هل كثرة التنقلات بين الجامعات والمعاهد تؤثر على الوضع القانوني للطالب؟ ارجو الاجابه

<<< تحب تدخل بالموضوع على طول



هل كثرة التنقلات من معهد الى معهد او من جامعه الى جامعه يضر بالطالب او الطالبه من ناحيه الامقريشن او لا؟؟




لاني بصراحه خايفه ومتوهقه



بقولكم وضعي طبعا



درست لغه في ولايه من احد ولايات امريكا وبعدين حولت لنفس المعهد بولايه ثانيه بعدين جبت قبول من جامعه قبول نهائي بعدين نزلت للسعوديه اجازه ولما رجعت للجامعه قلت مابي ابدا عندكم لان لغتي يبيلها شوي<<< تعرفون الاجازه ضيعت اللغه هههههههههه




بعدين قلتلهم يحولون اي تونتي حقي على معهد لغه ثاني ووافقو.. وابي بعد مادرس اللغه ست شهور زياده اروح لجامعه ثاااااااااااااااااااااااانيه بعد

اهئ اهئ واليوم شفت وحده من صديقاتي وخوووفتني تقولي انتي كثيره تنقلاتك ومدري ايش ايش ووو....



روعتني بجد



ياناس ساعدوني وشوضعي...

ماشاء الله ما بقى معهد وجامعة ألا ورحتي له

أتمنى الأخوان يفيدونك

عجبني اسمك مررررررررررررة
الله يوفقك

شوفي يانملة ....

رسمياً ماهو ممنوع ولاهو مكتوب في أوراقهم انها تؤثر .. لكن منطقياً انها تؤثر لو لاحظوا هذا الشيء لأنه بيحسسهم ان في شيء مو طبيعي .. وخاصة اذا جيتي بتجددين الفيزا قد يؤثر هالموضوع .. ما ودي أخوفك بس هذي الحقيقة

نصيحتي لك انك اذا انتهيتي من اللغة الحين ارجعي للجامعة اللي جاكي منها قبول وخل عنك اللفلفة :)

الله يوفقنا وإياكي يااااااااارب

نظاميا مافي مشكله ولكن الويل الويل يوم تروحين تجددين الفيزا من الحين اقدر اقولك ماهم مجددينلك


الللللللللللللللله يعينك

مافيه اي خوف,, دام تنقلك بشكل قانوني ولايقدر اي شخص يحاججك في الموضوع,, لاسفارة ولاغيرهم
بس نصيحة كثرة النقل تضيع وقتك

تكفوون اهم شي تكونين متاكدين وماتوهق يعني ماياثر علي التنقل وبسسسسسسسسسسسسسسسسسس

لاني متروعه وخايفه


الله يخليكم وشكرا على ردودكم اللي تريح

هو عادي ومافيه اي شي بما ان كل اوراق الترانسفير حقت الفيزا كامله ووافيه
من الجامعه الحاليه الي الجامعه الي ودك تروحين لها..
وجيك ان بالجامعه الجديده وتاخذين الاي توني الجديد وتداومين ..


بسسسس!!
حطي في بالك احتماليه بان السفاره جايز ماتجدد لك الفيزا لما تشوف تقلبات كثيره بالجامعه
لاتنسين ان كل تحركاتنا وكل اي توني يصدر عليه رقم الدي اس وباسم الطالب.. والسستم عندهم يرصد كل شي
ولا تتضايقين اذا سآلوك اساله كثيره.. مجرد استفسارات اكيد لا اكثر وعن الاسباب..
والبنات مايركزون عليهم كثير صدقيني..

تقدرين تجلسين بامريكا لحد ماتتخرجين اذا كنتي خايفه من عدم تجديدها بس ماظن راح تستحملين.

ثاني شي راح تخسرين خساره كثيره كل ما غيرتي الجامعه

لان في مواد جايز ماتنحسب وتطيح وتروح عليك وسنوات الدراسه والعمر تضيع!!
بس ماظن ان انتي عندك المشكله هذي لانك توك لغه وما اخذتي مواد جامعيه<< مدري اذا غلطانه صححيلي


وثالث شي الاضرار النفسيه
صدقيني مو سهله انك تجي وتغير مكانك وولايتك وجامعتك
الواحد مايصدق على الله يجلس بجامعه ويعرف الديبارتمنتس والادفايزريه ويكون له علاقات ويعرف المدينه
يقوم فجآه ويغير ؟


عدى عن ذلك لا شي يذكر ولا تخافين مافي شي يسوى
ولا تعطين اذنك لناس ظروفها غير عن ظروفك

جايز هي مرتاحه مكانها وتشوف تقلباتك مال امها داعي
بس مثل ماقلت لكل انسان احتياجات.. ومايسوى تجلسين بمكان انتي مو مرتاحه فيه.. يا ناس مو غصب !!!!

لينا

الله يخليك لي يارب

طمنتيني والله