الأعضاء الإشتراك و التسجيل

الملتقيات
ADs

حسبي الله على من قهر احلامي وقتل طموحي

حسبي الله على من قهر احلامي وقتل طموحي


NOTICE

تنبيه: هذا الموضوع قديم. تم طرحه قبل 2048 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كنت هنا يوما ما
    كنت هنا يوما ما

    مبتعث جديد New Member

    كنت هنا يوما ما الولايات المتحدة الأمريكية

    كنت هنا يوما ما , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى Arabi , بجامعة Cleveland
    • Cleveland
    • Arabi
    • أنثى
    • Cleveland, Ohio
    • السعودية
    • Jan 2012
    المزيدl

    May 9th, 2012, 08:05 AM

    السلام عليكم ورحمه الله وبركاته

    انا بكتب هالموضوع لاناشد المسئوليين واصحاب الشأن بخصوص موضوع الابتعاث ..

    اقسم بالله في داخلي ضيم وقهر على مستقبلي اللي ضاع .. للأن مني متخيله ان كل التعب والسهر فالمذاكره راح هباء منثورا .. رجعت السعوديه وماقدرت اتخطى اختبار الايلتس ولا التوفل ولا الجيمات ؟؟؟ شلون بتخطاها وانا جيت امريكا لغتي زيروو يعني بدأت من الصفر والمعهد كل ليفل يستمر 4 شهور طبيعي تركيزي كله بيكون على القرمر والكتابه وو اللسنينغ والاسبيكنج ..
    متى اقدر اذاكر للجيمات ونماذج الايلتس او التوفل ..؟؟ ومتى اقدر اسوي براكتس لكل هذا ؟؟؟ ما اقدر الحق للواجبات والا للاشياه هذي كلها !!
    صدقوني سنه و6 شهور ماتكفي .. يعلم الله اني مجتهده وجديه في دراستي وما كنت اغيب كلو عشان استفيد من كل يوم يعدي عليا و درجاتي فالمعهد كلها امتياز والحمدلله .. وفالنهايه ولا شي ليش ماتكون مده دراسة اللغه سنتين ؟؟ مخي اتشتت بين الجيمات والكلمات الاكاديميه ووبين التوفل وغيرو من العقبات اللي واجهتني .. احسبوها معايا كل مستوى 4 اشهر والسنه فيها 12 شهر ولنا زياده 6 شهور يعني تقريبا 5 مستويات متى اوصل للمستويات الاكاديميه الاخيره 7 و8 ؟؟؟
    والله قمة الضيم لما تكون تعشق الدراسه وتقطع عمرك عليها و في الاخر تلقى مين يصدمك بقرارات تعسفيه ..
    والقهر الاكبر لما تلاقي قبول جامعه مشروط والقسم اللي يناسبك و تعطيك الملحقيه ضمان بغرض القبول وتحس ان امورك كلها تمام وفجأه تنصدم برفض الملحقيه بحجه انو خلاص مانمددلك للغه
    حق شهرين ويروح تعبك وفلوسك وكل وقت ضيعته في البحث عن الجامعات والولايات ووكل شي سويته في الهواء ..
    والله في ناس مددلتهم الملحقيه لدراسه اللغه لاكثر من سنه و6 شهور بالواسطه و احنى ياللي مالنا احد يزبطنا هناك ( غير الله والنعم فيه ) للأسف محد عبرنا والله لو كنت املك مبلغ مالي محترم كان طلعت ع حسابي وريحت دماغي لكن الفقر مكسر مجاديفي ومجاديف اهل اهلي .. وغير المشرفين والمشرفات اللي حاطينهم عشان يردون علينا ردود غبيه وتخليك تجلس فحيره من غرابة الرد .. واذا اتصلت تسمع شرشحه ويتقفل الخط فوجهك وع الايميل كم كلمه ماتدري وش الهرجه يحسسوني اني غبيه ما افهم فأضطر اخلي الكل يقرى معايا عشان استوعب القصد من الرد والكل نفس حالتي اكبر تعجب فوق روسنا ... حسبي الله ونعم الوكيل ..

