه.
رد: أجي قبل الدراسه بكم يوم ؟ ( وش انسب وقت )
اهم شي اوراقك الرسمية تكون في شنطة الابتوب لا تحطها مع العفش لا تضيع الشنطة و تضيع معاها
اعيد و اكرر اوراقك الرسمية من شهادات و اي توني و اي ملفات ورقية خلها معك بشنطة الاب توب كل شي يتعوض بسهولة ما عدى اوراقك الرسمية و جوازك و فلوسك اما ملابس و خرابيط راح تلقاها متوفرة ببلد الابتعاث
ولو تبغا نصيحتي لا تكثر ملابس اشتري من البلد الي بترحله احسن من ناحية انك مشتري مشتري فاشتريه من هناك و ما راح يتعبك في المطار و راح تكون البضاعة مناسبة لاجواء المنطقة الي بترحلها
وبالتوفيق
رد: أجي قبل الدراسه بكم يوم ؟ ( وش انسب وقت )
بالتوفيق لك وربي يسهل لك طريقك
ودي وتقديري
رد: أجي قبل الدراسه بكم يوم ؟ ( وش انسب وقت )
حط في بالك الشنطه الي بيدك ماتزيد وزنها عن 10
فالأفضل انك تاخذ بس الابتوب وشهاداتك دخلها بشنطة الابتوب ..
موفق...
رد: أجي قبل الدراسه بكم يوم ؟ ( وش انسب وقت )
الله يعطيكم ألف عافيه ..
بس أنا أبجي قبل بدء الدراسه بـ ثلاث أيام او أربع هل تكفي " ووشهي اجراءات اللي بعد ما اوصل امريكا ؟؟ هل يبي لها كل هالايام عشان انجزها
رد: أجي قبل الدراسه بكم يوم ؟ ( وش انسب وقت )
نصيحة
انا جاية قبل شهرين تقريبا
احسن شي تجي قبل الدراسة بـ اسبوع او 10 ايام تقريبا
اقل شي اسبوع حق تعب السفر وانك تخلص امورك
هذي نصيحة وانا مجرب
رد: أجي قبل الدراسه بكم يوم ؟ ( وش انسب وقت )
ليش تجي قبل الدراسة باسبوع او 10 ايام بالعكس قرارك صحيح تعال قبل دراستك من 3 ايام الى 4 ايام