PhD acceptance

الله يعينك يا خوي.
جامعات أمريكا تشوف ماجستير بريطانيا أٌقل من ماجستيرها، ولا تستغرب لو طلبوا منك تعيد ماجستير.

بالتوفيق،،،

ماعليش وين قاعدين حنا
سولف عربي .. استغرب من المنتدى لابد يكون فيه قوانين صارمة بالمواضيع اللي A to Z انجليزي
عسى ماشر

يالغالي يمكن الكيبورد مايكتب عربي !

أو ممكن الراجــل يبغى يتكلم انجلش ،

" حرية شخصية " ،


الأخ كاتب الموضوع تفضل قائمة بالجامعات " Biomedical " لمرحلة " الدكتوراه " : هنــــــــــــــا


بالتوفيق للجميع يــــارب

اخوي انت قريب جداً لوضعي..

انا خريج ماجستير بريطانيا تخصص molecular medicine وصار لي بدون مبالغه حوالي سنتين أدور قبول دكتوراه من امريكا يعني صرت امتلك خبره وأفكر افتح مكتب خخخخخخ..

المهم ما خليت جامعه فيها تخصص قرييب للتخصص المذكور الا وراسلتها وقدمت على جامعات كثيرة بدون فائدة.. التخصصات مثل molecular medicine, microbiology & immunology, biomedical sciences, molecular biosciences للأسف قبول الدكتوراه من امريكا باختصار صعب بالذات التخصصات هذي لانها غالباً تكون تابعة للـ Faculty of Medicine..

لذلك اولا واهم شيء عند التقديم وعشان يكتمل ملفك لازم وضروري تسلم درجات الجي آر اي وغالب الجامعات تطلب من1000 وطالع..

بعد كذا معدلك في البكالوريوس والماستر، غالبا لازم يكون اعلى من 3.0/4.0 وهذي واجهت فيها مشاكل لأن نظام جامعتي في بريطانيا هو pass/fail وها لنظام ما يعرفونه في امريكا فيطلبون منك evaluation للسجل الأكاديمي مع العلم ان بعض الجامعات تسوي هالخدمة للمتقدمين لها.

طبعاً من ناحية التوفل في الغالب ماراح يطلبونه منك، وهذا يعتمد على الجامعة بعضهم يطلبه حتى لو انك خريج بريطانيا.

بعد هذا كله وبعد ما تكتمل أوراقك، يجتمعون القسم ويقررون وفي الغالب يختارون الافضل من بين المتقدمين لأن العدد محدود جداً للمقاعد..

هذا باختصار واقع قبولات الدكتوراه في امريكا، يمكن تكون عندك خلفية عنه بس حبيت اذكر التجربة اللي مريت فيها انا شخصياً لعلها تفيد الجميع..

في النهاية فيه جامعة أنصحك فيها لأنهم اكثر جامعة تجاوبوا معي وسلسين جداً بالقبول والبرنامج عندهم اسمه molecular biosciences جديد، عطوني قبول مشروط على الجي آر اي والى الآن محتار اروح لها لان عندي قبولات من بريطانيا.. اذا كان عندك رغبه فيها علمني اقول لك افضل طريقة للتقديم.. الجامعة اسمها ميدل تينيسي middle tennessee state university.. لكن هي موقفة من الوزارة، بس اذا كنت طالع عن طريق عملك اعتقد ما عندك مشكلة ان شاءالله..

بالتوفيق للجميع،

بعض جامعات أمريكا لا تطلب ماجستير للتقدم لمرحلة الدكتوراة ، فكيف ترفض ماجستير من بريطانيا ؟!

صدقت يوجد كم جامعة تقبلك بدون ماجستير، هذا الكلام صحيح ما عليه غبار، لكن التخصص يلعب دور.



في تخصص الهندسة يوجد 218 جامعة في أمريكا تقدم دكتوراه في تخصص الهندسة

لكن في تخصصي مثلاً:

إذا كنت بأطلع لغويات تطبيقية: فهناك فقط حوالي 12 جامعة عندها دكتوراه وتطلب ماجستير.
إذا كنت بأطلع تخصص ترجمة: فهناك فقط 2 جامعتين فيها تخصص دكتوراه وتطلب ماجستير.
إذا كنت بأطلع تيسول: فهناك حوالي 3 جامعات وتطلب ماجستير.

تحياتي،،،

اخوي ,, انت تخصصك بايوميديكال يعني يمديك تاخذ الدكتوراة بدون ماجستير ,, نصيحتي لك تواصل مع الدكاترة على طول لان هذا اول شي بيقولونه لك الادميشن اوفيس دور لك على ادفايزور وخوذ موافقته بعدين قدم طلبك ومن غير ماتلقى ادفايزر لاتضيع فلوسك وتقدم ,, طبعا الديدلاين للدكتوراه بامريكا غالبا بجنيوري وبعضهم قلييل باكتوبر فحاول من الحين تدور على دكاترة بنفس مجال البحث اللي تبيه وازعجهم ايميلات واتصالات لحد مايردون عليك وترى اغلبهم يطنش لارفض ولاقبول مجرد تطنيييش وكانك قاعد تشحذ منهم فعادي جدا ولاتزعل ولاتتحطم انشب لهم لان اسلوبهم مع الكل و طبعااا اذا طولوا ماردوا بالايميل اتصل عليهم عشان تتاكد الرساله وصلتهم وماراحت للجنك ميل
ربي يوفقك انشالله وتحصل قبول باسرع وقت

بدأت اشك في موضوع الأدفايزر إنه غير صحيح

http://www.mbt3th.us/vb/forum8/thread362272.html