    اعذروني فضفضه عابره ..

    سبحانك اللهم وبحمدك اشهد ان لا اله الا انت استغفرك واتوب اليك ..
  2. لا حول ولا قوة إلا بالله...

    مشكلة اللغة أنها مو فقط جهد ذهني وبدني، ومستوى ذكاء. اللغة اكتساب وممارسة، ولذلك قد تجد شخص مستواه عادي ولكن يفلح في اللغة، وشخص ذكي وقدراته الذهنية عالية، ويحط ركابه عند اللغة، وتحطمه تحطيم.

    أنا أعرف شخص متخرج بعدل 4.84، وكان من أفضل الطلاب على مستوى الكلية، وأعرفه شخصياً عقليته ما شاء الله عبقرية، لكن درس اللغة لمدة سنتين، ويحفظ كم خيالي من المفردات، ومع ذلك والله ما قدر يتعدى 5.5 وتحطم تحطيم ما بعده، وفقد الثقة في نفسه لدرجة أنه بعدما خلص الماجستير رفض يكمل دكتوراه. وبالمقابل شخص آخر مستواه عادي، وما فيه أدنى مقارنة بين الشخصين ومع ذلك استطاع يحصل على 7.0 في الآيلتس، طبعاً بعد دراسة سنتين، كلهم مبتعثين من جامعات.

    الآن: بالنسبة لك أختي، فما أدري هل ينفع معك أنك تقومين بتأجيل البعثة لمدة سنة، وبعدها تحاولين تشتغلين على نفسك في السعودية طيلة السنة هذي، وإن شاء الله تقدرين تجيبين الدرجة، وأيضاً حاولي تبحثين عن جامعة تطلب درجة أقل، ولو توضحين تخصصك ممكن الأعضاء يقدرون يساعدونك بشكل أفضل.


    دعواتي الصادقة لك، ولكل مهموم.
    تحياتي،،،
    7 "
  3. شكرا لكم على دعواتكم والله لا يوريكم اللي شفتو

    انا بدي ادرس تكنولوجي اديوكيشن بس مالي نصيب بعد الصدمات اللي شفتها ..

    والاخ اللي يقول الملحقيه تمدد 3 شهور للأسف كلامك غلط لأني رسلت كل التقارير والدرجات حقتي للملحقيه ((والحمدلله انا جاده وبشهاده كل من درسني ))
    وطلبت منهم تمديد عشان ادرس فمعهد الجامعه شهرين بس وبعدها ادرس ماجستير لكنهم رفضو .. وبعدها خليت مديره المعهد تراسلهم لانها كانت تدرسني وتعرف مستوايا وطلبت تمديد ليا ورسلت درجاتي لهم وبرضو رفضو ..
    قفلوها فوجهي والله كسروني بعد ماقريت رفضهم حسيت الدنيا صارت سودا ..
    ولغتي الحمدلله كويسه وفي تطور لكن ينقصني الوقت عشان اسوي براكتس للايلتس جبت 4 ونص لاني ينقصني الكلمات الاكاديميه وهذي ما ندرسها الا فالمستويات الاخيره فالمعهد وللأسف الوقت داهمني وما وصلتلها ... وحاليا نفسيتي فالحضيض كرهت الكتب وما اقدر افتح شي بعد ما راح عليا قبول الجامعه .. حسبي الله ونعم الوكيل
    7 "
  4. حبيبتي الله يعينك ويوفقك ي رب بس شوفي ترا اللغة ما تعتمد على إذا هذا الشخص شاطر أو لآ !!
    اللغة تعتمد أعتماد تام على إذا الشخص يبي يتعلمها لنفسه حتى هو يستفيد أو يتعلمها عشان يتجاوز الإيلتس وتعتمد برضو على حب اللغة ،، يعني أنا الحين لآ درست لآ بمعهد ولا شي وحتى كتب المدرسة ما تساعد أبداً
    >> بس البركة بالافلام من طلعت ع هالدنيا اشووفها من عمري 5 سنين خخخخخخ !
    ولله الحمد لغتي حلووهـ أقدر أكتب وأقدر أتكلم إنجلش وكمان القرامر موب مرره عندي كويس بس أمشي حالي ع حسب الي أنا درست أنتي أختبري أختبارات أونلاين وذاكري للإختبار وأدخلي مواقع لتعلم اللغة وسولفي مع الناس إنجلش ووتدربي والله يوفقك ي رب وتجيبي أعلى درجة ي رب
    3>
    وشووووووفي موفيز مرة مفيدة عشان تتكلمين كويس زيهم
    ^_^
    إما بالنسبة لفترة اللغة فهي فعلآ تختلف من شخص لآخر بس مدري شووفي إذا يقدرون يمددون لك ولا لاء
    !
    بس من وجهة نظري أحس سنة أو 6 أشهر كافية لي حتى ما أضيع السنين كلها ع اللغة
    ><" !
    وموفقه
    ^_^

