هل يصرف لي الراتب بعد 8 ايام ؟
السلام عليكم و رحمة الله و بركاته
انا ياجماعة الخير توني صاير مبتعث قبل اسبوعين و باقي معلوماتي البنكيه قاعد اسويها .. و بالنسبه لدفتر الشيكات بيوصلني بعد اسبوع .. و الحين زي مانتوا عارفين ان الراتب للمبتعثين بينزل 21 جمادى الثاني .. يعني بعد 3 ايام .. السؤال هو هل راح يصرفوون لي الراتب لو كملت بياناتي بعد 8 او 9 ايام ؟؟ يعني اقدر اطلب تعويض بالراتب اللي نزل ؟؟
الشئ الثاني هو اني انا مسجل في اختبار الايلتس في معهدنا , هل اقدر آخذ الفاتوره و ارسلها عن طريق البوابة و اطلب تعويض ؟ هل راح يعوضوني عن الفلوس اللي دفعتها للاختبار ؟
الشئ الثالث .. الحين جاني ضمان مالي لمعهدي الحالي .. هل اقدر اغير معهدي بعد اسبوع ؟ يعني هل راح يوافقون علطول ولا بيقعدون يتمااطلون و يجيبون فيني العيد ؟؟؟ و كم تاخذ لها الاجراءات ؟؟
رد: هل يصرف لي الراتب بعد 8 ايام ؟
تقدر تاخذ صرف فروقات لو بعد سنه مو مشكله اما على تغير المعهد فهم يبون يكدونك كد جيب قبول من معهد معترفين فيه وقدم طلب انك راح تدرس بالمعهد بالفول لان الحين السمر ما يمديك ياخذ اجرائات المعهد كم يوم
رد: هل يصرف لي الراتب بعد 8 ايام ؟
ما قصرت .. طيب بالنسبه للراتب كيف ؟؟ هل اطلب تعويض للراتب ؟؟ يعني في الاساس الراتب ينزل بعد 3 ايام طيب انا خلصت اموري و بياناتي البنكيه بعد 8 ايام هل اقدر عقب ما اخلصها اني اطالب بالراتب اللي نزل قبل كم يوم ؟؟
للرررررررررررررررررررررررررفع ارجوا مساعدتكم تكفووون
رد: هل يصرف لي الراتب بعد 8 ايام ؟
ايوه تقدر و الراتب يبدأ ينحسب لك من وقت انضمامك للبعثه
اول ما تحط بياناتك البنيكه في موقع البوابة تسوي طلب صرف فروقات و تحط عدد الايام من يوم ما انضميت و راح ينزلك المبلغ المستحق كامل ان شاء الله
بالتوفيق
رد: هل يصرف لي الراتب بعد 8 ايام ؟
تطلب صرف فروقات من تاريخ قرار ابتعاثك اذا كنت على حسابك وانضميت قريب
اما اذا انت مبتعث من الوزارة قبل تجي تقدر تطلب صرف فروقات من تاريخ دخولك امريكا
بس اتوقع انك انضميت قريب وهذا اللي فهمته من كلامك
لو كنت حدثت بيانات الحساب البنكي اول ما انضميت كان صرفوا لك حق الايام مع المكافأة
بس اذا ماحدثت بيانات الحساب البنكي الى الان ما اتوقع ينزل لك شئ
وبكذا تطلب صرف فروقات من تاريخ قرار ابتعاثك الى اخ يوم في الشهر الهذا
طبعا كل التواريخ بالهجري
بالتوفيق