عندي لاب توب ماك بوك برو بابيعه ..

الجهاز مبالغ في سعره خصوصا في اصدار جديد مع المعالج الجديد اي-7 و كرت شاشة افضل .. وتقريبا نفس باقي مواصفات جهازك وسعره اقل بكثير جديد من الشركة ابل .. MacBook Pro - Buy Apple MacBook Pro Notebook Computers - Apple Store (U.S.)

اتمنى تنظر للسعر والرد .. انا متحمس للجهاز لاكن السعر جدا غالي .. موفق.

أخوي ياليت تتأكد من السعر او المواصفات
لان انا اشتريت نفس المواصفات جديد بـ ١٢٠١ دولار

السعر مبالغ فيه جداً

الله يوفقك في بيعته
واتمنى من الاخوان اللي ما بيشتروا ما يقطع بـ رزق الادمي
هوه منزل سعر اتفاهموا معاه ع الخاص بخصوصه

حبيبي احنا ماقصدنا نقطع رزقة ولا شئ
انا اتوقع فيه خطاء في المواصفات او السعر
لان سعر الجديد ١٣٠٠ تقريباً وانا اشتريت نفس المواصفات بـ ١٢٠١ لان فيه خصم لطلاب الجامعه
في الابل ستور اللي عندنا في الجامعه بمقدار ١٠٠ دولار على الابل ماك بوك برو

والله ياغالي مانظرت للاسعار الجديده .. انا سعرت الجهاز من قيمته الاصليه اللي اشتريته فيها قبل سنه .. ولا شيكت على السوق على اسعار الجديد ..
حتى اليوم والله كنت ادور فاتورته كنت ابي اصورها .. مادري وين راحت انا اذكر اني كنت حافظها بشنطة اللاب توب بس حظي اقشر دايم

لكن مو مشكله زين انك علمتني .. خذيت جوله بموقع ابل وشفت الاسعار ..

والسعر مفتوح للمفاوضه ..

تأكدنا من السعر ياغالي .. والفضل يعود لله ثم لاخونا الود ..
واما بالنسبه لك .. فتأكد من مواصفات جهازك ياغالي قبل الحكم ..

اعتذر اخوي محمد .. على هذه الصدمه .

الله يجزاك خير اختي ..



اعتذر مره اخرى على عدم رؤيتي للاسعار الحاليه .. وتسعيرتي للجهاز اللي كتبتها كانت معتمده على السعر اللي شريته فيه قبل سنه ..

السعر الجديد راح يكون بـ 1500$ .. قابل للمفاوضه ..

يا اخوان مثل ماقلت لكم انا جدا محتاج .. الملحقيه حطتني بموقف الله العالم فيه .. بعت سيارتي علشان اسدد رسوم الجامعه .. ولما جيت اطلب التعويض قالولي لازم يكون عندك تران سكربت السميستر الحالي وفيه درجات ؟!
يعني يبون الجامعه يحطون لي درجات قبل العالم كلهم مثلا ؟ ..
بالعربي انا منتكب وسالفتي مطوله معهم .. وانا ماني محتاج هالفلوس الا اني ابي اسدد التزاماتي من فواتير واجار شقه وحتى اكل ..

على كل حال فيه بعد لاب توب ثاني عندي

من نوع Sony بعد شريته قبل ثلاث شهور تقريبا بحدود الـ 780 دولار (كل الزياده هذي تاكس) ..
ايضا نظيف وجديد .. ما استخدمه غير بالجامعه فقط .. هذي صفحته بالبيست باي:
Sony - 14" VAIO E Series Laptop - 6GB Memory - 640GB Hard Drive - Glacier White - VPCEG37FM/W
نفس الجهاز ..


والله حتى التلفزيون من نوع سامسونج 46 بوصه LED .. شريته قبل شهر ونص .. شكلي بابيعه بس ماعمري ارسلت تلفزون عن طريق الشحن ..
هذي صفحة التلفزيون بالبيست باي :
Samsung - 46" Class - LED - 1080p - 120Hz - HDTV - UN46EH6000FXZA

فاللي جاد انا ماعندي مشكله اقدر اتفاوض انا وياه ويرسلي رقمه بالبرايفت او يطلب رقمي وانا ارسله الرقم بالبرايفت واتفاهم معه ..
الله يعين ..

الله يكون بعونك ويسهل امرك...

السلام عليكم اخوي ..
كم حدك بالتلفزيون؟
الله يفك ازمتك يارب..

حدي فيه 800 ..
ولو شريته من بيست باي جديد راح يكلفك فوق الالف .!
ومثل ماقلت انا ماعمري شحنت تلفزيون لكن اذا عندك طريقه لشحنه او تبي احد يستلمه من عندي ماعندي مشكله .