    7 "
  5. خلينا نتكلم جد
    هي المدة كافية وزيادة سنة ونص بس إنجليزي ؟؟ والله كثيرة مرةةةة
    تخيلي البعثات الكويتية تدرين كم مدة دراسة مرحلة اللغة لمبتعثيهم ؟
    فقط 6 أشهر واللي مايجيب درجة الايلتس يرجع للكويت
    المشكلة ان احنا دايم نأجل ولا نعرف قيمة الوقت ... انتي برضو مو مغصوبة على المعهد هذا ، فيه معاهد تبع جامعة نظامهم شهرين ونص
    طيب اوكي حتى لو 4 أشهر مو مشكلة انتي ليش تعتمدين على المعهد فقط ؟ المفروض من بدري تعتمدين على نفسك وتحملين كتب للجيمات، لـ تحضير التوفل أو الآيلتس
    تحفظين كلمات أكاديمية بنفسك عن طريق الإنترنت .. والله تجيبين الدرجة في غضون 8 أشهر
    لكن مشكلتنا التسويف والإهمال
    ترى حالي مثل حالك بس كلمة الحق تنقال وهذي الفلسفة ياليت انا طبقتها بنفسي
    7 "
  6. الملحقيه تتعاون في تمديد اللغه حتى 3 اشهر اذا اثبتي انك جاده في دراستك ودرجاتك ممتازه ومابقى لك الا 3 اشهر او حولها <- متأكد من المعلومه

    المصدر: حسبي الله على من قهر احلامي وقتل طموحي
    حفاظاً على حقوق الكاتب نرجو عدم حذف المصدر مبتعث
    معلومه غلط واتحدى فيها

    والله ماتمدد لو يوم لك
    7 "
  7. شكرا لكم
    انا عندي كتب اخرى اعتمد عليها ومشتركه فمواقع كثيره والسبيكينج عندي عال العال وليا علاقات كثيره مع الاجانب ..
    لكن الجيمات بحالها يبغالها وقت للدراسه والبراكتس للايلتس برضو يحتاج وقت ..
    والاخ اللي يقارنا بالكويت احب اقول تراهم ماشاء الله يدرسون الانجليزي من المرحله الابتدائيه عندي صديقات من الكويت بعضهم درسو شهرين او 4 شهور بس جلسو فالمعهد
    وراحو للجامعه ع طول ماشاء الله لانهم من صغرهم دارسين ومايتعبون زينا جايين خالصين ..
    احنى التعليم اللي عندنا مايحتاج اقولك عليه من جنبها ..
    وقلت كذا بناء على اللي درسوني وانا والله اعشق الانجليزي و احلى حاجه درستها فحياتي اللغه الانجليزيه فالسنه اللي فاتت
    بالرغم التعب اللي عشتو لكن كنت مستمعه لاني بدرس شي احبو لكن ماصارت لي فرصه ادرس فالسعوديه تخرجت من الجامعه وعلى طول جيت امريكا ..
    الحمدلله على كل حال ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.