تجمع لطلبة امريكا لمعرفة اسعار الايجارات

السلام عليكم

شباب كم أجارالشقة غرفة نوم واحدة وصالة ومطبخ وحمام واحد الله يكرمكم مع الأثاث في ولاية Maryland في مدينة College Park بدون الفواتير
وكم قيمة الفواتير الشهرية تقريباً (كهرب - مويه - غاز - انترنت )

وكم سعر السكن مع عائلة في نفس الولاية و نفس المدينة

السلام عليكم جميعا

المدينة: بيكرسفيلد، كالفورنيا
نوع السكن: ستديو عباره عن غرفه واسعه ومطبخ وحمام اعزكم الله
عدد الغرف: غرفه واحده
مواصفات السكن: موقع المدينه قريب من كل المدن الرئيسية يعني لوس انجلوس ساعه بالسياره، سان فرانسيسكو 3 ساعات، لاس فيجاس 3 ساعات، اذا تبي البحر تقريبا ساعه من المدينه. عدد سكان المدينه تقريبا 250 الف يوجد بها جامعة كالفورنيا الحكوميه وهي معتمده من الوزارة (المدينه مناسبه لطلاب البكالوريوس) حيث ان تخصصات مرحلة الماجستير والدكتوراة محدوده جدا.
الايجار الشهري: 550 من غير كهرب (الفرن على الكهرب مايحتاج يعني غاز)
مساوء المدينة:
1. كأنك بالسعودية حر
2. تعتبر من اسوء المناطق في الولايات المتحدة من حيث تلوث البيئة (انا ماشفت شيء بس الخوجات يقولون لانها محاطة بجبال)
3. لا يوجد بالجامعة جميع التخصصات المطلوبه (مهم قبل ماتجي تشييك على التخصصات واذا احد يبي شيء من الجامعه ومو محصله في الموقع انا مستعد يراسلني خاص)
4. المدينه لاهي كبيرة ولا صغيرة يعني اللي منكم شاف مدينة الخرج بالسعودية يقدر يقول نفس الشيء
5. الشعب حلووين ومبتسمين 24 ساعه طالما انك بعيد عن المناطق الخطرة

هذه بصفة عامة المدينة اللي ساكن فيها واي معلومات ثانية انا موجود بالخدمه

يا التميمي فديتك عندي كم سوال الاول الجامعه هذي فيها بكلاريوس ادارة اعمال والسوال الثاني اذا ابي ادرس مرحله الانجليزي في المعهد طبعا الاقي عائله وكم ياخذون الشهر لاني بادرس على حسابي لين ان شاء الله التحق بالبعثه وكمان عندي اسئله بس ما ابي اثقل عليك عساك سالم ولك مني احلى تحيه على تفاعلك

اخوي عندي امل حياك الله

الجامعه يوجد فيها تخصص ادارة اعمال وهذا موقعهم http://www.csub.edu/ بخصوص الانجليزي فيه معهد تابع للجامعه تدرس فيه الين تجيب الدرجه المطلوبه في التوفل علشان يقبلونك تحتاج تجيب فوق 61 توفل انترنت، اما بخصوص سكن العائلة تنسق مع المعهد قبل ماتجي يشوفون لك عائله بس عطهم فتره شهر اقل شيء علشان يرتبون الوضع والسعر تقريبا 600 - 650 في الشهر.

وبالعكس اسأل قد ماتبي انا تحت امرك في اللي اقدر اخدمك فيه

السلام عليكم ورحمة الله وبركاته
والله أنا أبغى أعرف للي سكنون بجامعة يوتا كم أيجارها ؟
ومشكورين وما تقصرون

في بعض الاخوان

قلبوا الموضوع إستفسارات

جزاك الله خيرا وشكرا لك

من يدري عن الاجار في مدينه جونسبورو في ولاية اركنساس ابي غرفه ودورة مياة وانتم بكرامه طبعا تشمل الكهرب وكل شي يعني ابي ادفع واخلص من كل شي كم تقريباً ؟

موضوع جدا رائع..

ياريت يفيدونا اصحاب الخبره ..

لان موضوع السكن اول شي نشيل همو لمن نوصل...

فرجينيا - ريتشموند

غرفه + دوره مياه (تكرمون) + غرفه متر بنص متر للملابس مع المطبخ على السيب ..
700$ بدون فواتير الكهرب والماء والغاز وغيره..


ملاحظه /

معليش يعني ..فيه آوادم منلحسه هنا أو مدري وش وضعها ..
تخش على الموضوع وتحوووورف فيه يمين وشمال ..
الموضوع واضح طريقته ..كل شخص يدخل يضيف مبلغ إيجار الشقه ووين ساكن..
بعض الردود مالها داعي مثل مشكوور ويعطيك العافيه ..وكيف الجامعه الفلانيه..والله حيهم ووش عندك بكره ..
خل الموضوع مرتب عشان يصير مرجع ..